قصيدة ( فخر واعتزاز )

بعد السلام لأبناء هذه القبيلة العريقة وعلى رأسها الشيخ / عبد الله بن مرزوق السحيمي ونائبه الشيخ / راشد بن فيحان السحيمي .
ولا أنسى أخي حسين بن مرزوق السحيمي القائم على هذا الملتقى المبارك أتشرف بالمشاركة بهذه القصيدة المتواضعة والتي أتمنى أن تنال على رضاكم واستحسانكم وأعتذر عن التقصير وتقبلوا فائق التحية والإحترام .
( القصيدة )

[poem=font=",7,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
سلام مني للربوع المناعير =اللي لهم بالمجد تاريخ يذكر
سلام يالسحمان يمشي طوابير=ويحب ليه خشم حرٍ بعد حر
سلامٍ أحلى من حليب المصاغير =وكنه عسل صافي ولا فيه سكر
واثني سلامي يالنشاما للامير =الشيخ عبد الله زبن كل مضطر
شيخٍ بفعله سير الطيب تسيير=ولو الحمول ثقال في يديه تصغر
ويا شيخنا لك عندنا كل تقدير=دايم لنا تتعب وتشقى وتسهر
وعيال راشد كلبوهم مشاهير=أحرار نسل أحرار فالطيب تشهر
وفي بيرقه راشد تحدا المخاطير=فيه الشجاعه كنها نار توتر
وبربعي السحمان هاجوسي مغير=ربعي وانا في صيتهم دايم أفخر
جتني بنات الفكر ورد ومصادير = اسم السحيمي يطنخ الراس لامر
أبنظم الابيات فيهم بتفكير = ياهاجسي تكفى معي لا تقصر
والنعم والله يالوجيه المسافير = يااهل الجزاله صيتكم والله يسر
شجعان لاثار العسام ومساطير = عدوكم يفنى ومع الشر له شر
عدوكم يلقى السقم والمخاسير = لا قابل الفرَيس له نار تسعر
وتاريخكم يشهد لكم دون تغيير = وكلٍ يقول ونعم وبطيبكم قر
يا ربعنا سطرتم الطيب تسطير = والطيب فيكم خلقته ما تغير
ياهل الكرم واهل الدلال المباهير = فيكم كرم حاتم على الدوم يظهر
وأنتم هل الفزعه بليا تعابير = وأهل الحميا محتمين المكسر
منهو نخاكم يبشر بزين تدبير = يلقى الذي يبغاه ما يمكن يضر
يلقى الحميا تلتعب دون تاخير =ويلقى الشجاعة حوله تكر وتفر
تحميه بعد الله ويلقى التباشير = لاوالله الا بالوفاء دوم يبشر
أنتم سعد عين الخوي للخوي غير = ما يظلم أحدٍ والسحيمي محضر
وكل القبايل يعجز الفكر تعبير = عن فعلهم ما يمكن اليوم يحصر
والنعم فيهم وقبلوا لي تبرير = بَعدّ بعض المجد والقاف قصر
وصلاة ربي عد ما رفرف الطير = على نبيٍ بشر الناس وانذر[/poem]

 

صح السانك اخوي منصور على هذه
الابيات الرائع والجميله
أبيات تحمل احساساً ..يدل على شفافيه روحك
وذائقتك المبدعه في انتقاء ماتطرح
قصيدة رائعه راقت لي
سلمت يمناك على ماسطرت
بإنتظار جديدك بكل شوق
هذا وتقبل مروري
بعيد الهقاوي

 

صح لسانك ويستاهلووووووون عيال راشد أكثر

 

صح لسانك يابو حازم وعاش راسك على القصيده الجزله اللي والله مايقولها الا شاعر واثق بنفسه أولا ومحب لربعه
وذوي راشد لاشئ بدون ربعهم وأخوانهم .. لا الأولين ولا التالين ....
هذا الملتقى المبارك يرتقي يوما بعد يوم ونتعرف على أخوتنا اللذين لم نعرفهم من قبل فلله كامل الشكر والثنـــــــــاء

 

الله يابو حازم اشهد بالله ان هاجسك مايوم قصر ,,
ولك مكانه خاصه بالقلب
يستاهلون عيال راشد خاصه وبني سحيم عامه ,,
ولن نتنازل عن انزال ديوان شاعر بحجم وشخص واخلاق
منصور هلال السحيمي ,, ولا يهونون الربع
تقبل مروري,,,,, لاعدمناك

 

عندما يذكر اسم منصوربن هلال تتجسد كل معاني سمو الاخلاق

نجمه في سماء القصيد من ابو حازم في شيوخ القبيله آل راشد الكرام

 

الله الله صح لسااانك وافيه وجزله من جزل ووافي ويستاهلون عيال راشد

 

صح لسانك وبيض الله وجهك أخي منصور على هالقصيده الجزله ويستاهلون عيال راشد مقاديم القبيله والله يكلل تكاتفنا بالنجاح والتوفيق لما فيه الخير والصلاح ،،، وتقبل مروري ،،، ودمت بخير وعافيه

 

صح السانك اخوي منصور على هذه
الابيات الرائع

 

صح السانك اخوي منصور على هذه
الابيات الرائع