ردي على الشاعر نفاع السلمي

الشاعر نفاع الربيقي السلمي

عد من زار المدينه وفي مكه حجيج

ياسلام الله على حرب والدرب أخضرا

وين شعار الجزيره وشعار الخليج

يالله إنك ترحم اللي تغشاه الثرا

راح صياف السحيمي وطبقبنا الفليج

مابعد صياف فالسوق بيع ومشترا

العوض في راشد وحرب لو هبت عجيج

يالله إجعل راشد الحي ذخرٍ للورا

راعي الجزلات فالشعر مايرضى العويج

الفتل والنقض ماهو مثل لعب البندرا

الشعر فلة جحاجٍ ساعة الخاطر بليج

يرتقي بالشعر حتى يعتلي فالمنبرا

حرب عدٍ من قراحٍ يزم من كثرالهديج

يابيوتٍ من قديم الوقت داخلها الذرا

إنشد الأتراك راحت من وحمهم في هجيج

يوم قداح الزنود وبيرق القوم أسمرا

دارنا ماهي مداهل للرخوم وللدويج

دونها حد السيوف ودونها دم أحمرا

ماتهقواها غريب ولا ولج فيها وليج

دام فالديره رجالٍ من طوال الأشبرا

والقبايل كلبوها دون ديرتها تهيج

العدو بالملح والبارود له يوم أغبرا

ردي على الشاعر نفاع الربيقي السلمي

مرحبا عداد ماحلقت بالجو ميج

حملوها بالذخيرها وكبتنها سرا

للمدرج يالربيقي قبل تقلع ضجيج

فوقها شخص انتحاري طراله ماطرا

رحمة الله كل خلقه لها شف وحويج

علم الجهال فيها واحد مادرا

الخساير فادحه بالقضيمه والهميج

والعوض بالحي والعين لاعشتو ترا

مختلف سلم العرب يالربيقي والنسيج

يارجالٍ خيلكم للمعارك ضمرا

ياسليم اصحابنا بين عراج وعريج

اختلف مشي المطيه بعد جاري جرا

ليت فراج المسمى بها علم فريج

قبل ماتاصل من العاصمه لاأم القرا

ان لقيت الخط الابيض قلب تاليه بيج

قلت ياوجدي على ناس بالخط اخبرا

داش راسي ياهل العرف من كثر المزيج

اختلط طعم المراره وطعم السكرا

كان تبغى الصدق ماني بهالدنياء بهيج

دام ابو زيد الهلالي على حد العرا

حياك الله الشاعر سعد المحمدي,,
صح السان الشاعرنفاع
وصح الله لساانك على هذا الردالجزل
وهذا ليس بغريب على شاعر يتقن الشعر بمعناه ماشاء الله تبارك الله ,,
لك تحياتي وتقديري ووافر احتراامي وخالص متابعتي .

اقتباس:
المشاركة الأصلية كتبت بواسطة بعيد الهقاوي
حياك الله الشاعر سعد المحمدي,,
صح السان الشاعرنفاع
وصح الله لساانك على هذا الردالجزل
وهذا ليس بغريب على شاعر يتقن الشعر بمعناه ماشاء الله تبارك الله ,,
لك تحياتي وتقديري ووافر احتراامي وخالص متابعتي .



بعيد الهقاوي
شرفني مرورك يابن العم
الله يبيض وجهك

صح لسانك واعتلا شانك الشاعر سعد المحمدي استمتعت بالقصايد سواء قصيدة السلمي ا وقصيدتك وقصيدتك جزله ووافيه واللي يتعمق في معانيها ومفرداتها يتعلم منها تقبل مروري ودمت بصحة وعافية

ياسلام ياسلام على المجاراه يابو تركي

صح الله لسانك الشاعر المميز سعد المحمدي والشاعرصاحب المفرادات الجزله نفاع السلمي وبيض الله وجيهكم

صح لسان الشاعر نفاع السلمي وصح لسانك يا ابو تركي علئ هذا الرد الجزل قصايد جزله جدا تشد العقل تحياتي لكم جميعا

اقتباس:
المشاركة الأصلية كتبت بواسطة عبدالمجيد عوض السحيمي
صح لسانك واعتلا شانك الشاعر سعد المحمدي استمتعت بالقصايد سواء قصيدة السلمي ا وقصيدتك وقصيدتك جزله ووافيه واللي يتعمق في معانيها ومفرداتها يتعلم منها تقبل مروري ودمت بصحة وعافية


صح بدنك يابن العم وماعليك زود
شرفني مرورك

اقتباس:
المشاركة الأصلية كتبت بواسطة ذاير الحربي

ياسلام ياسلام على المجاراه يابو تركي

صح الله لسانك الشاعر المميز سعد المحمدي والشاعرصاحب المفرادات الجزله نفاع السلمي العمري الحربي وبيض الله وجيهكم



ابو طاهر
شرفني مرورك يابن العم
والشاعر نفاع من قبيلة سليم العريقه

اقتباس:
المشاركة الأصلية كتبت بواسطة معزي فلاح واصل السحيمي
صح لسان الشاعر نفاع السلمي وصح لسانك يا ابو تركي علئ هذا الرد الجزل قصايد جزله جدا تشد العقل تحياتي لكم جميعا


شرفني مرورك يابن العم
بيض الله وجهك