قبيلة السحمان شجعان وكمول

السلام عليكم ورحمة الله وبركاته
تحيه طيبه للجميع
اخي ذاير الحربي اعذرنا اذا حصل قصور بالرد رديت على
على وجه السرعه لكثر مشاغلي وظروف العمل
عسى ينال اعجابك واعجاب القاري

يامرحبا مني مثل صافي اللول

وقت الرخا والا بالايام شطه

احلا من الحالي مغلف ومعسول

في خط شاعر عالي الرجم نطه

لو فيه حصلنا مطبات وميول

وازريت اميز بين سمنه ويقطه

من ذاير الحربي له احكام وقبول

قرم العيال اللي بدينه نغبطه

من لابةٍ لاجردو كل مصقول

كم راس فارس بالمعارك تقطه

قبيلة السحمان شجعان وكمول

مجد الرجال الوافيه من يغطه

ياكود ياهل العرف حاسد ومهبول

دايم لسانه بالخطايا يمطه

وعن المراجل فيه كبوه ومشلول

بيضة غراب البين من بطن بطه

ياصاحبي يوم العدا جالها ضول

وكثرت ثعابين السناوي ورقطه

دمرت باالبحر الحمر عدة اسطول

عد الجنايز بين عمقه وشطه

راع الخطا صابه يابو طاهر اذهول

بعد المكابر قال صرنا بورطه

يوم انتصرت وصار عاذل ومعذول

كلن حزم لمقابل القوم وسطه

راس الجبل لو عاوده برق وثعول

هونت دام القوم عنا بغطه

شرهه وتنصى راس مقبل ومقبول

قلته وانا مالي على الناس سلطه

ماقل دل وياعسى عمرك ايطول

ونبغى السموحه كان بالرد غلطه

صح السانك يابوتركي على هذه القصيدة الرائعه
ولاعليك زود يابو تركي

هلا ولله يابوتركي وصح لسانك على هذه القصيدة الجزله مع ان شطر القافيه الثاني فيه شي من الصعوبه والمحدوديه ولكن لم يصعب على شاعر متمكن مثلك يابو تركي وصح لسان الشاعر ابوطاهر الذي جعلنا في ابياته الجزله نطلع على هذا الردالجزل منك على ابياته انته من الشعرا المبدعين تحياتي لك دمت بخير

اقتباس:
المشاركة الأصلية كتبت بواسطة بعيد الهقاوي
صح السانك يابوتركي على هذه القصيدة الرائعه
ولاعليك زود يابو تركي




هلا وغلا
شرفني مرورك يابن العم

اقتباس:
المشاركة الأصلية كتبت بواسطة معزي فلاح واصل السحيمي
هلا ولله يابوتركي وصح لسانك على هذه القصيدة الجزله مع ان شطر القافيه الثاني فيه شي من الصعوبه والمحدوديه ولكن لم يصعب على شاعر متمكن مثلك يابو تركي وصح لسان الشاعر ابوطاهر الذي جعلنا في ابياته الجزله نطلع على هذا الردالجزل منك على ابياته انته من الشعرا المبدعين تحياتي لك دمت بخير


الاخ معزي فلاح
شرفني
مرورك وشهاده منك تاج على راسي
الله يبيض وجهك يابن العم الغالي

--------------------------------------------------------------------------------



اسلم وتسلم من عنى كل مخيول
هاذي شروط الشعر لوكان شخطه
وكل العسل مصدر نحل ساسه الثول
والثوب ماينفع الى بان قطه

وصح لسانك يابو تركي وبيض الله وجهك وكفيت وفيت

وبعيد عنك القصور ياوجه الرفيق الله يحفظك والدعوى تسلي وبييض الله وجهك

اقتباس:
المشاركة الأصلية كتبت بواسطة ذاير الحربي
--------------------------------------------------------------------------------



اسلم وتسلم من عنى كل مخيول
هاذي شروط الشعر لوكان شخطه
وكل العسل مصدر نحل ساسه الثول
والثوب ماينفع الى بان قطه

وصح لسانك يابو تركي وبيض الله وجهك وكفيت وفيت

وبعيد عنك القصور ياوجه الرفيق الله يحفظك والدعوى تسلي وبييض الله وجهك







ابو طاهر حنا نتعلم من الرجال الي مثلك وشرواك
وعذرنا على على القصور
الله يبيض وجهك