جدي ذْياب السحيمي واقروا بكل انتباه

السلام عليكم ورحمة الله وبركاته

اسعد الله اوقاتكم بكل خير


بعد طول الغياب اتيت بنص متواضع اتمنى ان يشفع لي غيابي

واهديه الى هامة الرجوله والكرم والتواضع
جدي و والدي ومعلمي

معالي فضيلة الشيخ / ذياب بن سعد السحيمي


لاإله إلا انت سبحانك ولا غيرك إله
يالوحيد , المعطي , المانع , يارب العالمين

ياخبيرٍ ثبت ارضه بـ الفلك واعلا سماه
يالمقدم , يالمؤخر , يالبديع , ويالمتين

يابصيرٍ شايف النمله تحت صم الصفاه
يامفتح كل عين ويامقفل كل عين

ياسميعٍ مايخيب من شكاه ومن رجاه
ياعزيزٍ من ملاكوته خضعنا ساجدين

يارحيمٍ كلنا طمعه بـ رحمته ورضاه
ياجوادٍ من وهايب جوده تْجود اليدين

اهدني للحق في دنياي واكتب لي نجاه
يوم نبعث والبشر متحاشرين وخايفين

واجعل الصدق بكلامي من قبل فرقا الحياه
دامنا في هالحياه مرحبين مودعين

وياسلام الله سلامٍ قبل يرجع لي صداه
مْتوكد قبل اقوله , عارف اش بـَ اقول زين

صوب من هو نص عمره قاضيٍ دون اشتباه
ماحكم من يوم ولّي غير بالحق المبين

ماهو بْواضع مخافة خالق الدنيا وراه
واضع الدنيا وراه ويحكم بتقوى ودين

ماتهيب غير من قاضي العباد اللي عطاه
وكل قاسي بـ امر ربي لاوصل عنده يلين

ماخذا المنصب وجاهه واكرمه ربي بجاه
ماذخر به في دروب المؤمنين الخيرين

يضحك حْجاجه حفاوه لكل واحد كان جاه
امْتواضع مادخلْه الكبر (ذو معدن ثمين)

واللي إني يوم اشوفه من صفاه ومن نقاه
تنتشي كل العروق وتسفهل الحاجبين

دامه امْن اللي مقضّي ثلث ليله بالصلاه
قاضبٍ سنه رسول الهدي خير المرسلين

شيخٍ اليا مر ذكره قيل حي الله نباه
صيته ينشمي القريّب مع بعيدين القطين

افتخر بـ اني حفيده ويشهد الله من غلاه
كل ماصدن بنات الفكر قدامي يبين

جدي ذْياب السحيمي واقروا بكل انتباه
مامثل جدي بعيني لا شبيه ولا وزين

وفالختام اقول يالله عافه وطول بقاه
واعطه امْن سْنين عمري يالولي كل السنين

والصلاه اعْلَى الذي هدي الخلايق من هداه
عد ماكان ويكون بكل وقت وكل حين

صح لسانك يا عبدالعزيز طولت الغيبه
يستاهل الخال فضيلة الشيخ ذياب بن سعد قليله في حقه