ياعيال نجوان الرجال الدهات

بسم الله الرحمن الرحيم

وقف القبيله لا زلنا ننتظره ونعلم جميعآ ان الوقف يحتاج فكر ومساهمات وجهد نتمنى ان نراه قريبآ هذه الابيات فيها شي يحث على التكاتف والتعاون فيما بيننا جميعآ وكيف كنا وكانت رفقتنا في ماضي السنين التي لاتخفى علينا يااهل النخوه وفيها سوال عن الوقف ارجو ان يكون لها قبول وعذرآ منكم اذا تخللها شي من النقص فالكمال لربنا سبحانه

ياخالقآ ذالكون خلق ونبات
	ومفنيه وانت الباقي الك الدوام
ومحييه ياخلاق بعد الممات
	ليومآ به الكافر يعض البهام
يارب في ذاك النهار النجات
	لطفك وعفوك في نهار الزحام
دنياي منها المكسب الصالحات
	امغادر الدنيا بمترين خام
يامرسلن جبريل بالبينات
	الى شفيع الخلق خير الانام
ايخاطبه بااياتك المعجزات
	مني عليه ازكى صلاة وسلام
يامكلف المسلم بحفظ الصلات
	وكلفته ابحج وزكاه وصيام
ياعالمن بصدورنا الخافيات
	يامسير الكون الفسيح ابنظام
بسمك بديت وحلو الابيات جات
	تجي القوافي لي على مايرام
باذن الله ارقى قمة الشامخات
	اللي عليها الحر وقع وحام
حي القوافي تركض امرتبات
	نظمي من الجزلات ماهي هلام
ياهاجسي بالله توكلت هات
	شعر ابمعاني مثل رمي السهام
امن القوافي عطني الغاليات
	فيها المعاني مثل ضرب الحسام
ليه تنقى طيب المفردات
	لي صوغهن مثل الذهب بالتمام
للشعر يالعَريف ذوق وطرات
	يااهل المعاني والولع والغرام
اما قصيد امفيد ولا السكات
	اخير والحكمه من الله الهام
شعرآ يروح ابسلة المهملات
	وشعرآ سوات النور يجلى الظلام
بعد التفاتاتي لكل الجهات
	اخاطب اعقول الاسود الحشام
اهل العقول الكيَس الراجحات
	اللي لهم شان ومكان ومقام
ياعيال نجوان الرجال الدهات
	سلام ياربعي وعندي كلام
اقول ياكسابت الطيبات
	بالطيب ياربعي لبستم وسام
عندي علومآ من فمي الروات
	طاول بها راسي لقمة سنام
يامن لكم في عالي النافيات
	ذكر ايتفاخر فيه منا الغلام
كلآ على الاخر اله واجبات
	يامن دخيل ابيوتكم مايظام
عسى السعد باايامنا المقبلات
	انشد فيه اطناب كل الخيام
يازين رفقتنا بذي الحيات
	تكاتفآ مابيننا واحترام
جمع القبيله فيه خير وغنات
	والتفرقه ضعف وغباء وانهزام
رفقه لنا بسنيننا الماضيات
	يازينها اللي قبل سبعين عام
يوم الليالي بالشقى امحملات
	ماياجد المخلوق نوب الطعام
يوم البعض ملكه بعيرآ وشات
	هذا لهذا بالنوايب احزام
في صفنا لايدخلون الوشات
	تكاتفوا تالفوا يالكرام
وياكثرهم والله هل الطايلات
	من يجحد افعال القبايل يلام
والوقف لعله تحقق ثبات
	تكفون ياالربع الهمام الهمام
الوقف يبغى فكر وامساهمات
	ويقوم بجهودالرجال العظام
وان قام بامر امكون الكاينات
	خيرآ نحلق فيه فوق الغمام
وخَتمتها والعلم فيها ثبات
	وازكى تحياتي لكم بالختام

فــي صفـنـا لايـدخـلـون الـوشــات
تــكــاتـــفـــوا تـــالـــفــــوا يـــالــــكــــرام

صح لسانك أبوفلاح والله يعافيك اليوم ودوم ان شاء الله والوقف نسأل الله أن ييسره ويوفق في إقراره سنطبع نسخ مما لدينا من أفكار حوله وستوزع على جميع الأمناء ورجال الأعمال ان رأوها مناسبه وسيكون لهم اجتماع حول ذلك

نسأل الله القبول وسترى موضوع يخصه هنا بالموقع بإذن الله

صح لسانك .....

صح بدنك ابو ريان الله يعافيك ويطول بعمرك نسال الله التوفيق والسداد لما فيه صالح الجميع

صح بدنك اخوي عبدالرحمن شاكر لمرورك

يـازيــن رفقـتـنـا بـــذي الـحـيــات تـكـاتــفــآ مـابـيـنــنــا واحـــتــــرام


والنعم فيك كفيت ووفيت ..

اسعد الله مساك اخوي منصور وماعليك زود بالنعم فانت من كسابت العلم الغانم شكرا لمرورك

ياسلام ياسلام صح لسانك وبيض الله وجهك يابو فلاح على القصيده الجزله من رجل جزل
والله يحقق ماتريده يابو فلاح وسلمت

اسعد الله مساك ابوطاهر وصح بدنك شاكر لمرورك دمت بحفظ الله