صرخه مشاعر في سما شخص مظلوم

قصة لها من عشت صابر وملزوم***نفسي اصدق قولة الناس للناس

الله خلق ناس بها احساس معدوم ***ياما انصدمت بناس ماعندها احساس

أول حياتي بين الآيام مرسوم ***محروم حتى ضحكتي وقت الأوناس

اشره على ناس لها مني اللوم ***منهم كشفت الحقد واحساس الانجاس

بنيت سور داخله قصر مهدوم***والحظ هده من عواليه للساس

فرحة وماتت والمهد صمت مكتوم***ياما وجدت بسجنها ضيق الأنفاس

في ذمتي قلبي من اسنين محروم***قبرة مشاعر واكتسى ثوب حساس

مشاعري من ثقلها صرت مهزوم***اشرب غرام احساسها لآخر الكاس

لا تسألوني عن سواليف واعلوم***الوقت مر وصارت الفاس بالراس

وقتي وقفلي وقفت الفرس للروم***مايرحم اللي لاعه البين واحتاس

صرخه مشاعر في سما شخص مظلوم***وابليلة يصرخ بها القلب باحساس

ليلة شتاء من بردها صرت ملموم***وعزفت رعشت بردها بين الأضراس

ما زارني في خلوتي واقصد النوم***في غرفة شباكها دمعة الياس

صعبه وأنا يامخاوي الليل مهموم***طالت وأنا من وصولة الوقت من داس

صبري فقدته ضاع واليوم مايدوم***مات وغسلت العين من دمع الأفلاس

انهار جسمي عدت ايام ماقوم***برض وحيشة خافها كل عساس

ذكراي منها ضعت بوهام لنجوم***ياما انحرقت وفرحتي خلف حراس

خالد وأنا لك وافي لك على الدوم***روحي فدتك وقصدها كل نوماس

لو منت غالي منكشف كل محزوم***ومرسولها ياصلك مع كل نسناس

ترا البحر لولا شواطيه محروم***لولا الشواطي ماعرف كل غطاس

وترا الحصان ليا صهل بأول القوم***حمله يصير الزير والحرب جساس


مقبل الرويلي

صح لسان شاعرها وسلمت يمينك يابوفهد
وكل رجل لازم ياخذ تجربته بالمر والحالي على ماقيل
والرجال وقت الشده تقاوم بعد التوكل على الله والصراحه شاعر قوي
وتقبل اطلاعي

أسعدني كثيراً مرورك وتعطيرك ابو طاهر
وردك المفعم بالحب والعطاء

يعطيك الف الف عافيه اخوي بعيـــد الهقـاوي

كلماااااااااااااااات اكثر من رائعـــــــه
تقبــــــــــــل مــــــــــــروري

الف شكر لك على المرور الرايع