ديوان الشاعر عبدالله رشيد السحيمي

بسم الله الرحمن الرحيم

السلام عليكم ورحمة الله وبركاته
يشرفني ان اضع بعض من قصايد الشاعرعبدالله رشيد عبيد السحيمي في هذا الموقع
الراقي موقع ربعي وتحوز على رضاكم انشالله

هذه القصيده لشاعر عبدالله رشيد عبيد السحيمي

يالله يافارج هموما مقيمات

يابالفرج والجود تجلا همومي

ياعالمن بالبينه والخفيات

يارب يارحمان وانت الرحومي

قلبي من الهاجوس يزرق بسجات

هما شيب الراس فرعه يحومي

اسهر بتال اليل ولحالي اوقات

ماغير اطالع في بياض النجومي

عشرين عاما في ديونا عسيرات

ماحدن فزعلي يوم وقت الزومي

ان ماعطاك الله جزيل العطيات

مايثيب مد الناس مابه علومي

قالو علامك يوم تاحذ حوالات

نفخ كلاما مثل لفح السمومي

الله يعز اهل النفوس العزيزات

حفظكم الله يارجالن قرومي

يالله يارفاع سبعه سماوات

وكونت شكل الارض سبعه احزومي

تجعل لنا بالطيب روحه وجيات

ياللي فرقت الناس بروس البهومي

صلاة ربي عد نجوما مشعات

على نبي الحق ماهو ضلومي

هذه القصيده مرثئه لشاعر في والدته وخاله رحمهم الله عزا وجل وادخلهم فسيح جناته

يالله ياللي رافعا لسماء فوق
	ياللي ارسلت المزن لرضن جفافيي
ياللي خلقت النفس في كل مخلوق
	ياعالمن في كل ماكان خافي
تفرج لقلبا من عنا الهم محروق
	كنه يهذب بالسيوف الرهافي
دنيا بلا والد ترا مالها ذوق
	وتنوس بكبدك به يباس ونشافي
مثل الهماج اللي على الكبد طاروق
	لوتشرب الماء من شرابه تعافي
يالله توفقهم على الخير بوفوق
	وفي جنة الفردوس وعطاك كافي
وصلاة ربي عد ماتبرق ابروق
	واعداد من هلل وبالبيت طافي
على رسولا سايقا للنضى سوق
	بينه وبين المشركين اختلافي
يمشي وبامر الله وفي علم ماثوق
	امرن من الله بين نونا وكافي

وهذه ابيات لشاعر مرسلهاعلى اخيه

ياراكب اللي لا مشا يشرح البال
	جمسا جديد ولابعد غير الزيت
من عندنا يمسي على طيب الفال
	ابن رشيد اللي له الكار والصيت
بعد التعب اشرب من الكيف فنجال
	وخذ العلوم اللي مثل شعت الليت
تلقى العلوم الطيبه مابها جدال
	في مجلسا ماجات فيه الهلافيت
الله انه ينجيه من يوم الهوال
	يوما عبوس ومر مثل الحلاتيت
وصلاة ربي عد ماهل همال
	على نبيا حطم اصنام بالبيت

قصيده للشاعر عبدالله رشيد عبيد السحيمي مرسله الى احد ابنائه وهو رشيد عبدالله

ياراكب اللي لامشى يسبق الصوت
	صنع الامريكي بالمديل الجديدي
مكيفن جوه تقل جو بيروت
	مايملكه الا كثير الرصيدي
يلفي على اللي شوفهم عندنا قوت
	احلا من الماء للهليك البعيدي
اخذ الكلام اللي على صدق وثبوت
	الى لفونا كنها يوم عيدي
بعيد مير ارتاح لاجاني الصوت
	جهاز ماسواه خطو البليدي
يامسلم المكتوب لايفوتك الفوت
	لازم تسلملي خطابي رشيدي
الله يثبتنا لاجت سكرة الموت
	مع روغه الاذهان محدن يفيدي
في ساعه فيها يشوت النفس شوت
	لاقفو الاحباب وابقى وحيدي
وصلو على اللي ثبت الحق بثبوت
	على رسولا مرسلا للعبيدي

هذه الابيات للشاعر عبدالله رشيد عبيد السحيمي

اه واقلبي اللي في همومه عصاني
	كل ماقلت ابنسى زاد همه عليه
يسحب الحال همه مثل سحب السواني
	يوم تسحب غروب الماء بجم الرويه
شيب الراس همه ومتحني زماني
	صرت مثل الغريب اللي عليه الحميه
غير ابدل هواجيسي وانا في مكاني
	يالله افرج همومي يا جزيل العطيه
الله انه يجيب اللي نحا مانساني
	بعد طول الغياب الله يرده عليه

هذه القصيده لشاعر عبدالله رشيد عبيدالسحيمي مرسلها الى الشاعر عليان رفاده السحيمي رحمه الله عليه رحمه واسعه علما انه لايحضره
ردالشاعر عليان

مااحلا الجواب اللي وصلني يامحلاه
	مثل الرحيق اللي يلم النحليا
مثل الذهب وسط القوالب مصفاه
	شبو عليه الضوء لين انعزليا
حي الكلام اللي راعيه سواه
	من صافي النيه حروفا عدليا
نعمن في ابو عايض عسى الاش يفداه
	رجل الحميه يوم وقت الزمليا
ابو عايض مكرم الضيف لاجاه
	ياشوق من زان خلقها والدلليا
ارسلتلي خطن حروفه منقاه
	ميزانها مابه نقوص وميليا
يومن بعض الناس هرجه مراواه
	يمشي على عمياه لين انهبليا
يازين هرج الصدق ياناس زيناه
	مثل القراح اللي شرابه بلليا
من طارت المقفين تعبت مطاياه
	اما خسر ولارجع بالفشليا
يابو عايض بعض العرب ماحسبنها
	واللي يعادينا بنطلاه طليا
وصلاة ربي عد مزن نثر ماه
	على نبين بالمدينه نزليا

هذه القصيده مرسلها الشاعر عبدالله رشيد عبيد السحيمي الى الشاعر علي رفاده السحيمي

ياراكب اللي من حفيزه شريناه
	شغل اليهود اللي تذكر شمليا
العصر من سوق المدينه نهضناه
	سواقها اللي سالم من الجهليا
سواقها اللي لاعطا الخط يدراه
	ولاتسمع الاصوات غير العجليا
منصاه ابوماجد رجل لاعدمناه
	راعي دلال ودايم الدوم مليا
رجلن شجييع ويرفع الراس طرياه
	مناصفه لا بوصف الجمليا
ريف الهجافا لالفو ماتعداه
	لاجو من بعد المسافه زعليا
الشايب اللي تذبح الحيل يمناه
	مايحسب عن الضيف لوكان غليا
نعمن في ابو ماجد بيوم الملاقاه
	يومن بعض الناس يمشون تليا
ياليت بعض الناس يفكر في مبداه
	قدام لاينزل في حفره زلليا
عوج الكلام اللي على غير معناه
	مايمشي الهزلات غير الهزليا
ماكل من يتعب يبا الطيب يلقاه
	بعض العرب ماكر وفيه انحلليا
هذاك والله مايبيله مداره
	خلك على قلبه ثقل الجبليا
مكرم اللي للمهمات مسعهاه
	دايم يسعا بالطيب مابه ملليا
من اكل لحوم الناس تجيه بلواه
	الرب مايهمل ويمهل مهليا
اخذ النصيحه اللي تايه بممشاه
	قدام لايجيك قصف الاجليا
ابعد وعن ضلم العرب لاتبناه
	لابد من يومن يقولو رحليا
ولابد من يومن تجيله مفاجاه
	يحاسب النمام شين العمليا
كلن ياخذ حقه ولابه مراواه
	في ساعة مافيه لخذ وجدليا
بعد الحساب النار قدمه ومثواه
	ومن استحق النار ماله بدليا
وصلاة ربي عد حرفا كتبناه
	على نبين للرساله حمليا