الله قـــــــوي وابن آدم اضـــــعف من الذره

لا ياوجـــــــــودي وجـــــــد من دور الحيلات
صـــــقــــــــــات بقعاء حـــــول دنياه مفتره
على تسعــــــه وتسعين من دفعة الشاصات
توه جديد الصنـــــــع من منطقه حـــــــــره
اول مـــــوديل الفيــــــن هو اخــــر التسعات
من الباخره مــــــــــــر الجمارك على بــــــره
ريح الغمـــاره من حفيـــــــــــزه وديكورات
يبـــري نفـــــــوس من عنى الوقــت منظره
شغله مــع التمــــــرين كله سبــــع ساعات
لو مرنـــــه يوميــــن وافتك من شـــــــــره
شـــــده بتنــــكر مــــي حمله عشر خانات
من ضيم حمــــــل التانــــــــكي بالدبل جره
عقب طـــــويل الجـــــــــوف متنطح طلعات
اللي يعرف الوصف قبــــله عن الحــــــــرة
حط المروت يسار وبدايــــة العســــــــــرات
شمس الظــــــــــــهر بالجامته كنها غره
قام يتحـــــــــــدر ويتسند مـــع الصقطات
وحرارته خمسين مايقال محتــــــــــــره
تسمع قنيب المروحه غير ماش اصوات
ولطش الهوى لتروسقيره لياجــــــــــره
حضـــــــر عليه ابليس يذكـــر زمان ٍ فات
يقول غير السقــــــس مافيــه بالمــــــــره
لو قال ماشـــــاء الله واكثـــــــر من الايات
الله قـــــوي وابن آدم اضــــــعف من الذره
فوق ميتين درام حتــــــــــــى مع الميلات
يمشي بهــــن مرتاح والحمـــــــــل ماظره
فاآخر طلوع موصـــــــــف له من الصعبات
مـــــــدري وش اللي صار كنه سمــــع كره
نزل انبــــيـــــــــــر الزيت وارتجت المكرات
حدى السبايك قرشعت بآ خـــــــــــــر الصره
طفــــــــــــى بواحـــــــد وآلعات بـــه اللمبات
دقه سويــــــش ويفــــوت السلف مافـــــــره
قلبه كــــــــــــواه البين ويجاحــــــده بسكات
يحاول انـــــــه يشتـــــــــــــغل بس هالمره
حول وشاف الزيت ينــــــقط على السستات
شاف البــــــلا والهــــــم والعيشه المــــره
بثلاث مئــــــــــة الف مدفــــــوعتٍ شيكات
من غيـــــــر عشــــــرين الف بالتانكي كره
مزر فلـــــــــــوسن وسط جيبه مع الاثبات
عقله يـــــجي ويروح لا شك ماســـــــــره
جاب الحطب وسط الغماره على الفرشات
اخر تصــــــــرف وسطــــــــه النار موتره

منقول

وتحياتي
بعيد الهقاوي

بيض الله وجهك اخوي بعيد الهقاوي على الاختيار الجميل ولله درك ياذيبان

الف شكر لك اخوي محمد
على المرور الرائع الذي انار متصفحي هذا

اختيار موفق يابوفهد لكن منهي له القصيده !!
دمت أخا وتقبل مروري وكامل احترامي

الف شكر لك اخوي ابو ريان
على مرورك الرائع والجميل
اما بالنسبه لصاحب القصيده والله ماادري عنه لانها وصلتني عن طريق الإيميل

بيض الله وجهك اخوي بعيد الهقاوي

بيض الله وجهك يابعيد الهقاوي .. قصيدة جزلة وتوجدها عظيم على واحد طفران ويالله حصل الموتر واقساط بعد ..

اسعدني مروركم ع موضوعي
لا خلا ولا عدم

السلام عليكم يابعيد الهقاوي ..

حضورك ونقلك دايمآ مميز فهنيئاً لهذا الملتقى فيك يآ ابو فهد ومالومك فأنت ابناخي باحث القبيله حفظه الله ..

الف شكر لك اخوي ابو عواد على مرورك الرائع والجميل