السعوديه بلادي غير عن كل البلادي

بسم الله الرحمن الرحيم

كنت بالمستشفى الاسبوع الماضي جاتني الممرضه في الساعه الثالثه والنصف ليلآ لتقيس عندي الحراره والضغط وتعطيني العلاج تكلمت معها هل تصلين قالت انا غير مسلمه فكررت عليها الكلمات لماذا لاتكونين مسلمه لماذا لاتصلين تموتين وانتي كافره فتكوني فالنار فهمت انها لا تريد النقاش في هذا المو ضوع طلبت منها ورقه وقلم فقالت مستغربه مني هذا الطلب في هذا الوقت بابا ماذا تكتب الان فكان جوابي لها في هذه الابيات لعلها ترقي لاذواقكم الشعريه

حمد لك ربي لطيف امنزل الرحمات
	ربي امسير نظام الكون عليك اعتمادي
ماشكيت الا عليك ايلاهي الاهات
	خالقي لطفك ياربي فالالم متعب فوادي
ربي اني ملتجي بك يالله الفزعات
	متكل عليك ماني متكل على اجتهادي
يامجيب السائلين امفرج الكربات
	مؤمن بك متكل بك رافع اكفوف الايادي
يامعين ابك المعونه عيننا بالواجبات
	واشهد ان النفس يلزمها محاسب مع اجهادي
واتوقع بي ساعه هادم اللذات
	اتوقع بي لحظه ياقف العدادي
يالله اتهون عليه نزعت السكرات
	لاحظر خاطف نفوس الخلق بالميعادي
في سكون الليل والانفس بعمق امن السبات
	فاز من قام وطرق باب الكريم الهادي
فاز من قام وسجد له طالبه عفو ونجات
	في نهارآ فيه يحكم ربنا بين العبادي
اشهد ان الخير كله والسعاده والغنات
	طاعتك يالخالق الدايم وغيرك للنفادي
والحياه الابديه غيرعن ذي الحيات
	العفو يارب يامحيي هشيم الوادي
يهبي الدنيا ماتتركنا بدون امنغصات
	مستحيل ايامها تمر بيض ابلا سوادي
فيه بالدنيا سعاده وفيها مهلكات
	وكل شئ مسجلآ نلقاه في يوم الحصادي
قالت السستر يابابا ويش تكتب قلت يات
	الجواب اللي تبينه صبرك اكمل مرادي
اللي اكتب شعر يابنيه ولاهو بالبنات
	ولغتي ماتفهميها من يسولف معك غادي
اللي اكتب فيه يبغالك امترجم للغات
	هاتي امترجم يفهمك الكلام اللي وكادي
من تكلم معك ياسسترمن ارض المعجزات
	طيبت التوحيد والتاريخ والامجادي
من جوار المصطفى عليه سلام وصلات
	العظيم اللي بحبه حن عرق امن الجمادي
ودولته خير الدول علمآ ثبات
	السعوديه بلادي غير عن كل البلادي
دولت الاسلام من عصر السنين الغابرات
	وفزعته هالحين لامَنه لها صاح المنادي
وانتي امن الشرق ولا الغرب من ذيك الجهات
	الوكاد انك من اهل الشرك واديار الفسادي
مع ونين اللي سقيم وهصهصه للسسترات
	ليه اوحا الهاجس ان اكتب لي ابيوتا اجدادي
للكتابه شهيه كيف هي الان جات
	هي كذا تجي بلا ترتيب شئ ايرادي
كان من ربعي فقيدت شعر حي وهو مات
	فاقدن صياف والاثنين نمر وبادي

ابو فلاح كثر الله من امثالك يارفيقي مازلت وسوف تبقى بأذن الله شاعر ذهبي وصاحب مفردات ذهبيه ...
الحمدالله الذي هدانا الى دين الاسلام ومن غيره سبحانه تجلت قدرته يهدي نسال الله الثبات لنا ولك ولجميع المسلمين...
والحمدالله على سلامتكم يا ابو فلاح وعارض خير انشاء الله ؟؟؟

اشهدن الخير كله والسعاده والغنات
طاعتك يالخالق الدايم وغيرك للنفادي
بيض الله وجهك على هالقصيده
الصراحه رجل دين وجزاله ومفرده
تطلق وجهك وبيض الله وجهك والحمد الله على السلامه ولاترى مكروه يابو فلاح

هلا وسهلا ابوعواد اسعد الله اوقاتك الله لايهينك رفيق عزيز غالي ايشرفني مرورك الله يسلمك ولايريك مكروه تحياتي لك

هلا ابوطاهر اسعد الله اوقاتك ووجهك ابيض دايم الله يسلمك ويطول بعمرك ولايريك مكروه انشالله اقدرلك مرورك وتقييمك للقصيده ولاعليك زود بما قلت عن القصيده وشهاده منك ومن شرواك يبقى لها صدى عندي دمت بخير وعافيه

بيض الله وجهك عم ابوفلاح جزله من شاعر جزل وما تعودنا منك الا الجزل تقبل مروري وسجل اعجابي

اسعد الله مسائك يابو شهد ووجهك ابيض دايمآ اقدر لك مرور وتعليقك على القصيده وماعليك زود بما قلت

صح لسانك أبوفلاح وقدامك العافيه ان شاء الله والله يجعلك دايم بخير

وهذي أمانه لإدارة ومشرف هذا المنتدى ماندري من يحيا ومن يموت إن لقب شاعر المنتدى خاص بمعزي فلاح السحيمي مهما تغيرت الإداره وتبدل المشرفين بمنتديات قبيلة السحمان لأنك رجل كفو وطاهر وخوي من غير قصور بالبقيه لكن أنت وضعك مختلف من بداية مشاركاتك وتسجيلك مع أخوانك وانت متعبتك المراجعات ولاانت راعي كمبيوتر بعد هههه
ومع ذلك قصيدك مفيد وديني وحموي يطرب الشاعر اللي يخاف ربه ويحب قبيلته .

لك محبة المسلم لاخيه وتقبل مروري

اجر وعافيه يابو فلاح وصح لسانك

ابوريان مساء الخير طابت اوقاتك بالمسرات وصح بدنك الله يسلمك ويرفع قدرك عنده ويطول بعمرك على طاعته اقدرلك ماغمرتني به من كلمات لاتصدر الامن قلب الرفيق التقي الصادق المحب لرفاقته ولكل مسلم وانا اذا كان ساهمت بشي فيه شي من الفائده في منتدى قبيلتي العزيزه فهذا من واجبات رفاقتي علي مااشرت اليه اكيد ان اخوتي الشعراء الافاظل كذالك الذي يهمني ان اكتب شي يكون له قبول ومفيد لزوار المنتدى الكرام تحياتي للجميع دمتم بخير وعافيه