شد حيلك يااحمد معوض ولم الشعار

بسم الله الرحمن الرحيم


ملتقانا غالي علينا واخوي احمد معوض فك باب ولازم يصكه ههههههههه وحنا جاهزين يابو معوض ولم الشعار

سلام تسليمة صداها ينعش القلب الفطين
	تسليمة الاسلام واجب من سمعها ردها
يااحمد معوض ولم الشعار والراي الثمين
	الخرمه الي في ذرانا نجتمع وانسدها

الليل يالشعار هل من شاعر تكفى يابو فلاح تكفى يابو ريان ابو معوض معزبته عيت عليه ههههه

وصلت يابو كادي ولايهون بو معوض وباقي الاعضاء

يامرحبا يامرحبا عداد همال الغشين
	يمناي ممدوده لمن يمناه ليه مدها
العب ياأبو كادي نبى نطرب عقول السامعين
	أرقى معي راس الطويله لاتجي في سدها

دام البقا ياللي ترحب كل يوم وكل حين
	الطيبة نفرح بها والطايشات نردها
انا معك يابوفلاح ومعكم القاسي يلين
	والنايفة ما احيد عنها والمحازم شدها

أسر وتحزم وأحذر الاخطار والخافي يبين
	والجابه المستعجله وسط الضماير هدها
ياحبني ياأصحابنا للعارفين الغانمين
	اهل الفعول الطيبات اللي بقلبي ودها

أمشي معك قدام ماعندي يسار ولايمين
	ياشايب الرحمن جابتنا توصل سدها
أنته معاصر والتجارب درس مع طول السنين
	وأنا عيوني عن نصيحة مثلكم ماالدها

وش رايكم بالمنتدى ياربعنا المتميزين
	يجيبها الجزلات ماتصعب على اللي قدها
لي هقوة(ن) فيكم بلاكم من سلالة طيبين
	من لابة(ن) عند اللقاء يضحك ويبكي ندها

صرح الوفاء لاأهل الوفاء مبني على مذهب ودين
	الطيب ماجاهم تصنع من سراير جدها
نحتاج دعم وكل ماتبغون منا حاضرين
	واللي بنى له ساس صرح بحكمته ماهدها

صدقت والله عزنا بالدين دين المسلمين
	بير الوفاء لاأهل الوفاء دايم غزير(ن) عدها
ربعي ذخر نجوان من ماض الزمن متكاتفين
	اسلم وسلملي عليهم والتحايا ودها

صح لسانك ابو فلاح ويصل السلام اطربتني وامتعتني ولي الشرف والفايده يوم العب معك منك نتعلم ونستفيد