حان تنفيذ القصاص وغطوا الراس بوشاح

بسم الله الرحمن الرحيم

أسعد الله أوقاتكم

هذي قصيدة تحكي قصة سلطان الرباح وصاحبه محمد العقيل ،،

السالفه ومافيها فيه صديقين تجمعهم صداقه قويه وهم سلطان بن رباح ومحمد بن عقيل كبروا وتزوج سلطان وجاه ولد وسماه على خويه (محمد ) من زود مايغليه.. كانوا يحبون القنص ..
في يوم من الايام طلعوا للصيد لحالهم في وقت كان محمد يجهز الغداء كان سلطان ينظف السلاح وكان فيه طلقه في المخزن مادرى عنها سلطان ضغط الزناد وثارث البندق وجت الطلقه في خويه محمد بالغلط ومات خويه وشاله وسلم نفسه بدوا اهل سلطان يطلبون من اهل القتيل يتنازلون ورفضوا إلا راس براس ..
واخيرا صدر الحكم على سلطان بالقصاص ..
وكتب الشاعر ((جــزاء البقمي)) قصيده يصف حال سلطان فيها :

يافــــلاح .. الـــهم خيم فوق قلبي يا فلاح
كيف تبغاني اسولف وانت خابرني عليل

ويش قولك في عليل في حياته ماستراح
تنتثر دمعة عيونه لا اظلم الليل الطويل

حالته لا ماتباعد حال "سلطان الرباح"
بالخطاء راحت حياته والخطاء ماله مثيل

كان ويـّــا صاحبه اثنين في ارضٍ براح
يطردون الصيد دايم من صبح لين المقيل

اجمعتهم صحبه الدنيا على جد ومزاح
مايهابون الليالي والحمول اللي تميل

ماقتل عامد ولكن ثور بليس السلاح
بالخطاء ثار السلاح ووين يلقا له دليل

وانعقد سجنه وربعه تنتظر فك الصراح
والأكيد إنه سجين ومارضوا ربع القتيل


هـــلّ دمعه يوم صلى ركعتين في الصباح
في نهار الجمعه اللي من ثقيلٍ في ثقيل

هلل وكبـر ونفسه تذكر اللي راح راح
كان في ربعه عزيز وذله الوقت الذليل

لامحمد لا تهاني لا سعود ولا صلاح
كلهم كانوا على باله وهمه في هديل

طفلةٍ ماكملت عامين صايبها كساح
وانثر دمعه وحاله من سبايبها نحيل

حان تنفيذ القصاص وغطوا الراس بوشاح
وجاك سيافه يشيل السيف ابو حدٍ صقيل

وارتخى راسه وزاد الموقف الحامي صياح
بين نوح وبين دمع وبين صيحات وعويل

وارتفع صوت الحشود وزاده محمد وصاح
يايبه تكفى دخيلك تستمع قول الدخيل

يابيه وشلون نصبر وكيف نهجع بارتياح
وانت من دنيا عيالك ماخذك بر الرحيل

يامحمد هاك علمي واحفظه قبل المراح
انتبه لخوانك وبالك عليهم لاتعيــــــــل

الله الله في الصلاة وفالصيام وفالصلاح
والله الله في امكم والله لكم بعدي كفيل

وغمض عيونه ونفسه تطلب الله السماح
رافع سبابته مظلـــــوم والله الوكيــــــــل

وسل سياف الصفا سيفه ودقه ثم طاح
راس سلطان المراجـــل وانتثر دمــه يسيـــــل

غسلوه وكفنوه و فاح طيب السدر فـــاح
وبالمصادف صار قبره جنب قبر ابن العقيل

يافلاح الكارثه ماهي سوالف يافلاح
خلني ساكت ودور غير هالقصه بديل


ارجو ان تنال على اعجابكم
ودمتم

حان تنفيذ القصاص وغطوا الراس بوشاح
وجاك سيافه يشيل السيف ابو حدٍ صقيل

وارتخى راسه وزاد الموقف الحامي صياح
بين نوح وبين دمع وبين صيحات وعويل

قصة رائعه ابوشهد يعطيك العافيه

تقبل مروري واسمحلي ابدي اعجابي بما تطرح

مميز أخوي الغالي ابوشهد والله لايهينك على النقل ...
ثم ترى فهد صرّح كم مرّه ان لديك ماتخفيه .. عطنا بعض الأبيات ان حصل ..

ماقتل عامد ولكن ثور بليس السلاح
بالخطاء ثار السلاح ووين يلقا له دليل

وانعقد سجنه وربعه تنتظر فك الصراح
والأكيد إنه سجين ومارضوا ربع القتيل

قصيدة جميله ورائع ولو ان الحزن ينطوي على اركانها
الف شكر لك اخوي الغالي خالد
على هذا الطرح الرائع
وننتظر جديدك بكل شوق

يعطيك العافية على هالسالفة وعلى هالطرح الرائع

المشاركة الأصلية كتبت بواسطة أبو عساف

حان تنفيذ القصاص وغطوا الراس بوشاح
وجاك سيافه يشيل السيف ابو حدٍ صقيل

وارتخى راسه وزاد الموقف الحامي صياح
بين نوح وبين دمع وبين صيحات وعويل

قصة رائعه ابوشهد يعطيك العافيه

الله يعافيك يالغالي ولا يحرمنا من هالطله

المشاركة الأصلية كتبت بواسطة فهد عايد بن عنيزان

تقبل مروري واسمحلي ابدي اعجابي بما تطرح

مرورك زاد النور نور لاعدمتك
تحياتي

المشاركة الأصلية كتبت بواسطة حسين مرزوق بن راشد

مميز أخوي الغالي ابوشهد والله لايهينك على النقل ...
ثم ترى فهد صرّح كم مرّه ان لديك ماتخفيه .. عطنا بعض الأبيات ان حصل ..

هذا الزايد عنك لاعدمتك
وياليتني شاعر صدقني ماعندي اللي اخفيه عنكم ولكني متذوق

المشاركة الأصلية كتبت بواسطة بعيد الهقاوي

ماقتل عامد ولكن ثور بليس السلاح
بالخطاء ثار السلاح ووين يلقا له دليل

وانعقد سجنه وربعه تنتظر فك الصراح
والأكيد إنه سجين ومارضوا ربع القتيل

قصيدة جميله ورائع ولو ان الحزن ينطوي على اركانها
الف شكر لك اخوي الغالي خالد
على هذا الطرح الرائع
وننتظر جديدك بكل شوق

الشكر لك على مرورك
وبعدين انت اخر واحد يتكلم عن الحزن من شاف توقيعك مسكله زاويه وهل العبره ههههههههه
تحياتي لك يالغالي