هات كلمه طيبه والرديه بقها

هذه ابيات جديده وهي تخص شباب شعرا جدد من الفخذ اللي انا منها من قبيلة السحمان جازت لي ابيات ارسلوها لي
والصراحه بدايتهم قويه ولهم مستقبل انشاء الله ومنهم فلاح معزي وعبد اللطيف عوض وعبدالمجيد وعايض عوض و
بدر محيسن

واقول في هذه القريحه ويستفيدون منها اكثر. حفظهم الله علما انهم لهم قصيد احسن من قصيدي

يابحور الشعر صدري ترا ماهو شحيح
	القريحه لابدينا مايصعب طرقها
البحور اشكال تمشي على دربن فسيح
	مانضيقها يجي غربها مع شرقها
اتخير في بحرهاوبالي مستريح
	ومفرده تقطع ضمايه يافكري نقها
الشعر يبغى معاني مع لسانن فصيح
	مايبي كوره سماء طقها وارتقها
من طرد للقارعه مالقى شيئا فليح
	السمين عن الهزيله مبين فرقها
لابغيت النادره مستهله بالمديح
	قارتن في راس قمه تحيزم وارقها
الثمينه لاتجي دونها حذرا تطيح
	ولاعليكم من اهل الطعطعه مع حرقها
خل شوحك للجواهر لها معدن نصيح
	واسق كبد اللي يحب الفريده اسقها
الكلام الزين بلغه عن الهرج القبيح
	هات كلمه طيبه والرديه بقها
قبلنا جاب الحويفي من الشعر المليح
	وابن جدلان القصيده عطاها حقها
مايجيب الجوهره غيرغواصن نضيح
	والهزيله جامدن دمها في عرقها
ومن يصور للمعاني على غير الصحيح
	ريحو من نقض فتل البيوت وطقها
كل منطق واقعي واقعي ماله نطيح
	والحقيفه مع حقاق المخيله برقها

صح لسانك ابو طاهر
على الابيات الطيبه
ولله يرحم والديك *

عافاك الله أبوطاهر وصح لسانك ودعمهم واجب نسأل الله لهم التوفيق
ونسمع منهم الجزل الشيّق ذوالفائده .. لاهنت ..

صح لسانك يابوطاهر قصيده جزله من شاعرجزل
ولاهي غريبه عليك الجزاله بيض الله وجهك
ونحنو ننتظر جديدك الرائع
وتحياتي وتقديري لك

ابووسام وابو ريان وابو فهد اطلاعكم يشرفني الله يحفظكم جميع

صح لسانك يابوطاهر والله يبيض وجهك انت شاعرنا وقدوتنا

صح بدنك الشاعر بدر الحربي واطلاعك يشرفنا الله يحفظك