بنرضي اللي له معاني جزيله

هذه الابيات مجاراه لقصيده الاخ العزيز سعد المحمدي

بديت بسم اللي رحم للذبيحين
	واطفاء لهب ناره وانجا خليله
وكون اجسام وقسم عقول قسمين
	علام في غيب القلوب العليله
ومن بعد ذكر الله ادات القلم وين
	بنرضي اللي له معاني جزيله
حي الجواب اللي على بحور شقرين
	فيه الشعر مع السطر مايبيله
سلمت يالحربي عقيد المسمين
	عصاه عصاتي عصاتن اصيله
الوقت هذا مايبي ناس عجلين
	مايهتجي جيعان بكل البليله
دنيا يابو تركي كما السيف حدين
	وش جاب عود العاج من راس فيله
مرفوع راسك لاقريت الدواوين
	ماتهزنا وان جات كلمه هزيله
نقدر الطيب على الراس والعين
	ولاالردي لابد يلقى عميله
ولنا عصا فولاذ هاذي عناوين
	الكيف فيها ذوق مع كيف هيله
حذرا تبيح السد للي مطلين
	ولك سيف يبتر في معاني جميله
لاهنت جاتك من ابن اخيك بيتين
	رموز رؤس اقلام وقافه كفيله

صح السانك ابو طاهر على هذه البيات الرائعه لمجارات قصيدة الشاعر سعد المحمدي تقبل مروري

الشاعر ذاير رشيد السحيمي
صح لسانك وعتلا شانك وشرفني يابن العم المجاراه
تحياتي وتقديري لشخصك الكريم

الشاعر معزي السحيمي والشاعر سعد المحمدي

حفظكم الله واطلاعكم شرف لنا