ان السحيمي بالمهمات يوفي

محد عزمني جيت جابنا الاقدار
عابر سبيل ثم حدتني ظروفي

كم ديرتن مريت يوم القدم سار
خذت فيها وقت ماني معروفي

عرفت فعل الناس في كل الادوار
كلن على ماتريد نفسه شغوفي

احدن يبا العليا ولو صار ماصار
يخاف دورات الليالي ماتوفي

يبي يغنم الطيبه كل ماثار
دايم على الجزلات تقل مخفوفي

وبعض البشر دايم وهو ميت النار
مايكسب الطاله لو انه يشوفي

وش عرفه لمصافق العز والكار
يقضي حياته طلها في كسوفي

كلام من جرب وللعز بيطار
ماهي علوم اللي يطيع الهنوفي

من راس قوم توفي الضيف والجار
ودخيلهم محدن غدر به يحوفي

تشهد لنا العربان في سر وجهار
ان السحيمي بالمهمات يوفي

ناهض مثيب السحيمي

صح لسانك ...وانت وافي .
احدن يبي العليا ولو صار ماصار.
ياكثرهم اللي على قولتهم فحطو ليس تعميم . شيء اشوووفه ..

قصيده جميله ..

صح لسانك اخوي ناهض

صح لسانك يابو محمد

صح السانك ابومحمد على هذه الابيات الجزله ارجو ابومحمد ان تكون مشاركاتك مستمره تقبل مروري

الأخ منصور صح بد نك ويشرفني مرورك
الأخ أحمد تسلم أسعدني مرورك
بدر تسلم صح بد نك يا غالي
الأخ معزي صح بد نك وانا ياخوي بكل صراحه وافتخا ر يشرفني التواجد على طول في الموقع ولكن الله أعلم بالظروف ومن خلال هذا التعليق انا أدعو كل من يستطيع المشاركه بقصائد أو قصص أو أي شي مفيد مما يقرونه أو يتناقلو شفوي أن يشارك وهذا موقع للجميع
لكم جميع تحياتي

صح لسانك يابو محمد وبيض الله وجهك جزله ومن رجل جزل
نعم وافي انت وربعك السحمان عيال جدي