قسوة الوقت

العام لي دنيا وسيعه لمشهاي
	وشعر الغزل فالبوك ماجف حبره
اغازل القمرا على حيد مركاي
	وعندي من ادروس المحبين خبره
واعزف على الاوتار واعزف على الناي
	واقول :يبقى لي من الصوت نبره
وليل الوله يسري على ضو مسراي
	والعين ماهلت على الخد عبره
قلبي خضر يمشي على قد ممشاي
	توه صغير(ن) هقوته طول شبره
هذا هوى بالي من ادناي لقصاي
	ولاكنت احسب احساب لياّم غبره
واليوم يافيحان ياضيق دنياي
	اضيق على صاحبك من ثقب الابره
غبرالعواصف كدّرت صفوة اجواي
	ونحل الخليه شد من فعل دبره
واعضايه السبعه تقل ماهي اعضاي
	كلن على الثاني تقل فيه كبره
و(الداء) طلع له ريش من وصفة دواي
	والعظم جاه السقم من كل هبره
الطفل عظمه يجبره شد وارخاي
	وعظم الجمل يصعب على الناس جبره
اخفي عن الحيين سري وشكواي
	وابكي على اللي مات وازور قبره
واقفي عن المقفي يلو قال لي جاي
	دام المقفي ماتجي منه دبره
يمناي واضعها على كف يسراي
	واخذت لي من قسوة الوقت عبره
احيان:اقول الضيق ثمرة خطاياي
	واحيان:اقول ان الحلا صار صبره
ابنتظر واصبر وابي زبدة الراي
	والمنتظر مايقتله غيرصبره ِ

صح لساااااانك يابو احمد بدون مجامله
وترى الضيق ثمره خطاياك بالتأكـــــيد!!

صح لسانك يابو احمد ,
عسى الله يبعد عنا وعنك وعن المسلمين كل ضيق ان شاء الله.

صح لسانك وبيض الله وجهك ياابو احمد ....

صح لسانك بأبو احمد للإمام وربي يوفقك
وانشاء الله فيه تعاون بيني وبين شاعرنا ابو احمد

ابـنـتــظــر واصـــبـــر وابـــــــي زبـــــــدة الـــــــراي
والــمــنـــتـــظـــر مــايــقـــتـــلـــه غـــيـــرصــــبــــره

صح لسانك والله يابو احمد

شاعر جزل

اسال الله لك التوفيق والسداد

يعطيك الف عافيه على الطرح الرائع والجميل

صح لسانك وبيض الله وجهك ياابو احمد ....

الله الله يا سلاااااام عليك يا ابو احمد

ابداع ووصف فضيع في الابيات

لله درك على هذه الشامخه كـــ شموخ قلمك

تحياتي وتقديري