قصيده بمناسبة حفل زفاف ابناء طلع مريزيق الغصيبي

قصيده بمناسبة حفل زفاف الشاب/يوسف طلع الغصيبي , والشاب / محمد طلع الغصيبي , والشاب / مروان طلع الغصيبي يوم الاثنين ليلة الثلاثاء الموافق : 27 / 5 / 1437 ه في قصر الموده ..

تحـرك هاجسي واهتاض قلبي وابنـي الألـــــحان
وأفكر فالبيوت اللي تشـــــوق القلب وأغنّي

اطلـعها وأنــــزلها واقـــــررها علـــى الـمــيزان
وأقدمها واوخـرها حســـب مايغلب الضنّي

وأطالع فالصــواب ونازن الحـــبه على الــنيشان
وأوصــلها على بـــحر الـروى يلين يردنّي

وأسرحها واضــويها صــحيح الصدق له بـرهان
واصـــبحها بخير وفالمـساء بالخير يمسنّي

هلا يامـــرحبا تــرحيب عند الشيخ ابو ســــلطان
طـــلع ابن مريزيق المـــــسمى جـده مهني

يحيـــي بالــضيوف وفي محله يكرم الــــضيفـان
يرحب بالقريب ومن حضر من بعد متعنّي

على ســمن وعسل مثل الذهب من غالي الاثمان
يقـدم للـــــضيوف وحاضر عيوني يشوفنّي

ومضير وتمر والدخن الخضر مجناه من بيضان
شـفا وأفضل غذاء للي يبون الــجسم يقونّي

يجيبه مـــن بعيد وعندهم قـــــريب بالـــــــــدكان
يقدم في صـحون ستيل والآت(ن) يحفظنّي

وعلى كيف وشبب والعود الازرق يدفع الــــدخان
وريح الكيف مع ريح الشبب والعود له بنّي

وربعه واقفين وتحــــسب الوقفه لهم عـــــــنوان
يحييو بالضيوف أهل الشرف والحق والقنّي

نبـــــــارك لابنهم يوسف واخوه محمد ومروان
عسى دايم بيـــــــوت العز لأهل العز يبننّي

وانا ليا الفخر وليا الشرف يوم الثـــلاث اخوان
ياماشاء الله ياذكـــــر الله قولوها منكم ومنّي

ويانعم البنيـــخي كلهم والنعــــــــــــــم بالـعمان
بـــدون قصور فالحضار خوف العلم يقفنّي

الا ياصقر ياللي في محلك تــــنهض الجـنـحان
ليا منـــــــــك بغيت تطير جنحانك يطيرنّي

ياشيخٍ في محل شــــــيوخ من الاول لـيا ذلوان
بعد جده وابــــوه وبعد عمـــــــانه بـلا منّي

وياقصرن عليه اســوار واســــــواره لها بيبان
ومن يقصد هله يبـــــغى لزومه مايصـكنّي

عسى ربي يحيي من حضر في حفلة الغصبان
تسمع فالبــــرامج والمـــــــواعظ يـوم يلقنّي

بدينا وابتدينا بـــــالآيات وكلمــــــــــة الرحمن
وصلينا على ذكــــر النبي من يـــــوم يتلنّي

وحضرونا المشايخ مع نجوم الشعر والأعيـــان
وجمـــــــاهير الثقافه والادب والهيل والبنّي

الا يامقدم الفــــقرات يالحربي رفــــيع الشان
مقدم شــــــــــكرنا لله ثم لطقمك الفنــــــــي

ونشكر للجمـيع ولا نخـص فلان والا فــــلان
جميع اللي حضر فالحفل والأخــبار يقرنّي

وترى كل القبايل فاللــــــوازم واللقى شجعان
ليا دقـــت طبول الحرب والآتـــــــه يـدننّي

عسى ربي يديم الامن حتى تنعم الاوطـــــان
ويكفينا شرور الحاســـــدين الانس والجني

اختمها بذكـــر الله عدد وبل الحيا الـــــــهتان
وطاف البيت والاقــــدام من حوله يطوفنّي

وصلاة الله على خير البشر معلم الــــــقران
عدد ماكبر الحـــــجاج والاقـــدام يســـعنّـي




الشاعر / حامد مرزوق مهني الغصيبي