مات الضمير الحي في واقع الناس

مات الضمير الحي في واقع الناس
............. ومن موته ماتت اعلوم مهمه
يحزن عليها طيب الراس والساس
............. اللي معرب راسي خاله وعمه
دنيا تخلي صاحب الفكر ينحاس
............. تنقضي عهود أوعدها ما تتمه
تجرح شعور اللي له اشعور وحساس
............. وعنده يزيد الضغط ويفور دمه
في بنكها تودع احسابك الافلاس
.............تقهر طموحك لين حالك تسمه
وراع السطر تحمس ضميره بمحماس
............. وفي كل يوم توجه الغزو يمه
دنيا علينا نابها يضرس اضراس
............. عوباً اتبيد حبل من فيه همه
ياما فقدتنا سلوم طاله أونوماس
............. وخلي عياها جروحنا مستشمه
الاوله غيرة هل الجوخ والطاس
............. اللي لهم شيمه ومذهب اوذمه
أهل الشجاعة متعبة كل عرماس
............. اللي هدفها لا زمت ما تزمه
جا بعدهم ذلان وارخوم وخساس
............. والفرق شاسع بين طيٌب وخمه
والثانيه هقوت هل العزم والباس
............. اللي منازلهم على راس قمه
جا بعدهم قوم رضت طمنة الراس
............. عاشوا على مكر وهياسه وثمه
والثالثه للصدق قيمه ونبراس
............. عند الرجال معوصبين الاعمه
صار العوض فيهم امنافق او هلاس
............. طيبك ومدحك عنده اكبر امطمه
والرابعه وصل بلا حد وقياس
............. غير الموالي جرح الأقصى يضمه
جا بعدهم شرذمة ارخوم وانجاس
............. قطاع فالارحام وابوه وامه
وقدر القرابه بينهم صار ينداس
............. طغى عليه الحقد والكره دمه
والخامسه من بعدهم خيم الياس
............. اللي شتات الشمل دايم تلمه
كبار الهقاوي لانثنى كل هساس
............. تفتل زمام العلم ماهي تخمه
صار العوض فيهم سقيطه اويلاس
............. قوم مماشيها على غير يمه
ولا قول يوجد عيب في كل الأجناس
............. وواف الخصايل كلمتي ما تعمه
اقصد بها خبل لبس ثوب الادناس
............. قلبه كبير وراس خشمه يزمه
غره ابليس وزاد نقصه تغطراس
............. وانا قصير الباع ما لد يمه
ولال الردي في مجلس الطيب مجلاس
............. علم قصر دونه وعلم يزمه
لعل راع الكبر قطاع الانفاس
............. لون راع الزوم ما شلت همه
واستثني الطيب ولا يلحقه باس
............. اللي يشمُر للمواجيب كمه

وسلامتـــــــــــــــكم..
منقول

بعيد الهقاوي

اسمح لي ابدي اعجابي بقلمك وتميزك واسلوبك الراقي وتالقك

هلا بك
احمد معوض
ومنور المتصفح بوجودك ..
لاعدمت هذا التواجد ..
ودي وتقديري

وانت سالم يابو فهد لكن ضروووووري صاحب القصيده
قصيده بحق جزله ورااائعه
دمت مميزا كما عهدناك

الف شكر لك ابو ريان على المرور الرائع والجميل

صح لسان شاعرها وتسلم يد ناقلها
مميز يبعيد الهقاوي بما تطرحه كشخصك
لاعدمناك

اختيارك جزل كـ/انت
تحضر وتحضر عيون الشعر .. متأكد ان هذا الحضور خلفه احساس شاعر جميل

لاعدمناك

أخي بعيد الهقاوي تسلم يمينك على النقل وصح لسان شاعرها وأثني على ماقاله أخي ابو ريان ضرورة توضيح صاحب القصيده للمعرفه وحفاظا على حقوقه ،،، ودمت مميزا أخي بعيد الهقاوي

المشاركة الأصلية كتبت بواسطة خالد عايد عنيزان السحيمي

صح لسان شاعرها وتسلم يد ناقلها
مميز يبعيد الهقاوي بما تطرحه كشخصك
لاعدمناك

الف شكر لك اخوي الغالي خالد عايد
على مرورك الرائع الذي انار متصفحي هذا
لا خلا ولا عدم من هالطله الرائعه

المشاركة الأصلية كتبت بواسطة عبدالعزيز بن منصور

اختيارك جزل كـ/انت
تحضر وتحضر عيون الشعر .. متأكد ان هذا الحضور خلفه احساس شاعر جميل

لاعدمناك

الف شكر لك اخوي الغالي عبد العزيز
على مرورك الرائع الذي انار متصفحي هذا
وترى ماني شاعر بس متذوق للشعر
لا خلا ولا عدم من هالطله الرائعه