نفس القناعه

قـــنـــاعـــــة الــنــفـــــس

نـفـس الـقـناعه تـملك أمـوال قـــارون ***** ولابـه كـرامة نـفـس دون القناعــه
وديـسـاً بـليـا عـز والـراس مصـيـــون ***** عـيـباً عـلـيّ ادور فـيه الرضاعـــه
أصبر على الأيـام وابـليـس ملـعـــــون ***** و نفسي على رجماً نـبـاه برفاعـــه
بعـز وشهامه نكسر العـسـر بالـهـــون ***** و أبدي على ضلعاً تعاوى سباعـــه
أعيـش في عـز وكـرامـه ومـمـنـــــون ***** ولاحتجت أبنصى من خيار الجماعه
الطيـب الــوافـي حـشا كـل مكـــنــــون ***** ما روج بطـيـبـه بـسـوق الـمباعــه
ينـبي كمـا حيـداً له ضلـوع وركـــــون ***** اللي على العليا سريــع انـدفـاعـــه
يـقـــوم باللازم و أنـا مـنه مـديـــــــون ***** وحفظ الوداعه عند راع الوداعــــه
رجــال شبـره بـاع بالـعـزم مــقــــرون ***** ورجال باعه شبر من ضعف ناعـه
ماجـور يا قـلـباً من الوقـت مغـبـــــون ***** جور الزمان أدبر بحظه و لاعــــــه
فيـه الكـريـم يـقول تـكـفــون تـكـفـــون ***** و فيه البخيل يقـيس ماله بـ/ باعــه
فـي ظـل حكم بسيف الاسلام مسنـــون ***** فيه الشجاع يقـول سمعـاً وطاعــــه
قـصـر ذراع اللي على الطيب يـــردون ***** وطول ذراع اللي قصيره ذراعـــــه
حـده على فرعون واصحاب فرعـــون ***** مجبور لكن الصبر مكسب طماعــه
ما ودنـا نكسـب زعــل نـاس يــــدرون ***** والنقص حاصل لكن مابـه مجاعــه
أقفى الـزمان اللي به الكحل مســحـون ***** وجانا زمان العـولـمه و الـصناعــه

تحيات أخوكم سالم السناني (ابو سحايب)

نفس القناعه تملك اموال قارون=========ولابه كرامة نفس دون القناعه

ياحلو هالمشد يابو فهد

وبيض لله وجهك على هالنقل الطيب وصح لسان شاعرها

وتقبل اطلاعي

قـصـر ذراع اللي على الطيب يـــردون ***** وطول ذراع اللي قصيره ذراعـــــه

صح لسان الشاعر والناقل

أرى كسر وثقل بالشطر الثاني من البيت الثاني
والبيتين اللي قبل البيت الأخير ردد الشاعر كلمة لكن وثقل على قصيدته
وقد أكون مخطئ ..

شكرا لختيارك يابو فهد وصح السان شاعرها دمت بخير

الف شكر لكم جميع على المرور الرائع

قصيده جزله سلمت يمينك

انت مبدع في طرحك الرائع
مميز في مواضيعك

يعطيكم الف عافيه على المرور الرائع