يالله اني طالبك حسن الختام

بسم الله الرحمن الرحيم

السلام عليكم ورحمه الله وبركاته

هذه القصيده نصيحه انصح بها نفسي اولا واخواني الاعزاء واتمنى ان تحوز على رضاكم واطلب من الله سبحانه وتعالى ان يجمعنا في الفردوس الاعلى من الجنه

ساعه الرحيل مافيها كلام
	يامدور لشقى يقرع حنين
من زرع زرعه يجي وقت الحطام
	وكل بذره في موازين الامين
كوره الدنيا جناح بلا عظام
	لايغرك طيفها ودور السنين
لاسكنت بوسط تابوت الظلام
	ماحصلك غير ماقدم حصين
ولفوقماشاً مقاسك بالتمام
	ووجهو وجهك لبيت المسلمين
واطيب الاحباب في شغله ولام
	بالرمل كرمك والخافق حزين
وهلت العبرات مافيها ملام
	سنت المعبود رب العالمين
وجاتك اللي غايبه وقت الزحام
	تسمع اللي ماشيا يدوي ونين
وانشدوك اثنين ياراع الحرام
	عن ثلاثه اشياء وفيها فاهمين
كان به عمل على احسن مايرام
	ثبتك ربي ويلهمك اليقين
وكان بالدنيا لعب فيك الحرام
	الله اعلم بالاجابه ياالفطين
الثلاث اللي يمرن بك لزام
	كلهن شقى وحاول تستعين
تستعين بواحداًمنشي الغمام
	الذي خلقك من ماء مهين
بين دنيا فانيه يالله سلام
	وبين برزخ والله اعلم وش يبين
وفي حياه الاخره تبغى وسام
	ماتقدم تاجده لو بعد حين
يالله اني طالبك حسن الختام
	في جهادا حق او سجدت جبين
ياعظيم الشان يارب الانام
	كل مسلم كرمه قولو امين

كـــوره الـدنـيـا جـنــاح بـــلا عــظــام
لايــغــرك طـيـفـهـا ودور الـسـنـيــن
صح لسانك الشاعر الكبير بعيد المشاويح القصيدة كلها جزله ونصيحة تشرى بالفلوس والبيت اللي انا اخترت وهالاسلوب اختيار بيت اوبيتين من القصيدة اسلوب خاص فيك ولكن هالبيت صورته لحالها اسال الله ان يجعلنا ممن يعمل بنصيحتك بيض الله وجهك ابوطاهر وتقبل مروري

صح لسانك وبيض الله وجهك

تقبل مروري

اسعد الله مساك ابو طاهر وصح لسانك على هذه الابيات الجزله دمت بخير وعافيه تحياتي لك

صح لسانك يا ابو طاهر... وحقق الله كل امانيك في الدنيا والاخره ... واحسن الله خاتمتك وخاتمتنا وخاتمة كل مسلم

اللهم اجعل خير اعمالنا خواتيمها وخير ايامنا يوم نلقاك
صح لسانك يابو طاهر

صح السانك ابوطاهر وبيض الله وجهك على هاذي القصيده الجزله مفرده ومعنا تقبل مروري

عافاك الله يابوطاهر على القصيد الواقعي والمعنى المفيد وصح لسااااااانك

اخواني الاعزاء شرفني اطلاعكم وصحت ابدان الجميع