خله بنومه وطلب الله يشا فيه يمكن تحصله علاجِ ِيسره

أبياات راآإقت لي للشااعر / رشيد الزلامي




يا كثر صبري للزمـان وتحديـه
لو كان جاني من زماني مضـره


ومعاد يلحقني لنفسـي مشاريـه
بلغـت بالواقـع والايـام حـره


بيّنت كل اللي بصـدري مخفيـه
وشرحت ما خليـت مثقـال ذره


وين انت يا سامع كلامي وموحيه
لا تامـن الدنيـا تراهـا مغـره

ان شفت وقتك صايرن فيه ما فيه
اصبر على المقسوم خيره وشره


ترى الدهر ماهوب ورعك تربيه
مهما حصلك من بـراده وحـره


وان شفت حظك منسدح لا توعيه
يقوم من نومه وينحـاش مـره


خله بنومه واطلـب الله يشافيـه
يمكن تحصلـه عـلاج ٍ يسـره

الله الله عليك أبيات رائعه بمعنى الكلمة
صح لسان قايلها وسلمت يمين ناقلها

صح لسان قايلها وسلمت يمين ناقلها

مروركم منور الموضوعي بارك الله فيكم

الاخ سفير الهيلا شكرا لك على النقل وبيض الله وجهك وصح والله لسان ابو جميل رجل جزل وشاعر بارع الله يطول في عمره على طاعه ربه يااخوي والله اني احب قصايده واجد اذا كان

للناس شعراء يتابعون قصايدهم ويحبونهم فانا والله ياخوي الشاعر اللي احب شعره هو رشيد الزلامي العالي العتيبي


تقبل مروري

سفير الهيلا دائمآ مبدع يعطيك العافيه لاحرمنا من إبداعاتك الرائعه

يعطيك العافيه ابو محمد وهذا يدل علنك من عشاق الشعر المتميز والف شكر اخوي مناور مروركم منور القصيده

الله لايهينك ابوسلطان .. ومن مايحب هالنوع من القصيد وخاصه لاقلت الزلامي ..

تقبل مروري أخي الكريم

الله لايهينك ياحسين على مرورك الرايع

وين انت يا سامع كلامي وموحيه
لا تامـن الدنيـا تراهـا مغـره

ان شفت وقتك صايرن فيه ما فيه
اصبر على المقسوم خيره وشره

سلمت يابو سلطان وصح لسان الزلامي ..زودنا بالقصايد من هالنوع لاهنت .. تقبل مروري