ديوان الشاعر معزي فلاح واصل السحيمي

بسم الله الرحمن الرحيم 12-8-1434
ابيات كتبتها اليوم لعل فيها ما يرقى لأذواقكم الشعرية والمعذرة ان لم ترقى لذائقتكم أظن اني كتبتها على عجله ومعها ارق واطيب التحايا لكم جميعاً ايها الاخوة الافاضل

توكلت بك يا خالقي ربي الرحمن
	يا موجد ما ضم الكون يا الدايم الجبار
يا من بالعقل فضلت سبحانك الانسان
	على ما مشى برضك وسماك والابحار
يا منزل على خير البشر محكم القران
	ألا يا الهي عفوك ارجوه يا غفار
ضجيج البلد مزعج منه مندوش عمسان
	الا ما اطيبك يا البر لو ليله أونهار
اذا منك خوة يا هلا يا سمئي سرحان
	ترى خوتك نوماس يا زين هالمشوار
تفضل فدوك أقول يا الطيب الرديان
	يا كاسب نعم لك بالعرب شيمة واومقدار
نبا انسج لديار(ن) خلا ما بها سكان
	لذيك الفياض الي بها تصفي الافكار
فياض(ن) روائح عشبها ينعش الولهان
	ألا يا حلو جلسه بها عقب شب النار
فياض أمتعاقب عشبها والزهور الوان
	صحيح ان بعض ايام يبقى لها تذكار
لياضقت من مكان بدلت به مكان
	فجاج ارض ربي واسعة واي فج اختار
على اللي تميز بالصناعه به اليبان
	تفنن بصنعه عبقرياً أمن الكفار
فخامة ضخامة كمله صانعه باتقان
	أمير الجيوب الي يسمونه الفكسار
ليا فز مثل اللي ليا نهض الجنحان
	يبشر مطيره بالسعد شارب الصقار
اليااعطيت به فج(ن)خلين من العربان
	يخيل لي انه طايره وانني طيار
وان اعطيت به عرق(ن) يغرزبه النيسان
	عطيته دبل ثم انتهض مثل حر طار
وارق التحايا ابعث بها لكم من عمان
	من ارض الصمود ألديرة المصطفى المختار
تحيات مني لرفاقه عقب نجوان
	هل النخوه اللي لهم شان ومكان وكار
يوم ان القبايل بالجزيره نهب واكوان
	لنا افعال ماتخفاء على كل شهم اخيار

بسم الله الرحمن الرحيم

السلام عليكم ورحمة الله وبركاته
نبارك لابو طاهر حفل زواج ابنائه اسال الله لهم التوفيق وهذه ابيات بهذه المناسبه 1434/10/10

بسم الله الرحمن مبدايه بطاروقن جديد
	ويحكم على ضعف البيوت وقوها موحينها
يامن علي ابكل ماالفظ منك رقيبآ عتيد
	يامن خلقنا جل شانه من سلالة طينها
ابدايتي بك ياالعظيم وياالرحيم وياالمجيد
	وابتنقى من بيوت الشعر مع ناقينها
ياالله منك العون والتسديد بالقول السديد
	وهنا القوافي لي بالجزله تمد ايمينها
اميل به بحر القوافي واخذ اللي منه اريد
	جزل المعاني مقصدي واجيبها في حينها
عاشر ليال العيد مااحلاها ترى ذا الليل عيد
	باافراح ابو طاهر وجمعة ربعنا يازينها
ليلة فرح فيها اجتمعنا مثلها جعله يعيد
	فيها تغاريد الفرح يبقى صدى تلحينها
لاهل الوفاء جينا وفاء وانته وفي ياابن رشيد
	ياكاسب النوماس في حلوالليال وشينها
وانسابنا العتبان يانعمآ بهم والله شهيد
	اعتيبه الهيلا صحايف مجدها قارينها
ويامرحبا بالكل منكم بالقريب وبالبعيد
	ترحيب سحمان الوفاء بااهل الوفاء لافينها
في حفلكم ياربعنا يطيب لي نظم القصيد-
	جزل البيوت اللي تليق بحفلكم مهدينها
ان صار لي وقفه مع الشعار باذن الله اجيد
	حبك البيوت اللي بها مايطرب امحبينها
قوافيآ نظمتها يلقى بها العلم الاكيد
	ان طبت ابسوق المعاني غاليآ تثمينها
لعل فيها مايفيد السامعين ولي يفيد
	عندي نصيحه مع جزيل الشعر ياباغينها
النصح والتذكير يبدا للذكي وللبليد
	ويوجه الجهال في مصلوحها صاحينها
وماخاب من في طاعة الله بيده الحبل الجويد
	تري هل التوحيد عزتها بقوة دينها
من قدم ابدنياه لاخرته قبل موته رصيد
	تلقونها الحسنات يوم الحشر يامعطينها
ياخالق الكون الفسيح وكل مابه لك عبيد
	ياموعد ابجنتك ياجزل العطاء شارينها
عفوك نهار الخلق ياغفار شقي وسعيد
	بالماقف اللي خلق تكرمها وخلق اتهينها
واعوذ بك من شر ذي شرآ ووسوست المريد
	ويامن وعت المومنين ابرحمتك راجينها

من قصايدي الغزليه هذه الابيات كتبتها عام 1399هجري لعلها ترقى لذواقكم

سرياقلم رتب ماللبال جازي
	عطاني الهاجس بما جازلي عاز
سرصوغ لي قافآ طرالي على ازي
	شطرآ على ازي وشطرآ على از
راعيك في نضم القوافي استازي
	اكتب وسطرله من الشعر ما جاز
قافآ مع الشعار له امتيازي
	ثقيل وزنه بالمعاني لمن راز
ياراكبآ هافآ جديد الطرازي
	اجميحيآ مايناسبه غير منتاز
بضربه افجاجآ اخليآ غرازي
	شف لياقام ايتقمز تقماز
امن الوديعه وجهتي للحجازي
	لي بالمدينه قوم واقارب اعزاز
لقطع الديار امجهزه يابو غازي
	لاصار قلبي تقل يصلا على غاز
لولا ضلوعي تمسكه كان نازي
	يكفخ كما حرآ امن الوكر قد ناز
على الذي غلاه بالروح وازي
	الي على لاماه شفقن ومعتاز
اللي على كل التواصيف حازي
	وعلى خواته بالعقل صار يمتاز
اللي بحبي له عن الغير فازي
	وسط الضمايرصورتآ له ابرواز
اللي مداخيل الحشاء له ملازي
	انا الحضيض ان كان حضي بها فاز
معشوقتي قمة شرف ماتهازي
	بالسوق ماداجت تهز هز تهزهاز
معشوقتي شعري عطاكي ايجازي
	اني رجاوي شعري اعطاكي ايجاز
في حفظ ربي ياخشيف الجوازي
	كفاك ربي شر حاسد وهماز
ياللي تقولون الهواء اليوم بازي
	اهل النوايا الخايبه عندهم باز
اعطيتني ياهاجس الشعر عازي
	ورتبت لي ياهاجس الشعر ماجاز

كتبت هذه الابيات وانا لاابري نفسي من الاخطاء اوالنقص سوى بالشعر اوغيره فالكمال لربنا سبحانه 15\ 12\1434

بك المعونه ربي المستعاني
	يامن لاقلت لشي كون ابيكوني
يامخاطب امحمدابصدق البياني
	يامن هل التوحيد الك يسجدوني
البارحه مندوب للشعر جاني
	عطاني اعلومه وحرك شجوني
بعد تقهوى قال بالله ثواني
	من وقتكم بعض الدقايق عطوني
قلت اهرج اهرج بالعلوم السماني
	قال ايه اهاتي ليه ماتسمعوني
قلت اسمع اسمع جونا الان زاني
	وان كنت مستعجل اخذ تلفوني
واللي تريد ابشربه الان الاني
	ابشر اوصل علم عليه اموني
نداك لا ماصك عنه الاذاني
	ياصل عمالقة الشعر في لحوني
وبعد نقاشي معه ساعت زماني
	اللزمني ان اكتب كذا صدقوني
الشعر هو كم له وكم له يعاني
	امن القهر يقول شابت اعيوني
يقول انا عالي امن اصلي مكاني
	وفي كل موقف معتبر تاجدوني
يقول انا طبعي مااحب الطماني
	ياجاهليني ليتكم تتركوني
يقول انا مفروض ياناس اصاني
	يااللي تبوني منوتي تفهموني
يقول انا قام ايتعثر احصاني
	من كثر ماالمستشعره يركبوني
يقول انا ليه وليه اماني
	البعض ابي عن سكتي يبعدوني
يقول يامن لابغاني عطاني
	حقي انا غالي فلا يرخصوني
يقول يا العمالقه ياكياني
	عن مستوى مايليق بي ارفعوني
يامااكثر الشعار بس المعاني
	ياضعفها وكسر القوافي اغبوني
مااعم اخص اخاف زلت الساني
	واهل المعاني مقصده يعرفوني
عن الشعر كتبت علمآ لفاني
	وسلامت الجميع ختم الحوني

بسم الله الرحمن الرحيم في تاريخ 24\12\1435هجري

كنت بالمستشفى الاسبوع الماضي جاتني الممرضه في الساعه الثالثه والنصف ليلآ لتقيس عندي الحراره والضغط وتعطيني العلاج تكلمت معها هل تصلين قالت انا غير مسلمه فكررت عليها الكلمات لماذا لاتكونين مسلمه لماذا لاتصلين تموتين وانتي كافره فتكوني فالنار فهمت انها لا تريد النقاش في هذا المو ضوع طلبت منها ورقه وقلم فقالت مستغربه مني هذا الطلب في هذا الوقت بابا ماذا تكتب الان فكان جوابي لها في هذه الابيات لعلها ترقي لاذواقكم الشعريه

حمد لك ربي لطيف امنزل الرحمات
	ربي امسير نظام الكون عليك اعتمادي
ماشكيت الا عليك ايلاهي الاهات
	خالقي لطفك ياربي فالالم متعب فوادي
ربي اني ملتجي بك يالله الفزعات
	متكل عليك ماني متكل على اجتهادي
يامجيب السائلين امفرج الكربات
	مؤمن بك متكل بك رافع اكفوف الايادي
يامعين ابك المعونه عيننا بالواجبات
	واشهد ان النفس يلزمها محاسب مع اجهادي
واتوقع بي ساعه هادم اللذات
	اتوقع بي لحظه ياقف العدادي
يالله اتهون عليه نزعت السكرات
	لاحظر خاطف نفوس الخلق بالميعادي
في سكون الليل والانفس بعمق امن السبات
	فاز من قام وطرق باب الكريم الهادي
فاز من قام وسجد له طالبه عفو ونجات
	في نهارآ فيه يحكم ربنا بين العبادي
اشهد ان الخير كله والسعاده والغنات
	طاعتك يالخالق الدايم وغيرك للنفادي
والحياه الابديه غيرعن ذي الحيات
	العفو يارب يامحيي هشيم الوادي
يهبي الدنيا ماتتركنا بدون امنغصات
	مستحيل ايامها تمر بيض ابلا سوادي
فيه بالدنيا سعاده وفيها مهلكات
	وكل شئ مسجلآ نلقاه في يوم الحصادي
قالت السستر يابابا ويش تكتب قلت يات
	الجواب اللي تبينه صبرك اكمل مرادي
اللي اكتب شعر يابنيه ولاهو بالبنات
	ولغتي ماتفهميها من يسولف معك غادي
اللي اكتب فيه يبغالك امترجم للغات
	هاتي امترجم يفهمك الكلام اللي وكادي
من تكلم معك ياسسترمن ارض المعجزات
	طيبت التوحيد والتاريخ والامجادي
من جوار المصطفى عليه سلام وصلات
	العظيم اللي بحبه حن عرق امن الجمادي
ودولته خير الدول ذا العلم ياسستر ثبات
	السعوديه بلادي غير عن كل البلادي
دولت الاسلام من عصر السنين الغابرات
	وفزعته هالحين لامَنه لها صاح المنادي
وانتي امن الشرق ولا الغرب من ذيك الجهات
	الوكاد انك من اهل الشرك واديار الفسادي
مع ونين اللي سقيم وهصهصه للسسترات
	ليه اوحا الهاجس ان اكتب لي ابيوتا اجدادي
للكتابه شهيه كيف هي الان جات
	هي كذا تجي بلا ترتيب شئ ايرادي
كان من ربعي فقيدت شعر حي وهو مات
	فاقدن صياف والاثنين نمر وبادي

[/poem]

بسم الله الرحمن الرحيم
ردي على قصيدة الشاعر عبدالطيف عوض السحيمي

عدد طلوع الشمس واعداد ماتغيب
	حي الخطاب اللي على ايب وعلى ايته
اهلا وسهلا له قبول وتراحيب
	عبد الطيف اليك رد احتريته
تشكي لنا من حب شيخ الرعابيب
	اللي كواك بنظرته ماكويته
مادام في جاشك لهيب المشاهيب
	من حب ملهوف الحشاءوش جنيته
امعذبك حب اريش العين تعذيب
	وش اللي اعطيته وش اللي خذيته
ياطالبآ رايي اذا كانه امصيب
	جاك اسمعه وانته الك مااريته
حييت يا مرسل جزيل الهناديب
	لاباس يامن لي مابك شكيته
ابشر ابفزعت مكملين المواجيب
	اذا الوضع في شرع ربآ رجيته
بالجاه ثم المال واخيار اصاحيب
	عسى عسى يكتب لك اللي هويته
وبعض الهواء ياذيب صفرآابتكعيب
	ومحرمآ عليك لو اشتيته
وانا ادري انك فوق عن كل مايعيب
	عن ما يعيب الرجل مثلك حميته
ابقى كما انته في اعلو المراقيب
	خلك على العالي مادام اعتليته
بعض الهواء نسمع يقولون الاعيب
	واستغفر الله كاني الضن اسيته
واكيد به حبآ املوث واكاذيب
	لتيه ماسمي حب وازيد ليته
حب البني ما شفت منه مكاسيب
	وانا طريق ايعيبني مامشيته
اللي هواهن سم عكف الاشانيب
	كم عذبآقرمآ نعم وان نخيته
امغثبرات امصفيات المشاريب
	اينسن العاشقابحيه وميته
يااهل الهواء مالي شف ومطاليب
	رجم العناء وش لي به لورقيته
لعل لي بحبال ربي مقاضيب
	حبل الرجاء بحبال ربي لويته
رجاي بك يامصرف الكون مايخيب
	يا من ليا دعاك عبدك عطيته
وتم الكلام اللي انظمته بترتيب
	وازكى تحياتي برد انتقيته

بسم الله الرحمن الرحيم
ابيات اخطبها فلاح

با اكتب قصيده وغنوها بموالي
	ابيوتهااصوغها فلاح يعزفها
نظمتهاامرتبه وبيوتها اجزالي
	وجمله ما تصلح لكم ماجيبها احذفها
القول عني يردالساني اعقالي
	بااكسي قوافي بالمعنى ولحفها
نظمت لي قافيه من شعري الغالي
	من قبل عامين من فكري امولفها
واليوم سمعتها في كم جوالي
	اليوم سمعتها مع ناس معرفها
ولاني بقاصرها عن كل رجالي
	وان قيل هاذي لمن عني ايسولفها
لكن ما اودي بها مع بعض الازوالي
	بسمه يسولف بها بعد ان ايحرفها
فلاح كانك قدرت اعيد المثالي
	عيد المعاني وسلمهاامصرفها
ولان ابنصحك ياجعل السعد فالي
	واللي يحب النصيحه له امطرفها
مني نصيحه هديه لكم ياعيالي
	كلآ بقلبه ياليت انه ايزرفها
فلاح ابنصحك واحفظ عني اقوالي
	والطيبه في سويدا القلب ظرفها
افتح اذانيك هلحين وتوحالي
	ترى الرياجيل تذكر في مواقفها
بكره تذكر امعزي ويش لك قالي
	ودنياك محدآسليمآ من صوادفها
فلاح لو عشت كم اسنين رحالي
	الموت نفسك لابده يوم خاطفها
الموت ماسلم منه اول ولا تالي
	لا كان نفسك من الاثام نظفها
بالدين خلك مع اول صف الابطالي
	والنفس عن مايعيب الرجل كتفها
ترى صلاة الفتى هي رؤوس الاموالي
	اصحى ونفسك عن المحذور خالفها
لاجاءنهارآتوزع فيه الاعمالي
	وش ينفع النفس لو كثرت حسايفها
لا تماشى الانشامىابكل الاحوالي
	ومجالس الفسق تكفى طالبك عفها
اختار من صحبتك ربعآ على بالي
	اهل الوفاء والكرم والدين حالفها
يازين مرقاك دايم قمة العالي
	وسنين عمرك على التقوى اموظفها
ولا تجي مجلس حصيله قيلن وقالي
	وان شفت غرات خلق الله لاتكشفها
يابوك حذرا تماشي بعض الازوالي
	بعض الشلل لو تودك لا توالفها
بعض الاوليد فسق وطيش وخبالي
	ومثل البهايم يابوك اللي نعلفها
يعجبك في مظهره والسانه الحالي
	وكل البلاوي تحت ظبطه املفلفها
من طيبه الله يبعد ذيك الاشكالي
	لعل بقعاء تشيله في رفارفها
زماننا ياكثرمابه من اهوالي
	واللي لبيب العبر بالعين شايفها
وفي حال لاتقول يابويه وياخالي
	اذا الطويله هذيك ازريت تشرفها

بسم الله الرحمن الرحيم

هذه الابيات فيها شي يحث على التكاتف والتعاون فيما بيننا جميعآ وكيف كنا وكانت رفقتنا في ماضي السنين التي لاتخفى علينا يااهل النخوه وفيها سوال عن وقف القبيله ارجو ان يكون لها قبول وعذرآ منكم اذا تخللها شي من النقص فالكمال لربنا سبحانه

ياخالقآ ذالكون خلق ونبات
	ومفنيه وانت الباقي الك الدوام
ومحييه ياخلاق بعد الممات
	ليومآ به الكافر يعض البهام
يارب في ذاك النهار النجات
	لطفك وعفوك في نهار الزحام
دنياي منها المكسب الصالحات
	امغادر الدنيا بمترين خام
يامرسلن جبريل بالبينات
	الى شفيع الخلق خير الانام
ايخاطبه بااياتك المعجزات
	مني عليه ازكى صلاة وسلام
يامكلف المسلم بحفظ الصلات
	وكلفته ابحج وزكاه وصيام
ياعالمن بصدورنا الخافيات
	يامسير الكون الفسيح ابنظام
بسمك بديت وحلو الابيات جات
	تجي القوافي لي على مايرام
باذن الله ارقى قمة الشامخات
	اللي عليها الحر وقع وحام
حي القوافي تركض امرتبات
	نظمي من الجزلات ماهي هلام
ياهاجسي بالله توكلت هات
	شعر ابمعاني مثل رمي السهام
امن القوافي عطني الغاليات
	فيها المعاني مثل ضرب الحسام
ليه تنقى طيب المفردات
	لي صوغهن مثل الذهب بالتمام
للشعر يالعَريف ذوق وطرات
	يااهل المعاني والولع والغرام
اما قصيد امفيد ولا السكات
	اخير والحكمه من الله الهام
شعرآ يروح ابسلة المهملات
	وشعرآ سوات النور يجلى الظلام
بعد التفاتاتي لكل الجهات
	اخاطب اعقول الاسود الحشام
اهل العقول الكيَس الراجحات
	اللي لهم شان ومكان ومقام
ياعيال نجوان الرجال الدهات
	سلام ياربعي وعندي كلام
اقول ياكسابت الطيبات
	بالطيب ياربعي لبستم وسام
عندي علومآ من فمي الروات
	طاول بها راسي لقمة سنام
يامن لكم في عالي النافيات
	ذكر ايتفاخر فيه منا الغلام
كلآ على الاخر اله واجبات
	يامن دخيل ابيوتكم مايظام
عسى السعد باايامنا المقبلات
	انشد فيه اطناب كل الخيام
يازين رفقتنا بذي الحيات
	تكاتفآ مابيننا واحترام
جمع القبيله فيه خير وغنات
	والتفرقه ضعف وغباء وانهزام
رفقه لنا بسنيننا الماضيات
	يازينها اللي قبل سبعين عام
يوم الليالي بالشقى امحملات
	ماياجد المخلوق نوب الطعام
يوم البعض ملكه بعيرآ وشات
	هذا لهذا بالنوايب حزام
في صفنا لايدخلون الوشات
	تكاتفوا تالفوا يالكرام
وياكثرهم والله هل الطايلات
	من يجحد افعال القبايل يلام
والوقف لعله تحقق ثبات
	تكفون ياالربع الهمام الهمام
الوقف يبغى فكر وامساهمات
	ويقوم بجهودالرجال العظام
وان قام بامر امكون الكاينات
	خيرآ نحلق فيه فوق الغمام
وخَتمتها والعلم فيها ثبات
	وازكى تحياتي لكم بالختام

بسم الله الرحمن الرحيم
ابيات كتبتها قبل يومين لعلها ترقى لاذواقكم الشعريه

مرحبا ياهاجسي ياحي والله فالك
	افتح الموجه عليها وجه الاداري
ياهلابك هات علمك جرلي موالك
	جيتك يازينها مع جيت الامطاري
القلم بين اصبعيني يكتب استرسالك
	ايه ابي طاروق يطرب يابنات افكاري
القصيده لا حضرت ابيوتها تبرالك
	ايه من عذب البيوت اتنق لي واختاري
ما تطق الراس غير الوافيه في بالك
	هاتها اكتبهاواختمها بختم اصداري
كيفه راسي بكيف الشعر سق فنجالك
	كيف شعر وكيف بنآ حاكره ببهاري
يامخاطب بالوحي خير البشر مرسالك
	حمد لك ياخالقي يامجري الاقداري
ياكريم المد سبحانك ماتحصى افضالك
	حمد لك ياربنا يالمنعم المدراري
ربي اني ملتجي بك ياكريم اسالك
	العفو والمغفره يارب ياغفاري
ضلني يوم المحاسب خالقي بضلالك
	في نهار الفصل بين الخلق ياقهاري
ربي اجعلني من اصحاب النعيم ابطالك
	يالله اني ملتجي بك من لهيب الناري
هيه يا اللي باغي الجنه وهي امالك
	اعمل الها واستعين ايلاهنا الجباري
بالذي كونك يامخلوق شد احبالك
	قبل ماترحل من الدنيا لذيك الداري
هيه يامضيع صلاتك روف روف ابحالك
	الصلاه اهي الصله بينك وبين الباري
شف صلاتك هي نجاتك تركها غربالك
	قال ذا خير البشر عن عالم الاسراري
كان ماافلحت ابصلاتك مانفعتك اعمالك
	في نهار ايضيق وادي ويل باالكفاري
يافلاح اخر قصيده قلتها تهدالك
	والهديه دايمآ يبقى لها تذكاري
سجله مضمونها في راسك وجوالك
	ولي نزلها هنا في ملتقى الشعاري
يافلاح انا ادري انك بين ابوك وخالك
	والهقاوي فيك شفها اكبار ماهي اصغاري
والله اني ودي انك دايمآ منزالك
	بالقمم لن القمم منازل الاحراري
ولك شكر ياهاجسي ياحي والله فالك
	والكلام المعتبر له قيمه ومقداري

بسم الله الرحمن الرحيم
لعل هذه الابيات ترقى لارواقكم الشعريه

بسم رافع سماء الدنيا بليا عمد
	محصي اعمال حي الخلق وامواتها
يامحمد لبوك اكتب بيوتآجدد
	يوم جات القصيده رتب ابياتها
هاجس الشعر مابيني وبينه وعد
	وان لفا جيته ياخذ مكافاتها
اشهد انه يشرف مجلسي لاقعد
	انتناقش بيوت اولى درجاتها
يعمس البال يامحمد ضجيج البلد
	ويشرح النفس بعض اوقات سجاتها
حي لمع البروق وحي صوت الرعد
	فوق دارآ ربيع النفس جياتها
شغل آخر موديل امن البريمي ورد
	نفسي اطيعها في بعض رغباتها
وازهم اللي لخوتهم يشوش الولد
	صحبتي من خيار القوم ساداتها
ياكبر قدرهم عندي اوجيه السعد
	النشاما تنومسني صداقاتها
هب دنيا بحال امحال تبقى لاحد
	القليل الذي ماذاق صكاتها
ربنا خالق الانسان فيها كبد
	كل يوما اتروعنا مفاجاتها
رابح اللي عمر فيها حياة الابد
	من بغى الاخره يدي طلاباتها
المكاسيب من دنيا الفناء والنكد
	طاعت اللي خلقنا هي لذاتها
لذتي كل ماوجهي لربي سجد
	مع سجودي تجيب العين عبراتها
واطلبه ربي التثبيت منه المدد
	في صلاتآ دوا الاوناس ركعاتها
ربي امحا من ارضك ربي اهل الحسد
	كم نفسا بلاويهم معاناتها
كل قلبا خبيث ايكيد كيد ان حقد
	والمقادير بأمر الله اصاباتها
ياخباث النفوس ايش ايش باقي بعد
	صابت الخنجر المقصود طعناتها

[/poem]