المجلس اللي مايقدرك راعيه

المجلس اللي مايقدرك راعيه ** خلك عزيز النفس مالك وماله

لاصار ماحطت لجنبك مراكيه ** تلقى من خيار المجالس بداله

مغنيك ربك عن قهوته وشاهيه ** دام المعانا مايسرك قباله

دور على مجلس(ن) لاجيت ناصيه ** حصلت خمسه من شروط الرجاله

تقدير في قلبه وترحيب يبديه ** عقل(ن) وادب ومبهراتن دلاه

مجلس رجال العرف كل الفخر فيه ** عنه الرخوم يقدمون استقاله

بعض المجالس محكم العقل توذيه ** يلقى بها شخص(ن) كثير(ن)جداله

يفضح لسانه مايكنه بخافيه ** زود(ن) على جهله سريع انفعاله

في رايه ان العلم عنده وحاويه ** لوكان غرق في محيط الجهاله

وفي رايه ان الناس لازم تباريه ** ولوفيه فرصه كان كبه ضلاله

شخصاً بليا دين لاتعتزي فيه ** واسمع كلام مجرب الوقت قاله

كتاب حالات الرياجيل قاريه ** وحصل بها اكثر من ثلاثين حاله

وصور بعضها ماتطرق لباقيه ** ولو يشرح الحالات طول مجاله




للشاعر فهد بن هجاج البشري الحربي

وتحياتي لكم جميع
بعيد الهقاوي

المجلس اللي مايقدرك راعيه ** خلك عزيز النفس مالك وماله

انا اعتبر عذا البيت لحاله ديوان
ذوووووووووووووووويق
صح لسان شاعرها وسلم يد ناقلها

الاخ العزيز الغالي /خالد عايد عنيزان السحيمي
تحية اليك من القلب معطره بكل مايحمله هذا الكون من رائحة زكيه ولك الشكر
على مرورك الرائع واللطيف
ولك تحياتي بعيد الهقاوي

دايم تحط اصبعك على الجرح هداك الله يابعيد الهقاوي

هههههههههههههههههه
الف شكر لك الاستاذ خالد على المرور الرائع والجميل

رووووعه يابوفهد وصح لسان الشاعر ...

ذكرتني ببيت من قصيده مماثله ..
المجلس اللي فيه ياتيك سافي
قم عنه والرزاق لاقمت ماصد

الف شكر لك ابو ريان على المرور الرائع والجميل