السحمان

حنا نسمى على سرحان***** الجد الاول سبق فيها
قد قالها نايف الشاعر بليهان ***** معمريا على الخيلان مهديها
والبرثل الوسم للسحمان ***** ماهي حلوما نتذكرها ونخطيها
ماغير انا اداري الشيخان *****لهم شروطن والبيها
مانعني الشيخ ابو ريان*****عن نية كنت ناويها
شيوخنا اللي لهم عنوان*****الطيب دايم حراويها
بيوتهم مزبن اللهفان*****يالقاذرة في مبانيها
كلام صدقا ماهو بهتان*****يشهد لهم ماضي الدنيا وتاليها
والا معي قول للسحمان*****مطوعت من يعاديها
ربعي هل الفعل بالميدان***** لو اشقر الملح غاشيها
ماهي هروجا على المجان ***** افعال كلن حكى فيها
ابن هدي فعلنا لهبان***** في بيوت شعرا نغنيها
وفعظيم مع ثورة الدخان***** شوف الرشيدي شهد فيها
وللجار روح انشد الجهنان*****عندي السميري مناهيها
اجواد ماتجحد اللي كان***** علومنا طيبة والناس تطريها
وسط المدينة لنا برهان ****** اثارنا ليش نخفيها
وياللي تنشد عن العربان *****امجادنا واجده مانته بمحصيها
امجاد لسلافنا الشجعان ***** والحي منا يوفيها
ولايغرك الوقت مهما كان***** لازم نحسب تواليها
النفس يلعبها الشيطان ***** دايم على السوء يرميها
واعمالنا تحط بالميزان *****وارواحنا الله واليها
يالله يالواحد الديان ***** عفوك ورحمتك نرجيها
ناهض السحيمي
حرر2/7/1433ه

للتوضيح فقط الشاعر نايف بن زابن المعمري رحمة الله عليه قال في بيت شعر له (((خوالي السحمان من عوف لابتا*****الله يرحم جدهم ساس بدهم اللي مسميهم على سرحان ))والله ونعم في المعامرة وجميع قبايل بني عمر .
الشاعر والفارس معلث بن هدي العياضي العمري قال في بيت شعر له ((والسحيمي جال حس الكون تالي ثم صاب المنده والعدمليه)) رحمة الله على معلث بن هدي ونعم فيه وفي العياضات
والرشيدي في معركه عظيم ذكر السحمان في ابيات وقال ((عز الله انه من ربوعا قرومي**** والمدح مايركب على غير راعيه)) رحمة الله علي الشاعر الرشيدي والله مليون نعم في بني رشيد جميعهم
والسمير ي الجهني في بيت شعر له ضمن قصيدة طويله (((يوم انكسر حري ولوم علي ربي رزقني في مراشيد سحمان )))بيض الله وجهه ونعم في جهينه جميع
بيض الله وجه كل واحد يعد الحق
اهديكم هذه الابيات لكم ولجميع قبيلة السحمان ولاتؤاخذوني والله ماني شاعر هذي بس خواطر



ناهض السحيمي

صح الله لسانك يابن مثيب

تقبل مروري

عندما يكتب الشخص من قلبه فإنه يبدع فانت مبدع يعطيك العافيه وصح لسانك
باحثنا الفاضل ناهض يعطيك العافيه ننتظر منك الكثير فلا تبخل علينا

ومن حصل نعم يستاهله والحمدالله على الامن والامان والصحه في الابدان 0000 وان شكرتم لازيدنكم وان كفرتم لاعذابي شديد00
جزاك الله كل خير يا ابومثيب وصح لسانك 000 مشاعر في محلها 000 ومن يفخر في ربعه وعزوته ماحد يلومه 000

شكرا لكم على مروركم وترحيبكم وبيض الله وجيهكم لي الشرف بوجودي معكم تحياتي

صح لسانك يابومحمد وعلا شانك ..
القصيد اللي من قلب الرجال ومعانيه وأهدافه ساميه هو القصيد لاتقول ماني شاعر ..

لكن ان تكرمت على أخوانك ..
وسط المدينة لنا برهان ****** اثارنا ليش نخفيها

ذكرني هذا البيت بشارع السحيمي بالمدينه ...
( وقد تكون الأقرب لفتح موضوع مستقل عنه )

دمت أخا كريما

صح لسانك يا ابو محمد

بس لي طلب لاهنت ابي منك اسم الشاعر الرشيدي ومن اي قبيله من بني رشيد

لان هذه القبيله تربطني بهم صداقه قويه على مستوى جميع قبايل بني رشيد

على ما يبدو لي انه من الذيبه وبأ التحديد من ذوي سمره ممكن اكون صائب او مخطأ

ابي منك التصحيح ولك مني كل الشكر والتقدير.

وبعد هذه ألقصيده اكتشفنا انك مورخ وشاعر في نفس الوقت ما شاء الله عليك

تقبل مروري وتقديري يا الغالي

صح السانك واعتلا شانك
على هذه القصيدة الجميله

الاخ حسين بن مرزوق تحياتي لك الله يرفع قدرك انت وجميع الاخوة اما بالنسبة لما ذكرته في البيت فاقصد بها حارة السحمان وشارع االسحيمي واوعدكم ان شاء ساكتب عنهم في الموقع




جميع الاخوة الاعضاء اشكركم على ترحيبكم بي
اما الاخ ياسر عواض بن غازي فشاعر القصيدة هو فرج بن هادي الفريدسي الرشيدي ونعم به والفرادسه وكل بني رشيد فهم جيرانا ونعرفهم والله ونعم فيهم اما ابيات القصيدة التي اعرفها كالاتي


ياطـيـر يالـلـي بالخضـيـرا تحـومـي ***أر اللحـم بعظيـم كـان أنــت باغـيـه
دوك السحيمي شوف عظمه لهومي**** يشكي الظمأ ياطير والجـوع طاويـه
ركــز عليـنـا الـنـار بـيـن الحـزومـي ***وأخـــذ ركايـبـنـا قــلايــع لأهـالـيــه
كـم واحــدا مـنـا وقــع مــا يقـومـي**** واللـي نجـا مـا ظـن الأقـدار تنجـيـه

الاخ ناهض مثيب السلام عليكم والرحمة الله وبركاته اطلعت على أنضمامك لهذا الملتقى المبارك ويامرحبا فيك ياابو مثيب بملتقى ربعك والملتقى واعضائه يرحبون بكل سحيمي وانضمامك يسعدنا ونتطلع لمواضيعك المميزه الهادفه