الشاعر:صياف بن عواد السحيمي الحربي

بسم الله الرحمن الرحيم

صياف بن عواد السحيمي الحربي هو اسم غني عن التعريف، فهو نجم لامع في سماء شعر الرد، وعلم بارز على الساحة الشعبية، عرفته "حلبات المحاورة" منذ أكثر من أربعين عاماً حتى أصبح قمة من قممها، وفحل من فحولها القلائل، لا يعجزه طاروق ولا يغلبه معنى، حاضر الذهن، متقد الذكاء، وضعه كثير من متابعي فن المحاورة على رأس قائمة شعرائها بدون تردد.

نسبه
ـــــــــــــــ
هو صياف بن عواد بن شميلان الحربي، من فرع آل محيمد من السحمان أحد فروع قبيلة عوف المشهورة من مسروح من حرب
له عدد من الأبناء أكبرهم (مفلح) وهو ما كان يكنى به، من أبناءه الشاعر فلاح وقد سار على نهج أبيه في الشعر.


نشأته
ــــــــــــــ
ولد في وادي النقيع الذي يحتضنه جبل "ادقس" التاريخي المسمى بـ"جبل عوف الأخضر" بمنطقة وادي الفرع الواقعة إلى الجنوب من المدينة المنورة الموافق1 رجب 1362. عاش الشاعر صياف في كنف والده ورعايته الخاصة، حيث توفيت والدته وهو طفل صغير. وقد كان أبوه صاحب إبل وأغنام يتنقل بها في مراتع البادية ثم يعود أحياناً لمزرعته التي تقع في وادي النقيع ليحصد محاصيلها ويبيعها في أسواق المدينة، حيث كانت هذه المزرعة تسقى بطريقة "البعل" أي على مياه الأمطار. وقد كان صياف يرافق والده في هذه الرحلات. ويجلس معه في مجالس القرية، ويحضر معه محافل الشعراء وتسامرهم في المناسبات الاجتماعية، حيث كان والده يعشق الشعر ويحفظه، لكنه لا يقرضه. وقد أثرت تلك المسامرات ومخالطة الشعراء في نفس الطفل الصغير صياف فأخذ يصغي لها ويحفظ أبياتاً يرددها مع والده بعد نهاية الحفل، ويحاول تقليد شخصيات الشعراء والقائهم للقصايد، فكان يعجب السامعين ويطربهم، لكنه الاعجاب المغلف بالشفقة والعطف على هذا الطفل اليتيم. فيطلبون منه ترديد بعض القصايد ويشجعونه ويصفقون له.

شـعــره
ـــــــــــــــــــ
وقد بدأ تجربته الشعرية وبخاصة شعر المحاورة من سنة 1961 م (1382) هـ حيث كان يحضر الحفلات التي تقام في المدينة المنورة، وفي 1/4/1384هـ الموافق 9 أغسطس1964 التحق في خدمة بلاده في قطاع الحرس الوطني بالرياض، وقد أتيحت له الفرصة للاختلاط بشعراء المحاورة أمثال المعنى البقمي الذي كان مشهوراً في المنطقة وغيره من الشعراء، وبعد ذلك انتقل إلى منطقة نجران، وهناك تعرّف على بعض الشعراء مثل الشاعر فيصل العتيبـي. وإلى جانب ذلك تعرف على شعراء المنطقة الجنوبية ليضيف لثقافته الشعرية ألواناً من الفنون الجنوبية الصعبة التي أفادته كثيراً، بعد ذلك انتقل إلى مدينة جدة في عام 1389هـ الموافق 1969، واستقر بها ليحل شاعراً جديداً على حلبات المحاورة في منطقة الحجاز التي تعد مهد هذا الفن وتعج مدنها وقراها بمقارعات الشعراء ومنتدياتهم أمثال: عبد الله المسعودي، ومحمد الجبرتي، ومحمد بن تويم، ومطلق الثبيتـي رحمهم الله، ومعيض العجي ومستور العصيمي وغيرهم، وقد لمع نجمه بينهم ليحتل مكانته الكبيرة بشهادتهم فيشار إليه بالبنان. لكنه عرف على مستوى المملكة والخليج منذ عام 1397هـ الموافق 1977 بعد اشتراكه في حفل التراث الذي أقامته جامعة الرياض "الملك سعود حالياً" مع مجموعة من شعراء المحاورة، منهم أحمد الناصر وخلف بن هذال العتيبي ومستور العصيمي مطلق الثبيتي وعبدالله المسعودي وجار الله السواط ومحمد بن تويم ومحمد الجبرتي وقد برز صياف الحربي تلك الليلة بروزاً مشهوداً عـَرّفه بالجمهور بشكل جيد ومال الشعراء الكبار للعب معه. يقول صياف عن نفسه: (أحسست بالشعر قبل أن أتلفظ به حينما كنت صغيراً، فتقليد الشعراء وحفظ أشعارهم مهـَّد لدي طريق صنع البيت، أما المعنى فكان صعب المنال في البداية، وقد كنت أمارس هذه الهواية بين أقراني في المساء عندما نتسامر). بدأ صياف اثبات ذاته الشعرية حينما امتحنه شاعـر كبير من اقربائه يدعى "مهـَيـْل بن سهو السحيمي" كان من أشهر شعراء القبيلة آنذاك، سمع بخبر شاعرية صياف فأراد تأكيدها فوّجه إليه بيتاً على طرق المحاورة في مجلس والد صياف الذي لم يعرف أن ولده يقول الشعر، وقد كان الحاضرون من كبار السن من جماعته، لكن صيافاً قد أحس بالحرج خصوصاً وهو صغير بين كبار ينتظرون منه رداً بحجم عقلية وخبرة شاعرهم "مهـَيـْل". يقول صياف: (سكت خجلاً لكن الرد قد حضر مبكراً وقد انتظرت الفرصة وعندما خفـَت ضوء النار في المجلس الذي كان هو مصدر الإضاءة حينذاك فقلت للشاعر: اسمع الرد. وبعدما انتهيت نظر لوالدي باعجاب وقال إن ابنك صياف سوف يكون شاعراً مقتدراً). تفجرت موهبته شعراً قوياً في بدايته فكان سريع الرد قوياً في معانيه وعباراته وقد بارز سبعة شعراء في وقت واحد ورد عليهم وباقتدار مما لفت انظار جمهوره فأخذ يتابعه.

أبرز مواقفه
ـــــــــــــــــــــــــــ
يقول صياف: (في بدايتي الشعرية كنت في أحد الملاعب ألعب مع شاعرين في وقت واحد، ولما سمع الجبرتي بذلك قال: اتركوا لي هذا الشاعر، وكان يسرع في الرد ويركض بين الصفوف كركض الحصان، وعندما يكمل البيتين أرد عليه ببيتيـن في وقت واحد وعندما انتصف القاف "المحاورة" كان ينتظر أن تقل سرعة الرد عندي وهو يستمر على سرعته، لكنه وجد العكس، فقال للشعراء الذين كانوا يلعبون معي: العبوا معه هذا مجنون!!، وحينها شعرت أن معنوياتي قد ارتفعت لأن هذا القول جاء من شاعر ذي مكانة، فقد كان أقوى شعراء المنطقة في ذلك الوقت). وفي موقف آخر يقول صياف: (حضرت حفلة كبيرة في منطقة الطائف يحييها عدد من الشعراء المعروفين آنذاك، مثل عبد الله المسعودي والشاعر أبو ناب الزبيدي الحربي وجار الله السواط وغيرهم، ولم أكن معروفاً لدى حضور هذه الحفلة من شعراء وجماهير، وقد قامت محاورة بين عبد الله المسعودي وأبو ناب الحربي، وقد رأيت المسعودي قد تفوق على الشاعر الحربي فانتخيت له وطلبت الرد على المسعودي، فأعطاني الدور ورديت، فنظر إليّ الشاعر عبد الله المسعودي مستنكراً أياي وقال مغيراً الطاروق:

طبّه طبيبه أَلاَ يا ما أكبر الطبّه *** فك النّشب يا عريفٍ تعرفه فكّه
فرديت بسرعة:
شبّه شبيبه ألاَ ياما أحسن الشبّـه *** حكّه في رَجْلٍ عضب ما يحمل الحكّه
فأعجب المسعودي بسرعة الرد مني وصياغته، ومن ثم طلب اللعب معي وقد برزت نداً قوياً له) .

مميزاته
ــــــــــــــــــــــــ
صياف الحربي
امتاز شعر صياف بسلاسة العبارة المقترنة بقوة المعنى، ومشهود له بحسن الرد، فلم يضعف رده أبداً منذ بدايته حتى هذا اليوم، ولا يتأثر بشخصية خصمه بل عرف عنه أنه يقوى إذا وقف أمامه شاعر كبير وقد حاور صياف العديد من الشعراء مثل حبيب العازمي ومطلق الثبيتي وفيصل الرياحي . تعليمه وثقافته: بعد التحاقه بالحرس الوطني واصل صياف دراسته، حيث كان يتمنى الجمع بين الشعر والتعليم حتى وصل المرحلة المتوسطة، لكنه انقطع عن الدراسة بسبب ظروف عمله وولعه بالشعر وانشغاله بمتابعة أمسياته، لكنه استفاد بمتابعة الشعر والشعراء وحبه الاطلاع على ما يقع بين يديه من كتب مما انعكس على شخصيته فعرف عنه قوة الألفاظ ورصانة العبارة، كلماته منتقاة وهو ذكي لماح وصاحب خاطر جريء، ولا يتميز صياف الحربي بموهبته الشعرية فقط، لكنه يتميز بدماثة أخلاقه وهدوئه الملحوظ أثناء المحاورة، فلا ينفعل بسرعة ولا يميل إلى المهاترات، فأصالة الأدب تكمن في روحه ولا يحب اللغو في القول. وهذه الصفات والمزايا لا تتوفر إلاّ في الشاعر الذي يثق في موهبته ويحترم نفسه ويحترم الآخرين مما جعله يحظى بعلاقات طيبة مع زملائه الشعراء ومزيد من الاعجاب والتقدير من الجميع.


نماذج من شعره
ــــــــــــــــــــــــــــ

هذه المحاورة بين محمد الجبرتي وصياف الحربي جرت في السبعينات الميلادية من القرن السابق

محمد الجبرتي
قوم يا صياف قود العلْم باحسان وبصيره *** كان ما تقدر تقود العلم لله الكمالي
ياعسى فالامر خير وياعسى فالامر خيره *** لانت اخوي ولانت أبوي ولانته الضلع الموالي


صياف الحربي
كيف تزهمني وانا رجّال ما عرْف السريره *** يوم جيتوا سته وخمسين حاربكم لحالي
انت عودٍ كل ماجا الصبح ماسك لك مضيره *** لين خربت السنون اللي مثل ضو الهلالي

الجبرتي
لا تكبرها وتصبح ناقه الطرقي صغيره *** لا تسوي علْم ماجبته وتنقدك الرجالي
انت خابرني واناخابرك ورجال العشيره *** لواداوي كلوه المرضان ينقضها الطحالي

صياف الحربي
تعرف اشروط الصغيره واعرف شروط الكبيره *** وانته الليله يبا يغشاك سيل بلا خيالي
هبّت الحايه عليكم وانقفل باب الحظيره *** من هو اللي يقدر النقزه ورجلينه طوالي

الجبرتي
كان سيلك ماوراه اخيال ياسيرتك سيره *** الندى ماينبت المرعى ولا يشبع حلالي
العرب تعرف طيور البرّ واطيور الجزيره *** وانت لاعنتر ولانته مثل أبو زيد الهلالي

صياف الحربي
انت ماتحمل خيال ولاتكلفنا ذخيره *** انت من هاك الشيابه لارخيص ولانت غالي
لن تقابلنا ورا مكة فالايام القصيره *** الك برادٍ حلا برّا ولك براد حالي
ــــــــــــــــــــــــــ
صياف الحربي
يامرحبا ترحيبةٍ عندها ناشد ومنشود****واللي يدّور للغلا لا يبات الا بسوقه
مادام بن عوّاد موجود ضلع طويق ممدود**** يوجعك لو يطيح فوقك ولو تطيح فوقه
((و اشتهر هذا البيت حتى اطلقت عليه الجماهير لقب ضلع طويق))


ابن جرشان
يا الحربي يا المقرود زعلت لك تسعين مقرود **** وغليص لو قاد الجمل يجبرك بكرة تسوقه
والمشكلة لو هي بسيطة عرفت النقص والزود **** لو كان نيبان الجمل ماتغطيها شدوقه

صياف الحربي
إن كنت رجال محنّك تروح الصبح وتعود ***** تعرف طعام يجرح الحلق قبل أنك تذوقه
المشكلة ماهي كبيرة لكن السيف محدود **** والثوب لو يبعد عن النار ما تكثر شقوقه

ابن جرشان
يا صاحبي ما احسبت دخلك مع الدخل محدود **** واثرك كما عود الثمامة قصيرات عروقه
لا يطرحك في النار والتهلكة حامد ومحمود **** وتضيع تالي الليل في زهقت النفس الزهوقة

صياف الحربي
انا عطيتك شربة الماء لكن العد مورود **** كلن يوقف في طريقي ويطلبني حقوقه
انت زعلت وقمت ترسل علي جيش وجنود **** لكن كل التمر روّح ما تبقى إلا عذوقه

ابن جرشان
يا صاحبي صياف ما نته لها كالدرب محدود **** ما حدٍ جبرك تسير مع خط بيده ومعشوقه
مير التباهي والتفاخر يسبب كسرت العود ***** وانت ليا بقت العهد صاحبك لازم يبوقه

صياف الحربي
اليا هرجنا بالامانة يسير الدرب مجرود **** واليا سرقنا حكمنا يقطع اليمنى السروقه
إن كان عندك سالفة شوف حمل شعيل مشدود **** لكن لا يبرك بحمله ويرغي من فتوقه

ابن جرشان
عدل عضودك قبل لا تلتفت لعضود جلود **** جلود با المشعاب بو راس ماتوخذ حقوقه
واليا تعديت الحدود الصحيح يثور بارود **** ما ني بمكرم شاربك وانت لحيتك محلوقه

صياف الحربي
انته علامك مختلف والعلوم اسهود ومهود **** يا هيه لا تنثر زهابك ولا تقدر تحوقه
ثورت بندقك العزيزة بلا بارود وزنود **** الله لا يجزاك بالخير يا الرجل السبوقه

ابن جرشان
يا صاحبي بعض السوالف لها جهده ومجهود **** وتخلي الفلاح يسقي النخل يجني عذوقه
كم قلت يا صياف درب القشر والشين مسدود **** ما كنه قامت تشعفك صوبنا برقا وروقه

صياف الحربي
اصبر شويه ثم اولع على القرصان وتجود **** وانشق المجنون صبره ويصحى من نشوقه
لا بارك الله فالبعير الشرود اقليل الفود **** اللي لا منّي لحقته يزعلني لحـــوقه
ـــــــــــــــــــــــ

خلف بن هذال
يإسلامي على الشعب السعودي عد ما ناح ورق ولا ح بارق *** عد ما ناح ورق ولا ح بارق من هجوس لها بالشــــــعـر داره
هات ردك وخذ مني ردودي عن عيوني طلبتــــك لا تفــــارق *** عن عيوني طلـــبتك لا تفارق لين يـــذن علـى راس المنـاره

صياف الحربي
مرحبا بالصقور وبالفهودي عد ما شعشعت شمس المشارق *** عد ما شعشعت شمس المشارق وأركِب الحر ويعرف الإشارة
لا سمعنا لزاليز الرعودي يسفنا أبيض ويقعــــطع كف سـارق *** سيفنا أبيض ويقطع كف ســـارق كل ما قام عج وجات غــاره

خلف بن هذال
جب شهودك وانا احضر شهودي يا غريق البحر من وين غارق *** يا غريق البحر من وين غارق طحت من جسر وإلا من عمارة
لا تقرب حدودك من حدودي ثـم احـط الدويمـع والمطـــارق *** ثم احط الدويمع والمطارق بين خدك وعينك يـا اخـو سـارة

صياف الحربي
شبت النار والوقت امحدودي يا خلف لا تـدرق بالمـدارق *** ياخلف لا تــــــدرق بالمدارق لو تمشـي بهـا سـواق طـارة
جعل صحبة عتيبة ما تعودي يلمسون الجمر والجمر حارق *** لا تنوش الجــــمر والجمر حارق وأنت ما معك نمرة واستمارة

خلف بن هذال
كان راع الفتايل والزنودي شب نـار مثـل نـار المحــــارق ***شب نارٍ مثل نار المحارق اشـرب المـاء ورده بالغضـارة
انت ما شفت وش سوى اليهودي بالشوارع ومن بين المفارق ***بالشوارع ومن بين المفارق والشياطيـن ترجـم بالحجـارة

صياف الحربي
آخر الليل يصحون الرقودي ثم يزرق تحت البحـــــــر زارق ***ثم يزرق تحـــــت البحر زارق يـا كبيـرٍ تعلمـت الكبـارة
اركب الحر واشتال الشنودي واترك السفن تقعد عند طارق ***واترك السفن تقعد عند طارق قايد ونمر مع ذيك النمـارة

خلف بن هذال
أنت جندي واعدك من جنودي والعتيبي معه سبعـة بيـارق ***والعتيبي معه سبعة بيارق وأستلم ساعتيـن مـن الخفـارة
حرب ربعي وعضدٍ من عضودي وأثر شوفك بلا دربيل خارق ***أثر شوفك بلا دربيل خارق قامت الحـرب والفتنـة شـرارة

صياف الحربي
بكره اشويك لين انك تجودي وأشرق الأذن وأسميك شارق *** اشرق الاذن وأسميك شارق ثم تطلع وانا اركب بالغمـارة
مالكم عند ابن هذال زودي يا عتــيبة جويديـن المعـارق * يا عتيبة جويدين المعارق دوروا له وظيفة شيـخ حارة

ــــــــــــــــــــــــــــــ
صياف الحربي
رحبوا رحبوا بضيوفكم يا هذيل *** البيوت الكرام تفكّ بيبانها
لا تقوم القيامة قبل وقت الرحيل *** ليلة نصوم ونصلي على شانها

محمد الجبرتي
نعرف اليوم يوم ونعرف الليل ليل *** ما تقوم البيوت إلا بعمدانها
والله انك عميلي ماش غيرك عميل *** راح حصنيها ويجيك سرحانها
ــــــــــــــــــــــــــــ
منيف منقرة البلوي
حسبي الله على العطار والعنزروت *** يطـــــبخ العنــــزروت بدلة الشاذليه

صياف الحربي
حسبي الله على اللي علم العنكبوت *** لين راحت تعـــــــــرف تركب البندقيه

ـــــــــــــــــــ

جارالله السواط
أناســواة الكبـــتن الطـــــيار *** ون طرت أجيـــــب ألك الاماريه

صياف الحربي
ما انته مقـــــــصر والعلوم كثار *** طيار مـــــير الأرض مخـــــــفيه

ـــــــــــــــــــــــ
مطلق الثبيتي
الحريبي لو لقاله واحد(ن) يقطع لسانـه *** ماتغزل في بنات الهند سمحات الخدودي

صياف الحربي
ياعتيبه قولوا لمطـــلق يمرح في مكانه *** مايدافع عن بنات الهــــــند ياغير الهنودي

ــــــــــــــــــــــــــــ
عوض الله أبو مشعاب
السحيمي عود شايب تعدى الأربعين *** وإن غلط مسموح ,,,, والنار من شبابها

صياف الحربي
انت توك ما طلع فيك ضرس العقل زين *** لارسلوك تروح ,,,, والنار من شبابها

ـــــــــــــــــــــــــــــــ

حبيب العازمي
فيك خيـر وشـر لكـن فالوقـت الاخيـر *** وش يخلي حرب تسـرق عشـاء جيرانهـا

صياف الحربي
اصبر شويه لاتعجل مـع الوقـت القصيـر *** الضعيفـه ماسرقنـا عـشـاء ورعانـهـا

ـــــــــــــــــــــــــــــــ
سلطان الهاجري
ياصاحـبِ تنطـح الفزعـه بصـدرِ وسيـع *** احـذر علـى الرجـل لاتحفـي عراقيبـهـا

صياف الحربي
حنا نصارع سبـاع الليـل فـي كـل ريـع *** وانته مـع ام الوليـد ويـدك فـي جيبهـا..!

ـــــــــــــــــــــــــــــــ
مطلق الثبيتي
اسهيل والسبع نجوم فوق راسـك مرقبـات *** واهل الزنودام الضرم تقدح عليـك زنودهـا

صياف الحربي
ترى القمر ضوه غطاضوالنجـوم الطالعـات *** وانته وراك اتـورد الدعـوه بغيراشهودهـا

ـــــــــــــــــــــــــــــــ

مطلق الثبيتي
ولاياحرب ياللي كل ليله تقنصـون الحـوت *** لقيتـو حوتـه ماكـل قـنـاص يحرفـهـا

صياف الحربي
قنصنا في الليال المستطيره وانت مالك صوت *** وصرفنا جمـوع التـرك وانتـه ماتصرفهـا..!


مطلق الثبيتي
صلاتك ياوسيع المعرفـه دايـم وتروقنـوت *** تطوفك الحضـارم وانـت ماتقـدر تطوفهـا

صياف الحربي
اناصليت لله وانـت تركعهـا تـدور قـوت *** ومن ذكى ذلولـه فـي البلـد ياخذكنادفهـا


الإعتزال
ـــــــــــــــــــ
وقد تقاعد صياف من عمله بعد بلوغه السن النظامي في عام 1416هـ وأستمر في مشواره الشعري رغم الأمراض التي داهمته وكان يلعب من عام 1423هـ إلى حوالي عام 1426هـ وبعدها إشتد عليه المرض ولم يستطع المواصله


وفاته
ـــــــــــــــــــ
توفي بعد معاناته مع المرض في المدينة المنورة في 6 ربيع الأول من عام 1428 الموافق 24 مارس 2007

نسأل الله ان يسكنه فسيح جناته وسائر اموات المسلمين

هذي محاورة نادرة لشاعر الخليج ومطلق الثبيتي رحمهم الله
في التسعينات الهجرية....





وسامحووونا على التأخير

بسم الله الرحمن الرحيم

هذي محاورة بين صياف وابن شايق في الجنوب عند قحطان
اول شي لعب ابن شايق على موال وشيلة بقافين ورد صياف رحمه الله
ومانتبه للقافيتين وكانو يقولون كمل وعلى طول رد ابن عواد قبل يكمل بيته
وكان يقول لأبن شايق غير ورفض ان يغير ويقول انت غير قاله ابن عواد انا لو غيرت
بيقولون هذا يتعسره(يحشره)ولكن رفض ..وقام ابن عواد الله يرحمه وقال البيتين ذي
وحاول ابن شايق بعد ماسحب صياف بين الصفوف ولكن ماعرف لها.. وقال صياف والله اني ربطه تربيط لكن بكرة يسمعها
بالشريط..الكلام كله واضح بالمقطع.. فيديو الحفلة محذووف من اليوتيوب

صياف واحمد الناصر


أحمد:
-
مرحبا عداد ما تسري نجوم السما فالليل =ردة وافيه نبدي بها عند واجبها

بس انا والطواري والهواجيس حط وشيل =عام اصدق هواجيسي وعامين اكذبها
-
صياف:
-
البقا بالعميل اللي يمد الحن بالحيل =من رجال زمان العام تفتل شواربها

احمد الناصر اللي عام الاول يسج الخيل =السنه ذي يربط راسها قبل يركبها
-
احمد:
-
عامنااللي مضى هاذي مواقف جمال عقيل=ماقف الفارس اللي سبق الخيل يتعبها

غاب عيبه طويله والله اقوى قوي الحيل=وكل نفس بعملها ربها اللي يحاسبها
-
صياف:
-
شفت سيل حدر واد الرمه مثل نهر النيل =والجمال اغرقت ما سلمت الا غواريها

وانت لو شفت نجم الجدي قدام نجم سهيل =يمكن انك تحصل لك ارجال تصاحبها
-
احمد:
-
باقي الجدي والمرزم عسى ما يجيهم ميل =وجعل سود الليالي ما تجيهم مصايبها

اخذ فنجال اشقر خالطه زعفران وهيل =يقعد الراس والافكار عندك يقربها
-
صياف:
-
فتح العين لين تشوفنا وارفع الدربيل =وامسح الخط كله والملفات جنبها

ما عرفنا المقاضي لين فكيتوا الزنبيل =يا عيال الحلال اللي قرينا مكاتبها
-
احمد:
-
جعلها ما تجي بديارنا قصة اهل الفيل =وساعة الطرقي العجلان تاقف عقاربها

من ينقص لك الميزان ينقص عليك الكيل =وما احد يعرف العربان حتى يجربها

صياف ومحمد بن جرشانـ


مـحـمــد ابـــــن جــرشـــان
-
سلامي ردة "ن" عدلة بدايتها سـرور وخيـر=على روس الرجال اللي عريبـات مناسبهـا
انا الليلة باشب النار وارمي فاللهيب عميـر=مادام شداد ريمة من يدينـا فـوق غاربهـا
-
صــــيــــاف الــحـــربـــي
-
الا يامرحبـا ترحيبـة تحـزم بظهـر بعيـر=وتنزل فالبلد واهل البلـد تعـرف مناصبهـا
تجر السانية والسانية طاحت بوسـط البيـر=وحنـا تحـت جـم البيـر مانقـدر نسيبهـا
-
مـحـمــد ابـــــن جــرشـــان
-
انا شايفك راسك فالسما من يوم جيت عصير=لكن اعرف من انتة قبل تنشب في مناشبهـا
الوم اللي ليا شافك يطلـع مكـرة التصويـر=واثرة اللي يعرف الناس حاضرهـا وغايبهـا
-
صــــيــــاف الــحـــربـــي
-
انا راسي طويل وروس خلق اللة لها تدبيـر=والا ياكـم لحيـة نابتـة قصيـت شاربهـا
على راسك عقال وطاح يوم انك نفخت الكير=ولا تنفعـك بندقـك القديـم اللـي تزهبهـا
-
مـحـمــد ابـــــن جــرشـــان
-
اعس الكيس احسبة بر واثر الكيس فية شعير=وايدينك ماتقص الا العلـوم اللـي تربربهـا
عقالي ما يطيح اكبر عليكم من جبـال النيـر=ياراع الوزرة اللي من زمـان العـام قالبهـا
-
صــــيــــاف الــحـــربـــي
-
شهد لك واحد ضاري على التضليل والتزوير=نطحت القوم وانت صغير ماتقـدر تحاربهـا
على راسك سمعت الصوت بالتهليل والتكبير=ياراع المشلح اللي جبتهـا والمـا مخربهـا
-
مـحـمــد ابـــــن جــرشـــان
-
مدحك العام مطلق وانتفخ راسك من التكبيـر=وحنا نعرفك حـي تعـاف البيـت واحلبهـا
تسعر لك علوم مالهـا فـي سوقنـا تسعيـر=لكن ارجع على اللي في العطل تبني تجاربهـا
-
صــــيــــاف الــحـــربـــي
-
لو انك حر عقلك معتـدل حررتهـا تحريـر=لكنـك للعجينـة بالسنـون اللـي تركبـهـا
والا ياطير ياللي في سمانا ماتعـرف اتطيـر=لكنـك روح دور للجحـور اللـي تخشبهـا
-
مـحـمــد ابـــــن جــرشـــان
-
انا لاجيت اقمر خبزتـك فـي نارنـا تقميـر=لقيت مقمـع يابـو سـدادة ماتصيـب ابهـا
لكن اليا ركزت خشيمك الازعر دهنا السيـر=ما اشح بحاجة مثلك ليا سيمـت يشـح بهـا
-
صــــيــــاف الــحـــربـــي
-
زمان العام في سوق تربة سمرتكـم تسميـر=يشيبـون الاوادم والبقـوم انـا مشيبـهـا
تمسك بالطريـق الزيـن لا لفـة ولاتدويـر=بسلـم النـاس صاحبنـا ونفسـك لاتعذبهـا
-
مـحـمــد ابـــــن جــرشـــان
-
زمان العام في سوق تربة شال الحمول العير=ياراع الساعة اللي كسر الصاغـي عقاربهـا
يابو حوتة تخمرها لورعـك لارقـد تخميـر=الك نية والك حجة على غيـري تحـج بهـا -

مطلق الثبيتي :
كل جرح نبا نلقى علاجه وطبه=وإن غدا طبها جبنا السيوف الحدادي


صياف الحربي :
شعشع النور والمسلم يصلي لربه=وأنت فتح سموعك ليا سمعت المنادي


مطلق الثبيتي :
نمدح اللي يمد الوافية ما نسبه=ننقله من ردوف اشعيل فوق الشدادي
مار صياف لا ينثر مع الدرب حبه=بين شقر الحرار وبين شهب الحنادي


صياف الحربي :
يا ثبيتي ترى ثوب الشرف ينصبه=أبيض ما ناشه حمار وسوادي
جاك شاعر مع الشعار ما حد لعبه= ينتبه لليالي حر وألا برادي


مطلق الثبيتي :
خيل الغيث فوقك وأنت ضوك تشبه=سرع ما جاك سيل الخير مع كل وادي
الثبيتي يبا يرميك في جــــوف غبه=بين موج يموج وبين حـــــوت يصادي


صياف الحربي :
خيلت وأقبلت بالماء وعيت تصبه=وأطلعت شجرة خضراء وأكلها الجرادي
لا تحط الغشيــــــم بموتـــر ينقلبه=نحسبك سريت الليل وأصبحـــــت غادي


مطلق الثبيتي :
كيف تومي براسك والهبايب تهبه=تحسبنك كما أن امهيد وألا المهادي
راعي الخيمة اللي حطها في جهبه=جيت أبا مرها ليا الطريــق امتحادي


صياف الحربي :
والله أنك على طبع مضـى ما تكبه=مار وشر عينك من شــــــــراره زنادي
ماني اللي تعلق في الحبال ونشبه=أعرف الفارس اللي ينتصر في الطرادي

فلاح القرقاح و صياف الحربي ..!


فلاح القرقـاح :

سلامي سلام يتوق لـه كـل مطنـوخ
بيوت الشـرف والعـز يبنـى عمدهـا

ياصياف انا في البحر لا اغرق ولا ادوخ
اوقـف لبوهـا واتـحـدى ولـدهـا

صياف الحربي :

عسى الله يبارك فيك ياشيخ شمروخ
وتسلم هذا الايـام واللـي بعدهـا

تهجم عليّ ولحيتك تقـل صـاروخ
ولا عاد نعرف شرها من سعدهـا


فلاح القرقـاح :

ترى الي من الاخلاق والدين مصلوخ
ليا جا الصحيح يروح من عند يدهـا

اخبرك تبيع الهيل ما تجلب الخـوخ
ولا تنقبـل حجـه ضعيـفٍ سندهـا

صياف الحربي :

عسى طير شلوى عقب عصفور وفروخ
فقـد وحـده والثانيـة مـا فقـدهـا

ترى جالب الجوخ على راعي الجـوخ
يبـا يرمـي الجـوخ وتقعـد وحدهـا

فلاح القرقـاح :

كفيل الزمان يهدمه العش والكوخ
واظن الليالي البيض هذا وعدهـا

ياعود ابتلشتوا بين شبان وشيوخ
والاخرى تجيك اشد وامر وادهـا

صياف الحربي :

كثير العرب نفاخ والراس منفوخ
ولا قلت له عينك صغيره جحدها

نبا نفتح البيبان وابليس ملموخ
اظن السحابة ما يزلزل رعدهـا

فلاح القرقـاح :

بعدل وعدل والوعـد ليتـه فتـوخ
وعين صغيره جعل يكثـر رمدهـا

جب اللي تجيب العِلم مطبوع منسوخ
ما لاهل البلد فيـه تفـارق بلدهـا

صياف الحربي :

عطيناك يا بو زيد مندي ومطبوخ
وتبغى عصيده في القدر تعصدهـا

عيونك لها نظرات والعظم مشروخ
ولا سفيتها بالارض قمت تهبدهـا