حب الوطن

هذه الابيات القيتها في حفل السحمان ناركم حيه

نيابه عن قبيله حرب والسحمان لي ربوع
	ياريف الجار وريفا للخوي والضيف في زاده
هلا عداد ماهل المطر واستبشرت برجوع
	عدد طلع النبات وعد مزنا زاد رعاده
االا يامرحبا باللي حضر من كل فج جموع
	وحضرت هالنشامى هي ربيع القلب واعياده
وسلام الله على اللي صيتهم مثل العلم مرفوع
	ملوكا من ملوكا من سلايل عود واولاده
اهل دينا واهل شيخه عريف وشورهم مطيوع
	يحلون القضايا من عصور العود واجداده
رجال اهل العطاء واهل السخاء في صدورهم مزروع
	وشواهد من مواقفهم تاريخ العلم وامجاده
الا يامستجيب لكل مسلم منحني بركوع
	تحفظ الدين وتحفظ الوطن وملوك له ساده
ترى حب الملك مع الوطن في قلوبنا مطبوع
	نبايع بالولاء لله ثم للملك وبلاده
وطنا ياوطن غالي وطن عنك العدو مدفوع
	نبيع الحال دونك ياوطن واعمار سداده
وطن نعيش في بلاده وطن عنه الدفاع مشروع
	بيوت الله وقبله كل مسلم دين وعباده
فديتك ياوطن دار العروبه ماش شكلك نوع
	وعسى ربي يحفظ اخوان نوره للبلد قاده
ويفكك من شرور اهل الحسد والمبغض المقطوع
	يادار المسلمين اللي حجاج البيت رواده
الا ياراعي الارهاب ياللي بالعقل مصدوع
	انا بنشدك عن دمعه صغير ابوه معتاده
ذبحت ابوه وش مكسبك لا نافع ولا منفوع
	تدمر بالنفوس وبالبلد ومطيع حساده
تدمر في بلدك اطهر بقاع وضامرك منزوع
	خساره ياخساره مانت عارف دين وجهاده
نصيحه ياشباب اهل الوطن هذا غزو مخدوع
	غزو للوازع الديني غزو من الغرب واحقاده
عليكم طاعه الله ثم طاعه للمصطفى المتبوع
	ترى طاعه ولي الامر واجب حق ياافراده

يعطيك الف عافيه على الطرح الرائع
جميله وجزله وننتظر جديدك الرائع

لله يعافيك والشر مايجيك ياولد العم واطلاعك شرف لي

صح لسانك أبوطاهر وحفل ناركم حية لو كان حفل السحمان كان ماوقفناه أبد هههه

لكنه كان حكومي أكثر رغم المشاركه الكبيره من السحمان

تقبل مروري ودمت دائما بخير

صح بدنك يابو ريان ورحم الله والديك واطلاعك يشرفني

صح لسانك

وبيض الله وجهك


يالغااااااااالي

	صح لسانك وبيض الله وجهك

صح بدنك ياشاعر عذذذذذذذذذذذب المفردااااااااااااااات يشرفني اطلاعك

صح بدنك يابو معوض وجهك ابيض ياولد العم

ولله يرحم والديك على هالتنسيق الراااائع