لغز معروف للجميع

السلام عليكم ورحمة الله وبركاته
يشرفني تواجدي معكم ياربعي في هذا المنتدى الشامخ
وأبدا مشاركتي بهذا اللغز

أنشدك عن رجال وعياله اثنين	وعياله الاثنين في جسم واحد
لاجت لوازمهم مع الناس وافين	وكل لزومه غير عن كل واحد
مايفزعون اثنينهم يافطينين	واحد في بطن ابوه واخوه شاهد

صح لسانك يابو عوض على هذا الطرح الطيب وبيض الله وجهك
وحياك الله مع ربعك ونتشرف بالشباب اللي مثلك وشرواك مشاء لله عنك
وجاري التفكير في حل اللغز ومدة اللغز اسبوع نشالله نلقى حله

حي البيوت اللي بها صوغها الزين
	والحق اعده زين ماني ابجاحد
والشعر للشاعر ترا فيه ثنتين
	الى احتوى الثنتين شاعر وناقد
والحل مفتاح المفك بين اليدين
	والله يفكك من حسد كل حاسد

تحيا وتدوم ياابو طاهر واجابتك صحيحه وبيض الله وجهك على الابيات

صح السانك ياعبداللطيف
وبيض الله وجهك يابو طاهر على الحل