ولا ذم خلق الله

خاطره حبيت المشاركه معكم بها

( ولا ذم خلق الله )

يالله بمزن باول الوسم تنشيه	خيره كثير وجعل وبله ضفيه
ترعى به البدوان كلن بواديه	كلن يغير عن امراحه شوية
وتسيل دار اللي من الناس نغليه	وانا اقصد السحمان ربع الحميه
ونبته على الحره يكثر نواميه	ويسيل وادي الطرف مع العثيه
وجعله على العبلة وصبحه حراويه	وكلن يقول الخير شوفه هنيه
وادقس لعله ضافي الوسم يسقيه	دار الربوع اللي لهم قابلية
ترعى به ريمات والني تقنيه	ترعى قفور العشب فكل نية
هي دار جدي يوم كل وعزاويه	حامينها لليوم والنار حيه
حنا بني نجوان والعز اهاليه	تشهد لنا العربان في كل هيئه
هذا الكلام الي نوثق نواصيه	ماهي هروج اللي على عنجهيه
ولا ذم خلق الله وكلن وعانيه	وانا ذكرت اللي عناني هنيه

حيّ الخاطره وراعيها وصح لسانك أبومحمد الله يرزق الديار بالمطر والخير

ترعابها ريمات والني تقنيه

ترعابها وقفور في كل نيه

ياسلام ياسلام

اميييييييييين وصح لسانك الشاعر ناهض السحيمي خاطره ممتازه وبيض الله وجهك

صـح اللسان الي بحكمه تجريــه ==== يملي خواطـر بالمعاني قويـه

تقول وقولك للمسامـع تسريـــه ==== متخير الجزله على طيب نيـه

ماهي غريبه دام طبعك مضريه ==== على المراجل والكرم والحميه

إلى استاذي الفاضل \ناهض مثيب السحيمي الموقر
بكل اعتزاز وفخر اهديك شكري وتحياتي واهنئك على افكاراك النيرة وتعبيرك الجذاب

صح لسانك ناهض مثيب السحيمي والله يرزق البلاد والعباد تقبل مروري وسجل اعجابي

هلا وسهلا ابومحمد لنا ايام ماقراينا لك خواطر صح لسانك على هذه الخاطره الجميله نسال الله من فضله انه جواد كريم لك مني اطيب تحيه

صح لسان الشاعر ناهض السحيمي

الله يحييك ويبقيك يا ابو ريان ويرفع شانك ويرزق ديارنا وديار المسلمين بالغيث وشرفني مرورك


اخوي الشاعر بعيد المشاويح تسلم يا ابو طاهر وصح بدنك وشرفني مرورك

اخوي بدر الحربي شرفني مرورك ولك هذه الخاطره مجاراه واعذرني ياخوي ترا ماني شاعر


حي الجواب اللي وصلني وراعيه *****زين النبا والقول حسن السجيه
من روؤس ربعي باينات(ن) خطاويه***** حرب الوفا واهل العلوم النقيه
حرب الحرايب ما خذوها مشاريه ***** ولا جت على الفاضي ومجلاس فيه
قول الشريف اللي جموعه تباريه*****يوم يغراهم شايف المقدريه
ودفانه الركبه وانا العلم بحميه *****اما يفك الذود ولا ضحيه
وفعل اللويصق وين ودك نوديه ***** اللي على عج الرمك له نحيه
والا حمول الخيل والملح غاشيه *****هذي عزاوينا ولاهي خفيه
نبذه وانا التاريخ ماني بمحصيه ***** والكذب ماهو لي ونفسي برئيه
وهرج التملق يابعدي وش نبي فيه***** تاريخنا يلمع وله جاذبيه

اخي بعيد الهقاوي لك الف شكر على مرورك وتعليقك واعتز بمرورك

اخي عبدالمجيد تحياتي لك واعجبني مرورك وتعليقك والله يرفع قدرك ياخوي

اخي معزي فلاح تحياتي لك ياخوي وانا اعتز وافتخر بمرورك اخي الغالي

اخي احمد معوض صح بدنك ياخوي شرفني مرورك

تقبلوا تحياتي جميعا