مرثية نافع عوض بالشيخ هليل

مرثية الشاعر نافع بن عوض بن دخيل السحيمي
بالشيخ هليل بن رباح السحيمي (يرحمه الله )

مرحوم يااللي ماشكى منه جاره	اللي على لوعات الايام صبار
كله شموخ وصبر رغم انكساره	يوم ابتلاه الله ماهل الاعبار
بأيمانه بربه وقوة قراره	سعى بهالدنيا و لاكن شي صار
من فوق كرسيه تحس بوقاره	وليانطق في حكمته لفت الانظار
انا اشهدانه خير من شب ناره	وانا اشهد انه يكرم الضيف والجار
رجلآ عطاه الله خلق وشطاره	الكل يشهد له من كبار وصغار
وتشهد مشاريع انشئت في دياره	ما بين بني المسجد وحفر الابار
وربى عيال بكل فخر وجداره	لهم مع اهل العلم مارد ومصدار
توفيق ربه ثم حسن الإداره	يوم الله اعلى شانهم صارو اخيار
الطيب اللي ماتغير مساره	ياكبر دوره كل ماعدت ادوار
لولا الحذر لااقول موته خساره	لكن مومن بالقضا سر وجهار
وختام قولي في صريح العباره	لا جيت تذكر في مزاياه تحتار
ياالله ياحامي نبيه ب غاره	يامعمي عيون الكفر شوفة الغار
تجعل ل أبو فايز مكان الصداره	في جنة الفردوس مع خير الابرار

صح لسانك يابواسامه
ورحم الله الشيخ هليل بن رباح

صح لسان ابوأسامه ورحم الله أبوفايز رحمه واسعه

زرته بالمستشفى رحمه الله عندما كان باالرياض ولم أرى سوى الأبتسامه اللتي لاتفارق محياه وحسن الخلق المحبب لكل من عرفه...

رحمة الله عليه والناس شهداء الله في ارضه

صح لسانك يابواسامه كما عرفناك قصائدك دائما حينما تبدع بها تظهر لمستحقها ورحم الله ابوفايز فكان مثالا وقدوه حسنه للرفيق الصادق.

رحم الله الشيخ/هليل بن رباح السحيمي وحفظ الله ابناءه ونشكر الشاعر نافع على مشاعره تجاه الشيخ هليل فهو يستحق ماقيل فيه