حاجه بها تمتـاز كـل الحروبـي

---------------------------------------

ياجار لاتنشد عن الحال ياجار

تراي دوبي يا ابيض الوجه دوبي

ارقب لها تقبل واثرها بالادبار

ادبار مزنٍ مقتفيته هبوبي

دنيا بها ذقت الحلاوه والامرار

يومٍ بها غالب ويوم مغلوبي

ياجار من صكاتها صرت محتار

وانا رجل عند الرجال محسوبي

اسباب قل المال مع غلوا الاسعار

تخلي الرجال غصبٍ كذوبي

ابديت لك ماخفيت ياواف الاشبار

لو كان ماني بالسوالف هذوبي

من عادتي مشكي على كل مرار

لو كنت يارجال صفر الجيوبي

ياجار عز النفس دايم لي اشعار

حاجه بها تمتاز كل الحروبي

النفس لاذليتها عندنا عار

الا لعالم ماخفى بالقلوبي

اصبر على ماصابني سر وجهار

لابد ماربي يحل الكروبي

وان عاندة ماني بها يوم منهار

اكفخ بجنحان السعد يامحبوبي

اليا جفتني دار غيرت في دار

اسري لاهاب الدرب خطو الهيوبي

مهما حصل شامخ مثل ضلع سنجار

لو شفت في دنياي شق الجيوبي

عن واجبي ماراوغ ايمين ويسار

اقبل ليا قفى خطات الزروبي

ماعشت بالحقران حرٍ من احرار

ماحط راسي با شرك والنشوبي

عطيتك الموجز وتفصيل الاخبار

هذا جوابي في نوادر لعوبي

فدوك عميان البصيره والابصار

جرب الحلوق مفرقين الشعوبي

اللي على المقفي تقل حد منشار

ولاحك عود بعود ماتسد نوبي

براق صيف وحال من دونه اغبار

في ساقته ماعس راع الذهوبي

الاخ العزيز سعد اشكرك على هالمفردات الجزله الطيبه وانت اطيب

الاخ العزيز سعد اشكرك على هالمفردات الجزله الطيبه وانت اطيب

صح السانك بابو تركي
وبيض الله وجهك على هذه الجزله واللي مثلك مايجيب الا الجزل

اللـي علـى المقـفـي تـقـل حــد منـشـار
ولاحــــك عــــود بــعــود مـاتـســد نــوبــي

الاخ الشاعر سعد المحمدي بيض الله وجهك وصح لسانكك

تقبل مروري