اخترت لكم من صفحتي في تويتر امل ان تحوز على رضاكم

ا

السلام عليكم ورحمة الله وبركاته
اول مشاركه لي في ركن الشعر العام وحبيت اهدي لكم هذه الابيات من صفحتي في التويتر
عسى ان تنال على اعجابكم ورضاكم (ابيات بقلم سحيمي نت)

https://twitter.com/shemenet

تبغى الذي يرفع مقامك مع الناس
الدين والاخلاص والصدق والعلم
وتبغى الذي يردي مقامك مع الناس
الكذب والغيبات والبخل والضلم
*******************************************
الصدق تاج(ن) فوق رووس الاوادم
والكذب خيبه يرجال المطاليق
والصبر زين ولايجيب التنادم
والاء التسرع مايجيب التوافيق
******************************************
لاتتصل ماعاد لك حاجتن في
ولو تتصل يمي على طول مشغول
سكنتك العليا وسكنتك الفي
واثرك عديم احساس تبقى على طول
******************************************
الله يبدلها من الشين بزين
والى يشيينها على الخلق كله
ماقلتها حقدن ولاقصد بها شين
من شان يفرق عزها والمذله
*******************************************
قالو الرجال ثلاثه والرابع عشرهم واقول

رجل حكيم وكل عسرن يحله
ورجل شجيع وكل مظلوم ينصاه
ورجل كريم ان كان جيت بمحله
ورجل بخيل مرم ودك بفرقاه
****************************************
بعض البشر ودك تحطه بالاحضان
وتحمله بيديك مد الحياتي
وبعض البشر ودك ادوسه بعصيان
ودوسه ابرجليك حتى الوفاتي
***************************************
لاضاقت الدنياء ودكت بلوهام
وقامت وسط صدرك اهموم وبلاوي
اخشع اربك وقت حزات الانام
انه يزيينها بحسن الملاوي
************************************
قالت سلام وقلت اهلاً وسهلين
وقف منه قلبي وشريان دمي
كنه نتف جبهه بحد الحجاجيين
اثره يكلم ناس ماهو بيمي
************************************
في حضرتك نكتب تواريخ واحلام
وفي غيبتك حطمت كل امنياتي
وتبقى لنا الذكرى على طول الايام
ويحكي لنا التاريخ فالماضياتي
***********************************************
قالو سحيمي قلت لي الفخر لي
نرقى على العليا ونبقى سنودي
منهو نصاهم عين الخير ياخي
ومنهو عصاهم ذاق حر الكبودي
***************************************
يناسين حبي تراء القلب خلاك
دامك نسيت الحب واشواق غاليك
حطك وسط عينه وبرمش غطاك
واثرك عديم احساس لازم يخليك
*********************************************
احسن لاتملك في حياتك هو الطيب
والحب والاخلاق وحب التسامح
ولايلحقك شكه ولايلحقك ريب
والزين زين القلب ماهي الملامح
*********************************************
لاقامة اهجوسك تدك الحشاء دك
وضاقت عليك بكل فج (ن) وسيعي
اطلب من اللي فاحسن الصور ركبك
اللي له المخلوق عبد (ن)مطيعي
******************************************
بديت بسم الله على كل ماقول
ويالله تهدينا بحسن الكلامي
ونقراء من التوتر به العرض والطول
وناخذ من الطيب ونكب الحرامي

مختارات ممتازه سحيمي نت ذات معاني رغم اقتناعي أن تويتر يقتل الشعر والشاعر