رثاء في والدي يرحمه الله

هذه الابيات رثاء بفقيدنا الغالي علي وعلى كل من رافقه رحمه الله
والدي المرحوم باذن الله محيسن حيلان السحيمي تغمده الله بواسع رحمته

الله من علمن به القلب مجروح
	قالوا توفي واعتلتني اجروحي
العين تدمع واصبح الصوت مبحوح
	الله دايم والخلايق نزوحي
مكتوب يومه والمقادير باللوح
	واشكي لربي وارتجيله بنوحي
لو صرت عايش فيني القلب مذبوح
	دمه على سود الليالي سفوحي
مرحوم ياشيخن بنا مجد وصروح
	شيخن وسيع العرف قوله نصوحي
كريم وان جاء الضيف في جوده يلوح
	نباه لضيفان والناس توحي
ريف الخوي لابداله الهرج بمزوح
	ايام تمضي والليالي تروحي
رجلن تقي وبكفت الدين مرجوح
	يالله عساه بدار مسكه يفوحي
والله لو روحه تبدل بها روح
	ماغلي عليه الروح تفداه روحي
وصلاة ربي عد براقن يلوح
	اعداد ماسال المطر بالسيوحي
على النبي اللي بدا الدين بوضوح
	واجتث دار الشرك باقوى الفتوحي

صح لسانك الشاعر بدر وسلمت والله يرحمه ريف الجار والخوي والضيف ابو عبدالله الله يتغمده برحمته
ويدخل فسيح جناته

والله لــــــو روحــــــه تـــبــــدل بـــهــــا روح
مـاغـلـي عـلـيـه الـــروح تــفــداه روحــــي

صح لسانك يابدر وأسأل الله أن يجمعنا وإياك وشايبك بجنات النعيم
من عقّب مامات ونسأل الله له الرحمه والعفو إنه سبحانه عزيز قدير

جزاك الله خير يابو طاهر عسى يرحمه ويرحم جميع موتى المسلمين وصح بدنك

صح بدنك يابو ريان وجزاك الله خير

صح السانك اخوي بدر ورحم الله والدك برحمته الواسعه ابو عبدالله طيب الذكر ومن اهل الخير انشالله تقبل مروي مع اطيب تحيه