ترى بعض السجايا كثر الالحاح يقتلها

معوّض خير ياحيٍ تهقوى في الزمـان ومــــــــــــــــــال سنينك لو رقيـت بعدلهـا يطرحـك مايلهـــــــــــــــــــــــــا تعلّم وإعرف إن الدرب قدامك سهـل وجبـــــــــــــــــــال جبـال تطولهـا وجبـال بعيونـك تخايلـهـــــــــــــــــــــــــا ومعوّض خير ياحيٍ وردت الماء بدون حبــــــــــــــــال يطول بك الوقوف وشربة المـاء ماتحصّلهـــــــــــــــــا وقوفك عند راس البير مايسقيك لـو فنجـــــــــــــــــــال ولاينفعك شوفة الجمَّـه اللـي منـت طايلهـــــــــــــــــــــا ومعوّض خير ياحيٍ خدعك من الرجال أشكـــــــــــــال تشوف أشكالها وتحطها أرفـع مـن منازلهــــــــــــــــــا تعلّم من زمانك لاتصير مـن أجهـل الجهـــــــــــــــــــال ترى في كل يـوم تجيـك عبـره لاتجاهلهـــــــــــــــــــــا إذا ربي وهب لك عقل تلقى في الرجال رجـــــــــــــال تعرف اللـي يطلّـع قيمتـك واللـي ينزلهـــــــــــــــــــــا ترى من بعض مايندي الجبين ويحرج الرجـــــــــــال لياسـاق الميانـه فـي نفـوسٍ ماتقبّلـهـــــــــــــــــــــــــا ومهما شفت في صاحبك من نخوه وطيبة فـــــــــــال ترى بعض السجايـا كثـرة الإلحـاح يقتلهــــــــــــــــــا معاريف الرجال ديون وديون الرجـال ثقــــــــــــــــال لياصرت متعافي ليش تغـرق فـي جمايلهــــــــــــــــــا رصيدك في حياتك سمعتك مع طيبيـن الفـــــــــــــــال رجال الطيب والمعروف بالمعـروف عاملهــــــــــــــا ولاتبدي بجاهـك فـي مقـامٍ مايسـر الحــــــــــــــــــــال ولاتشفـع لنـاسٍ ماتنومـسـك بفعايلـهــــــــــــــــــــــــا لياجاتك تعذّرهـا مـدام العـذر لـه مدخــــــــــــــــــــــال ووقت الجد قول الهـا الصحيـح ولاتجاملهـــــــــــــا وخذ منـي نصيحـه لاتصـدق كـل ماينقــــــــــــــــــال يجـرك للنميمـه ليـن يطرحـك بحبايلـهــــــــــــــــــــا يجيلك ناقـل النمّـات بهـروجٍ تغـث البـــــــــــــــــــال سوالف في قفاك وحظك أطيب يـوم تجهلهـــــــــــا يبـرر بالحميّـه والصداقـه شينـة الأفعـــــــــــــــــــال يجمّـل صورتـه بعلومـه اللـي ماتجمّلـهــــــــــــــــــا ولو كانت حميّه فيك رد المخطيه فـي الحـــــــــــال ولاكان إستمعها فـي قفـاك وجـاك شايلهـــــــــــــــا ترى من جاب لك ودّى وهذي عـادة النقــــــــــــال يحاول يقتنص من فمك كلمـه لأجـل ينقلهــــــــــــا ومثل ماقال عندك راح عنك وعند غيرك قــــــــال وزوّد عشر فوق الكلمه اللـي كنـت قايلهــــــــــــــا تجنّب مجلسه لاتجلس إلا مع كريـم خصــــــــــــال تحمّـل ميلتـه وإن ميّلـتْ ميلتـك يعدلهــــــــــــــــــا ولاتصبر على الجار الردي لوهي ثلاث ليـــــــــال تضـرك جيرتـه لوكـان بيبانـك تقفلـهـــــــــــــــــــا وبيع الدار بأول سومةٍ تعرض علـى الــــــــــدلال ورزقـك عنـد ربٍ كاتـب اللقمـه وكافلهــــــــــــــــا وكم من لاش يرمي خيبة إبنه فوق راس الخـال لوإن الخال من روس الرجال ومـن دلايلهـــــــــا ليامنك عرفـت تميّـز الطيّـب مـن البطـــــــــــــــال وفادتك التجارب في الحيـاة وفـي مسايلهـــــــــا وكشفت الفرق مابين الصحيح وحيلة المحتــال وتعلمت الفراسه في الوجيـه اللـي تقابلهـــــــــا بعد هذي ترى مالك غنى عن صحبة العقّـــــــال يدلونـك بـرايٍ ينقـض الدعـوه ويفتلهــــــــــــــا يقولون الرجال اللي سوالفهـم حِكـم وأمثــــــال ليامن ضاعت الحيلـه يـدل القـوم عاقلهــــــــــا نصيحة واحدٍ جرّب وشاف من الزمان اهـوال يقدّم لـك خلاصـة هجـرةٍ جـرّب هوايلهـــــــــــا

صح لسان شاعرها وسلمت ياولد العم على النقل الرااااااااائع الله يحفظك يابو معوض قصيده هادفه واجتماعيه وفيها نصائح مفيده
واستجارة المسلم للمسلم واجبه نصرته مهما حصل له من مصائب الدنيا .

اقتباس:
المشاركة الأصلية كتبت بواسطة بعيد المشاويح
صح لسان شاعرها وسلمت ياولد العم على النقل الرااااااااائع الله يحفظك يابو معوض قصيده هادفه واجتماعيه وفيها نصائح مفيده
واستجارة المسلم للمسلم واجبه نصرته مهما حصل له من مصائب الدنيا .



شاكر مرورك ابو طاهر

وخذ مني نصيحه لاتصدق كل ماينقال

يجرك للنميمه لين يطرحك بحبايلها

لك كل الشكر ابو معوض على اختيار هذه القصيده الجزله الشامله بكل ماتعنيه الكلمه قصيده تضمنت المعاني القويه المفيده وياليت لو تكرمت تذكر اسم صاحبها تحياتي لك

اقتباس:
المشاركة الأصلية كتبت بواسطة معزي فلاح واصل السحيمي

وخذ مني نصيحه لاتصدق كل ماينقال

يجرك للنميمه لين يطرحك بحبايلها

لك كل الشكر ابو معوض على اختيار هذه القصيده الجزله الشامله بكل ماتعنيه الكلمه قصيده تضمنت المعاني القويه المفيده وياليت لو تكرمت تذكر اسم صاحبها تحياتي لك



شاكر مرورك ابو فلاح والله مااعرف صاحبها بس اعجبتني ونقلتها لكم

صح السان شاعرها والله يعطيك العافيه اخوي احمد اختيار موفق للقصيده قصيده لها نكهه ثانيه ولكن اذا ماعليك امر اوتحفظ من هو صاحب القصيده تقبل مروري

اقتباس:
المشاركة الأصلية كتبت بواسطة عبداللطيف عوض السحيمي
صح السان شاعرها والله يعطيك العافيه اخوي احمد اختيار موفق للقصيده قصيده لها نكهه ثانيه ولكن اذا ماعليك امر اوتحفظ من هو صاحب القصيده تقبل مروري


شكرا لمرورك على موضوعي وهذا شرف لي ووسام على صدري

أبيات في قمة الابداع والجزاله تسلم يمينك أخوي أحمد

اقتباس:
المشاركة الأصلية كتبت بواسطة فلاح معزي السحيمي
أبيات في قمة الابداع والجزاله تسلم يمينك أخوي أحمد


شكرا لمرورك على موضوعي وهذا شرف لي ووسام على صدري

ترى من جاب لك ودى وهذي عادة النقال ........... يحاول يقتنص من فمك كلمة لاجل ينقلها

صح لسان الشاعر وتسلم يمناك اخوي أحمد معوض على هذا النقل