نصحتكم ياعيال بقافا مسويه

نصيحه للابنائي

نصحتكم ياعيال بقافا مسويه
	باصوغ قيفانه لكم مستعدا
تمعنوا قافا قويه معانيه
	ذكرت فيه من النصح مايسدا
اقروه لوانه بعيده مغازيه
	والعلم يبقى شامخا مايهدا
اقروا جوابي وافهموا واعتنوا فيه
	وكلا بحبله يالنشامى يمدا
نصيحتي لاتضيع وقولا منقيه
	لايغركم طيش الجهل عين رمدا
ترا الفتى كلاعلى ساس ماضيه
	مابين ابوه وبين خالا وجدا
ولافيه طيرا دون ماكر ربا فيه
	ولافيه مبدا دون عزم ومشدا
اربع الى جات بالولد عز تغنيه
	مع البشر تلقى احترامه مبدا
الصدق والتقوى مع الرجل تحميه
	ومجد الكرامه والشجاعه لابدا
الرجل له مبدا وعرفا يقديه
	والعارفه يقدا ترا مايقدا
احدا على المبدا قويه مباديه
	واحدا يركبها على غير مبدا
العارفه لو تاه يقصر تماديه
	كبوت حصان وللغلط مايردا
الثور يكفي قول عنتر وطاريه
	تجنبه واذهن لصوبه تلدا
من شب على العوج بان العوج فيه
	يبقى عوج في هرج هزل وجدا
والعود الاعوج مايتعدل لراعيه
	تعديلته كسره لايمكن يمدا
كد قالها شاعر تجارب تكفيه
	ابن عمران اللي مع الوقت عدا
من ربعي الغصبان له قاف توجيه
	في قافه الحكمه وزين المشدا
وهرج النقيلي لاتشيله وتوشيه
	واذهن الى جات الوازم تردا
وتراالحسد نارا لاجاء الرجل يعميه
	لاتحسد المسلم بشيا يودا
الى عطيت من العطاء لاتراعيه
	كد قالها حجرف لاجاء الرزق سدا
وابن جزاء وابا الشيوخ لك نسميه
	يعطون ولا يمن العطا كان مدا
اذكرلك ابن غنيم ماكثر حسانيه
	شال العشاء واطعم ضعيفا مخدا
من لاتحزم للمراجل تخليه
	مايرتوي لوهو على جال عدا
مثل الضحاح اللي لاجاء الليل يخفيه
	ولاينفع الكسلان نوم المخدا
ولو المناظر ترفع الرجل وتوفيه
	يكفيه من عرض البشر عود ندا
ولا كل من زين عقاله يهقويه
	ولاكل من يزرع لزرعه يجدا

صح السانك واعتلى شانك على هذه القصيدة الرائعه

اخي الشاعر ذاير السحيمي

الـعــارفــه لـــــو تـــــاه يـقــصــر تــمــاديــه ** كـــبـــوت حـــصــــان ولـلــغــلــط مـــايــــردا

والله صح لسانك يا اخوي على هالبيت

تـــرا الـفـتـى كـلاعـلـى ســـاس مـاضـيــه**مـابــيــن ابــــــوه وبـــيـــن خــــــالا وجــــــدا
ولافــيــه طــيــرا دون مــاكــر ربــــا فــيــه**ولافـــيـــه مـــبـــدا دون عــــــزم ومـــشـــدا

صح لسانك اخوي والله يصلح لنا ولك ولجميع المسلمين
بيض الله وجهك

تقبل تحياتي

ابو طاهر اسعد الله مساك وصح لسانك على هذه القصيده قراتها عدة مرات لمى فيها من الفوائد تقبل مروري ودمت بخير من الله

صح لسانك قصيده رائعه جدا
لاعدمنا حضوركم

صح بدنك يابو فهد واطلاعك شرف لي

صح بدنك يابومحمد وبيض الله وجهك على التمعن بالقصيده ولاهي غريبه منك صاحب معرفه ونقد ياولد العم

وحفظ الله الجميع واطلاعك شرف لي

صح بدنك الشاعر معزي واعتلا شانك واطلاعك شرف لي ياولد العم

صح بدنك وعتلا شانك ياولد العم واطلاعك شرف لنا حفظك الله

كل ما اقتبست بيت لقيت غيره يستاهل ولاهي والله مجامله


صح لسانك يابو طاهر وبيض الله وجهك