وجدي عليها وجد حمده على غليـص

حيا الله اللي طرش الخط خصيـص
عرفت مـدزوزه ومضمـون نصـه
من واحد(ن) كل الغوالي له رخيـص
الهـم يجـلا يـوم عينـي تبـصـه
اللي دخل من دون اذن(ن) وترخيص
بقصى الحشا ومن داخل القلب لاصه
كل الحـلا وافـي ولافيـه تنقيـص
مثل العسل بالذوق حلـو(ن) ممصـه
لشك حبه فصفص القلـب تفصيـص
وضلوع صـدري بالمقافيـز رصـه
والروح في شوفه علاجي وانا بخيص
من لامني جعـل البـلاوي تخصـه
كم عاذل(ن) حاول وجاب المناغيص
ياعـل تبلـى كـل عـاذل بغـصـه
وجدي عليها وجد حمده على غليـص
بالثـار مطلبهـا وراســه تقـصـه
لوكان للعاشق عـلاج(ن) وتشخيـص
ان كـان دون وذكـرو فيـه قصـه
بصبر ولو جاني من البعـد تفريـص
كـل(ن) بياخـذ بالمقاديـر حـصـه
سبحان من له سبحت ذا الحصاحيص
اللي عليم(ن) ماخفـى شـي نقصـه




قصيدة الشاعر
عبدالرحمن بن احمد المحارب

وتحياتي لكم
بعيد الهقاوي

حضورك مختلف وغير يابعيد الهقاوي
صح لسان شاعرها وصح كلك لاعدمناك

الف شكر لك اخوي الغالي ابو منصور
على مرورك الرائع والجميل
الذي انار متصفحي هذا