بعض النساء تجلب على بيتك الخير

[read]بعض النساء تجلب على بيتك الخير=
والبعض منهن لـك تجيـب النكـاده =
والبعض منهن مثل وصف النواويـر=
ومع العقل والزيـن فيهـا الركـاده =
والبعض منهن يستر الحـال تستيـر=
لوهي تعيش العمـر صبـر وجـلاده =
والبعض منهن عقلها يـوزن النيـر=
ومعها على تـاج الرزانـه شهـاده =
وبعضهن احلى من حليـب المغاتيـر=
واحلى من الطايـف ونفحـة بـراده =
وفي مجتمعها تمشي ابحسن تدبيـر=
عقلٍٍ رزيـن وفـي حلاهـا زيـاده =
وبعضهن اينومسك عنـد المساييـر=
والبْـن فالدلـه اتظـبـط اقـنـاده =
وبعض اللسنتهن مثل وصف المناشير=
والبعض منهن طايـشٍٍ فـي عنـاده =
والبعض منهـن فكرهـا بالدنانيـر=
قشـرا وشوشتهـا سـواة العـراده =
والبعض منهـن مايكـب المشاويـر=
وفيها التغطرس والغبـاء والبـلاده =
وهذي هي اللي تستحـق البواكيـر=
حيث انهـا للسـوق فيهـا عبـاده =
والبعض منهن عايـشٍٍ دون تفكيـر=
وان شفتها منتـه ب ويـا السعـاده =
وان رحت عنها ولعت فوقك اسعيـر=
وشنت عليك الحرب حـرب الابـاده =
واللي ماصار اترهمه غصب ويصير=
ومن جورهـا لازم تـزور العيـاده =
والبعض منهن دايم اقدامهـا اتسيـر=
علـى امهـا والام راس القـيـاده =
وتنفـذ اللـي تسمعـه دون تاخيـر=
وترسم امخططها لفـرض السيـاده =
واليا حصل من بينكم شـيٍٍ اصغيـر=
تفيـد منهـو ماطلبـهـا الافــاده =
وتوافـي اهلهـا بكـل التقـاريـر=
ليـن الرجـل يعـاف شربـه وزاده =
واليا ظربهـا كـف مالـه معاذيـر=
راحت هو ياكل عشاء البيـت سـاده =
راحت طمـوح وبلشـوه العصافيـر=
ومن همهم حـارب منـام الوسـاده =
وان جاء يرجعهـا عيونـه مطاييـر=
قالوا قبـل ترجـع تجيـب القـلاده=
وسبحه من الأربش وأطقم أساويـر=
ومن جورهـن لا واعنـاه وهجـاده =
وان كان ماانسابك ارجـالٍٍ مناعيـر=
هيجـن وهوبـل ياحيـاة الـقـراده =
وارجو السموحه من جميع الغناديـر=
وهن الأصل منهـن للاقطـار سـاده =
ومصنـع رياجيـلٍٍ تقـود الطوابيـر=
والحـرب تقـدح للمعـادي ازنـاده =
والمعذره وان كان بالقـاف تقصيـر=
وماكل من يجهد نجح فـي اجتهـاده =
وللكلمه الجزلـه زبـون وجماهيـر=
وقول بـلا حكمـه مافيـه استفـاده =
والله يجعل لي مـن الذنـب تكفيـر=
يوم ان راع الـزرع يلقـا حصـاده =
ويرسل على الانذال زلـزال كشميـر=
حتى الفلل تصبـح سـواة الرمـاده =

لـ الشاعر / فلاح بن عريج[/read]

اخوي بعيد الهقاوي شكراً على اختيارك الرائع

صح لسانك يافلاح ابن عريج وماقلته صحيح نسئل الله الثبات لنسائنا ونساء المسلمين وسلمت ياناقلها

الجزل مايكتب ولا ينقل إلا الجزل بعيييييييد الهقاوي بكل اختصار انت اسم على مسمى

فلاح بن عريج وكل الجزاله مرتبطه بهذا الاسم .. صح لساااانه مدد بلا عدد


وصحت روحك وتسلم يديك على هالنقل الاكثر من رائع يابعيد الهقاوي

الف شكر لكم اخواني الجميع على مروركم
الذي زاد القصيده نورنآ وجمالآ
والله لايحرمني طلتكم الرائعه