قافية أفق

أخواني الشعراء والاعضاء السلام عليكم ورحمة الله وبركاته لعل هذه القصيده ترقى لذايتقكم الشعريه يهمني جدا تقييمكم لهاواتقبل نقدكم وملاحضاتكم عليها. طرت لي فكرتها قبل يومين ولأن شطر القصيده في البيت الاول محدود الاحرف تعمدت التكرار في أول أبيات القصيده لوضوح المعنى

قوافي أخترت مبداها على أفق
	لعلها تفيد ناظمها وسامعها
أقول وأنظم معانيه على أفق
	لاأجل المعاني أرتبها وأوزعها
لعله يفيد مانظمت في أفق
	يفيد للناس عاقلها وصايعها
ولازلت بالقافيه ماشي على أفق
	تكرار نظمي على أفق يدلعها
أن كان بعض العرب ينقد على أفق
	الناس لاشك مختلفه طبايعها
ومن لاعرف ليش تكراري على أفق
	يسال عن سبة التكرار بادعها
ساعات مضيتها بكتابتي ل أفق
	من راسي أفكار بالموضوع دافعها
الحرف محدود والمعنى على أفق
	والشكر لله علي الله موسعها
راع التقى والكرم والصدق يا أفق
	بكسب الفظايل إله رايات رافعها
دنيا النكد ماتدوم إبحال ياأفق
	وعلى الشدايد لابد إنا نصارعها
يامسعد اللي يخاف الله ياأفق
	والاخره ندري الدنيا مزارعها
بالناس مقرود لو يجود يا أفق
	لاكان يبقى علوم الطيب جامعها
إكفوف الايام كم واحد بها يصفق
	دنيا النكد بالنكد ترمي مدافعها
يامضيع فروض ربك كيف تتوفق
	مايفلح اللي حقوق الله مضيعها
قبل الاجل مايجيك ابحالك إترفق
	نفسك بها الخير على الدين طبعها
إلجى لربك يجيك الخير يدفق
	قدام دنياك ياالغافل تودعها
قبل نهار(ن) على الطاعات تتشفق
	قبل نهار(ن) يجي للروح نازعها
إبن عرب ماأنت ردي أصل وملفق
	إذا ماسنعت نفسك من يسنعها
في وجهك إمصككه تدوج تتصفق
	فتش بنفسك ترى الاثام توجعها
وشلة إبليس اللعين إنجوس ومطفق
	الشله اللي مافيها خير قاطعها
إبليس لاأغوى أدمي(ن) كيف وصفق
	ونفس(ن) تطيعه ترى بالشر يوقعها
وهالحين باغني الطاروق ياأفق
	بعد ماأنقح قوافيها وأراجعها

يعطيك الف عافيه على الطرح الرائع والجميل

وإذا زعلتوا من التكرار على أفق

لاتقروا أفق وخلوها لبادعها

وشهوله نزعل يابوفلاح / أنا شخصيا أرى الشعر بحر وأدب يصوغه كلن كما يـــريد


دمت بخير وتقبل مروري

ابدع لنا وامتعنا .. صح منطوقك ولا هنت

ويعطيك الف عافيه وشكرا على مرورك

أخي أبو ريان أسعد الله مساك والاخوان جميعا من ناحية البيت

وإذا زعلتوا من التكرار على أفق

لاتقروا أفق وخلوها لبادعها

كتبته من باب المزح والطرافه وأسعدني إطلاعك ويشرفني تقييمك للقصيده

ولاهنت ياأخوي أيضا ولن نبخل على الملتقى بأي جديد ومفيد

صح لسانك يا ابوفلاح : وتبقى استاذ بالشعر : وتواجدك بالملتقى يشعل التنافس الشريف بين الشعراء بالقبيله 00 ما نقول الا الحمدالله الذي جمعنا بعد الغياب الطويل
نسئل الله ان يجعل هذا التجمع تجمعا مرحوما 0انه سميعا مجيب

أخي أبو عواد أسعدني ويشرفني جداً إطلاعك والكلمات التي تنبع من قلب الرفيق الصادق
ولا أستغني عن تقييمك لما أكتب. جمعنا الله على مايحبه ويرضاه
ولك خالص تحياتي

يعطيك الف عافيه على الطرح الرائع والجميل