والقــزوز تقول له لعـنبو من صدروك

راكب اللي دقته كنــها دق الذهب
،،،، فــوق طبطابة رخام أحسن قصور الملوك

كنه الذيب يحبي لاقـبل ولاقفا حدب
،،،، والرفـارف حافة شـماغ بســام محبوك

مايـلوق الا لذات المـواكب والجنب
،،،، يفهق الفكسـار والبـهبهاني والبيوك

تقـل لاناظرت وجهه تناظر بالسكب
،،،، وان سرا عقب العشاء تقل في رحلة مكوك

الســريع بنوره يروح مرجان وشعب
،،،، والمـسارات إلثلاثة على دق السلوك

للقزوز يقول تبــت يدين ابولهب
،،،، والقــزوز تقول له لعـنبو من صدروك

كمبيوتر شاشــتة مثل كاس المنتخب
،،،، ومـشراته وقفن من عقـب ماهن بروك

حجم ست اميه يسابق سريعات الندب
،،،، لونـه يذكرك في قطعة اللـيل الحلوك

وارد الجفال مركب سلاطين العرب
،،،، عندي اغلى من رصيد الفتيحي بالبنوك

من طرازات الشبح حي ابو ذاك الشنب
،،،، ماتمـده لا لخوك من ابوك ولا لبوك

من شمالي القصيم يـتنهض بالطلب
،،،، ليـن عنه اجبال اجا تنفلق مثل الحنوك

الشاعر عيد سمير الحربي

يعطيك العافيه على القصيده الرائعه
صح لسان شاعرها وتسلم يد ناقلها

يابعيد الهقاوي يا نكهة الملتقى انت وجميع من اسمه في هذا الملتقى له غلى غير غير والرفاقه كلهم عندنا غالين صح لسان بادعها وسلمت ياناقلها

الف شكر لكم اخواني الجميع على مروركم
الذي انار متصفحي هذا