قصيدتين للشاعر عبدالله النايف

--------------------------------------------------------------------------------

صباحكم\مساكم شعر


السلام عليكم ورحمة الله وبركاته

بصراحه فيه قصيدتين لشاعر عبدالله النايف رحمة الله وهو مسجووون واعجبتني القصيدة وحبيت انزلها لكم

القصيده الاولى

قالـو سجيـن وقلـت همـي كفـانـي
قالو علامك وقلت مـن صكـت البـاب
يـا نـاس يــوم المـقـدر رمـانـي
لا تلوموني ترى كل شـي لـه اسبـاب
هذا مقدر من مـا كتـب لـي عطانـي
مكتوب لي اعيشه حتى لو تداريت بحجاب
ليه سنه ما افـوت خطـوة مـن مكانـي
صابر علـى مـر الليالـي والاوجـاب
ولا فـات ثلـث الليـل حزنـي لفانـي
اسهر ودمعـي فـوق الاجفـان سكـاب

والقصيده الثانيه

لا يا هلي لا مت والموت مضمون
الحين والا يا هلـي بعـد حينـي
ما فيه داعي لي البكا ليـه تبكـون
لا هو في يديكم والا فـي يدينـي
اهل الهوى قليـل منهـم يعيشـون
وسط القبور اهلى الهـوى ميتينـي
وانا بوصيكـم عساكـم تحفظـون
وصيت الراحـل مـع الراحلينـي
لا تقبرونـي خوفـو الله تكـفـون
الا بـدار يسكنـه نـور عيـنـي
واليوم في دارك وعندك ومدفـون
لو كنت قاسي قلـب قلبـك يلينـي
يمكن دموعك فوق قبـري يهلـون
تسقي ثرا قبـري ولـو دمعتينـي
دمعة حزن تجري على خد محزون
ودمعة ندم فيها الاسـى والانينـي

وهذي قصيده ماني حافظ منها الا كم بيت يرثي اهله يوم زاروه في سجن المدينه المنوره
وهم راجعين للعلا صار عليهم حادث على جمس ملكي امريكي الصنع وتوفو كلهم الله يرحمهم

القصيده

علم لفاني عقـب ذيـك المسيـه
يقول خلك مات في درب عمـان
قلت السبب يا نـاس قالـو منيـه
شـي كتبـه الله عـلام الاكـوان
ماتو بليله هـم وابوهـم وخيـه
ثلاث من علـى وارد امريكـان
يـا ونـة ونيتهـا فـوق ضيـه
ترمي طيور الجو من دون جنحان
ونـة ورا ونـة غصـب عليـه
على شبية الحر واعـز انسـان

هذا مما اعجبني وانشالله تعجبكم

للشعر عبدالله النايف

الله يعطيك العافيه اخوي عابر سبيل
مجهود واضح

تســــــــــلم يا عاااابر سبيل طرحك مميز دائما وراقي

وصح لسان عبد الله النايف -- وعسى الله يرحمه

عبد الله النايف شاعر جزل ودائما يتغنى بقصيده الفنان كمال حمدي

وكنت انا متابع له كثيرا -- واشكرك على هذا الطرررررح

مميز يا عابر سبيل

لك تحياتي وتقديري

وننتظر جديدك وانقاااءك الذووووووق