ترى التجربه برهان للي يحكمها

السلام عليكم ورحمة الله وبركاته
هذه ابيات اتمنى ان تحوز على رضاكم

أنا أنوست في قلبي همومً لها دقات
	همومً بقلبي وسط صدري وكاتمها
وجبت القلم والبوك واعبر من الكلمات
	ومن لا عرف مصدارها صعب يفهمها
و ليه على العاقل مواقف ولي شرهات
	وأنا محترم كل العرب وأحفظ شيمها
رضى الناس غايه لو كتبنا بها سجلات
	ولا يعلم إلا خالق الكون محكمها
تعجبت بالدنيا وما يدور من أوقات
	حصيل اليمين يعود يسار مااعظمها
تفكرت كيف الطيب تدخل به الغلطات
	وعشرة وفاء ترجع تحطم قوايمها
صديق الصداقه والوفاء يسمح الزلات
	وخثعت جواد أصيل يده مكرمها
تجاريب بالدنيا مع الناس جمع أفيات
	وترى التجربه برهان للي يحكمها
الا ياعظيم الشان يادافع السيات
	تغفر الذنوب وخاتمه خير تقسمها

صح لسانك يا ابو طاهر قصيده لها طابع خاص وكلمات جزله من شاعر جزل ... لكم مكانه رفيعه بالقلوب يا ابو طاهر

صح لسانك ابوطاهر وبيض الله وجهك على هالابيات الجزله وصدقت بكل ما قلت تقبل مروري

صح السانك ابوطاهر على هذه الابيات الجزله دمت بخير وعافيه

الله على الابداع الراقي والابداع المتميز صح لسانك
يابو طاهر قصيده عالية الجوده من الوزن الثقيل تسلم على نظم هذه القصيده شاعر متمكن ماشاء الله عليك. ولاكن لن تغنينا عن جديدك يابو طاهر .

صح بدنك يابو عواد وشرفنا اطلاعك الله يحفظك

صح بدنك الشاعر عبد المجيد وجهك ابيض وشرفنا اطلاعك الله يحفظك

صح بدنك يابو فلاح وشرفنا اطلاعك الله يحفظك

حياك يابو فهد واطلاع شرفنا الله يحفظك ياولد العم