مال الكبار امن القضايا غير نطاح الكبار=وكفى السحيمي بالقضيه يوم شمر واحّتزم

بسم الله الرحمن الرحيم
اقامت قبيلة الوهوب من قبيلة حرب بحفر الباطن حفل للشيخ الدكتور عبدالله رشيد ابن عريعر السحيمي والشاعر الكبير القدير ذاير رشيد عبيد السحيمي هو ومن قام معهم من شيوخ قبيلة حرب الاوفياء تكريمآ وعرفانآ لهم على موقفهم النبيل في انهاء قضية السجين فهد حمود الوهبي شاركت بهذه القصيده لعلها ترقى لاذواقكم الشعريه

بسم الله اللي له نصلي نطلبه ليل ونهار
	سبحان من شرفك ياطيبه ومكه بالحّرم
جزل العطايا اللي بمده زين ارضه بالخضار
	رب الوجود اللي خلقنا جل شانه من عّدم
الليله الهاجس معه علمآ مهم وشب نار
	نار القصيد اللي حطبها افكار رتبها القّلم
بعد تناقشنا بعلم امهم وانهينا الحوار
	قال انت تبغى اللي تجمل قلت عطنيها نّعم
انا استشرت اهل المعاني وانت ليه مستشار
	الجزله الجزله طلبنا والرياجيل الحّكم
ايه اتخير ماتورى دام لي الاختيار
	لادندن الهاجس وطق الراس والفكر اسّتلم
واذا القوافي مامعانيها تطاير له شرار
	ماللقصيده ذوق في حفل الرجال ولا طّعم
الشعر له وقفات يالشعار مافيه انتظار
	وفي حفل حرب الحرب يالشعار لي معكم سّهم
سلام ياربعآ لهم مقام عالي واعتبار
	امن المدينه للحفر قدرآ لكم سار القّدم
دعوة وفاء لاهل الوفاء من حر من ماكر حرار
	يابوفهد ماهو غريب الطيب علي القّسم
ياحرب ياحرب الفخر عمار جمعتكم عمار
	يامن لكم باالمجد فوق اعلى جبل رفرف عّلم
ياجاعلين الكايدات اللي كبار امن الصغار
	يامن لكم وزن وثقل بين القبايل والامّم
وقفاتكم فزعاتكم ثمارها خير الثمار
	ايسولفوا فيها العرب ويترجموها للعّجم
وفي ماضي الازمان كم قصه لنا فيها افتخار
	منها فعل دخيل ونويشي كبيرين الهّمم
دون الخوي والجار قتل النفس للحربي شعار
	وبالناس فيه امثالنا ياأهل المواقف والشّيم
الله يبيض وجه راع الطيب في كل الديار
	راع الفعايل والجمايل له مقام ويّحترم
طير السعد معه السعد رف ابجناحينه وطار
	انا اشهد ان ابن عريعر قام بالعلم الاهّم
صحيح من قال المواقف للرياجيل اختبار
	واللي خذا وسام النعم مدحه على الشاعر لّزم
ابن عريعر وقفته جاء صيتها في كل دار
	قال السحيمي واجب الحربي على الحربي زّهم
والرجل له ميقاف عنّه مستحيل الاعتذار
	وانا لها ولغيرها كم قدمت يمنى الشّحم
وانا من السحمان ياربعي لنا شان ووقار
	اهل الحميه والمواقف والشجاعه والكّرم
لاقال عبدالله رشيد ابن عريعر علم صار
	قال ابشروا ياحرب تم العلم والامر انّحسم
ماللكبار امن القضايا غير نطاح الكبار
	انهى القضيه يوم ابوعواد شمر واحّتزم
وذاير رشيد ايضا كسبها يوم صلى واستخار
	من ربعي السحمان دايم معتلي رؤس القّمم
سعى نخى سوا البيوت اللي بها نخوه واثار
	تفاعل اهل الطيب شكرآ له على بيوتآ نّظم
الاجر والنوماس دايم مكسب الرجل الخيار
	ولاهي غريبه وقفة السحمان فوق اعلى هّرم

أسال الله العظيم ان يمد في عمر هذا الرجل المعطاء الشيخ : عبدالله رشيد ابن عريعر صاحب الهمم العالية

وصح لسانكـ آخوي معزي

صح لسانك ودام راسك يابوفلاح راعي وفا ومجمّل حال لاعدمناك

وبيّض الله وجه أبوعواد ولاهي غريبه عليه الفزعه والمواقف المشرفه

صح بدنك اخوي طارق شاكر ومقدر لمرورك

صح بدنك ابوريان ووجهك ابيض دايم وابوعواد راعي فزعه وعلم غانم بدون اقصور بربعنا السحمان شاكر لمرورك دمت بحفظ الله