بعض الامور

واهني اللي ليا جاته الغلطه صبور
من رفيق(ن) مخلص (ن) له ويدرى خلته .
. ودي اجامل واغمض على بعض الامور
مير بعض الناس خيب رجاي بزلته .
. ليتني يوم اتذكر حصل مني قصور
الخطاء يا مشينه ما تداوى علته .
. والله اني منكر (ن) من كلامه لي شهور
وان بغيت اعاتبه قلت ذي اجبلته .
. كان بالدنيا جفى ماصلحنا في القبور
لو دمع العين لامات ميت هلته .
. وكل طيب لو زعل منك مده مايبور
مثل سيف (ن) لابغيته رجعت لسلته .



الشاعر شديد الرياحي

صح لسان شاعرها وسلمت يمين ناقلها

الف شكر لك اخوي الغالي فهد على الحضور الرائع لموضوعي هذا

الله يبيض وجهك على النقل الطيب .. قصيدة تعبر عن مابداخلها

تسلم اخوي ابو تركي
والف شكر لك على المرور الرائع