والديار اللي نبي ماهي بعيدي=تقرب الصعبات ربعي لابغوها

بسم الله الرحمن الرحيم

السلام عليكم ورحمة الله وبركاته هذه القصيدة كتبتها بعد رحلة الى الديسة (ضواحي تبوك )وكان معي بالرحلة نشامى شروى السامعين وكان احدهم فهد زيد العلوي يطلبني الكثير من قصائدي أثناء الرحلة وبعد ان رجعنا الى تبوك طلبني ولزم علي ان اكتب قصيدة في رحلتنا هذه اتمنى ان تنال اعجابكم

يافهد وان كان مهتم بقصيدي
	جعل تفداك القصايد كلبوها
للشعر فخر (ن) لمثلك له يعيدي
	انت من ربع القصايد قدروها
انت راعي ذوق يالذوق الفريدي
	ليت كل الناس مثلك يفهموها
انت ذاك اليوم تطلبني جديدي
	والنوادر حاسبه مثلك ابوها
يافهد حركت هاجوس(ن)عنيدي
	عادته جزل القصايد لاطلبوها
والديار اللي تبي ماهي بعيدي
	تقرب الصعبات ربعي لانصوها
وابو ناصر وانت من دم الوريدي
	خوة الوافين تشرى واشتروها
حازمين الراي يالراي السديدي
	والمطية طاوعت يوم اركبوها
ارتفاع(ن)في نزول(ن)والاكيدي
	لين جينا ديرة(ن)ما ينكروها
وسط وادي جنب ضلع(ن)قرب بيدي
	اعزموا ذولا النشامى واصلبوها
وقفوا ثم اشعلوا نار(ن)وقيدي
	وضبطوا دله على الكيف اشربوها
يافهد منك العذر كان ماجمل قصيدي
	الهجوس تخون بعض احيان لايالعنبوها

صح لسانك عبدالمجيد وخوّة النشامى شرواك تشرى ولي ملاحظه على البيت الأخير ان تقبلتها


دمت بخير وتقبل مروري

صح السانك ابوشهد ابياتك هذه ذكرتنا بالسجات الجميله مع النشامى شرواك انت وزملائك الذي تخاطب ببياتك

صح بدنك ابو ريان وخوة من هو مثلك تنشرى وملاحظتك على راسي من فوق وتأكد اني تقبلتها برحابة صدر وتعليقك يعني لي الشيء الكثير شاكر لك مرورك دمت بحفظ الله

صح بدنك كبيرنا ابوفلاح وسجاتك مع خوياك النشامى مميزه أسعدني مرورك وأشكرك عليه دمت بحفظ الله

صح لسانك يابو شهد وبيض الله وجهك قصيده رااااااااااااائعه ومفردات ممتازه وملاحظة ابوريان في محلها ومعزة اخو لخوه
والنقد في الشعر يعلم الله اني ايده ويكون الشاعر متفاديأ للملاحظات

صح بدنك الشاعر الكبير ابو طاهر شهادتك اعتز فيها
وانت وابو ريان اخوان لي وكلكم عزيزين وانا ادري بحرصكم على ان تكون المفردات تليق بالمنتدى أسعدني مرورك وأشكرك عليه دمت بحفظ الله

صح السانك ابو شهد على القصيده الطيبه والخوي يستاهل القصيد

صح بدنك عبداللطيف شاكر مرورك دمت بحفظ الله

صح لسان أبو شهد على الابيات الطيبه