والله اني على الجزلات شامخ مكاني

والله اني على الجزلات شامخ مكاني


السلام وعليكم ورحمة الله وبركاته
اخواني جميع الاعضاء في هذا الصرح الشامخ يعلم الله اني احبكم بالله جميع
الاعضاء للي اعرفهم وللي ماعرفهم البعض اسماء ماعرفهم شخصيأ
والله يسعد صباحكم وهذه ابيات واتمنى ان تحوز على رضاكم

والله إني على الجزلات شامخ مكاني
	وأفتخر بالرجال أهل الوفاء والحميه
ونحمد الله سليم الجسم وايضا الساني
	عارف للي ترا ليه وشيا عليه
الضحاح المزيف مايجيله ضماني
	ولايهزهز كياني دام نفسي زكيه
مامشيت الخطا راسي سهيل اليماني
	ولايذل الرجال الا الدروب الرديه
يطلقون المثل لرجل راس الحصاني
	كل رجل عريب الساس نفسه غنيه
واليمين الشجيعه ماتجي بهذياني
	تيدم العلم قفر وكيتأ فوق كيه
مجرب الوقت ولاني جاهل بهالزماني
	كل عاقل حكيم الراي بحكمه قويه
مايضيع قوانين العرب مود ماني
	يالله إني دخيلك عن طبوعً هفيه
ولانذم الرجال مكرمين الصواني
	ضيفهم لالفى يقلط بنفسن رضيه

صج السانك ابوطاهر على هذه الابيات الجزله لانشك في محبتك لربعك فانت من الرجال نظاف السريره صافي النيه يهمك توالف ربعك وتكاتفهم وهذا مانرجوه ويهمنا جميعا دمت بخير

مامشيت الخطا راسي سهيل اليماني
	ولايذل الرجال الا الدروب الرديه

صح لساانك أبوطاهر وكفو والله بدون مجامله وزي ماتفضلّت إن مايذل الرجل الا الدروب الرديّه والنيّه الشينه

تقبل مروري لاعدمناك

احبك الله الذي احببتنا فيه
ومافيه شك انت من الناس المحبوبين للجميع ماشاء الله تبارك الله ولو الناس كلهم مثلك كان الدنيا بخير
وصح لسانك على القصيدة الجزله

والله اني ابادلك نفس الحب يا ابا طاهر فأحببك الله الذي احببتنا فيه
صح لسانك على الجزيلات

صح بدنك يابو فلاح وشرفني اطلاعك الله يحفظك يالغالي

صح بدنك يابو ريان وشرفني اطلاعك الله حفظك الغالي ولاعليك زود ياولد العم الله يبيض وجهك

الشاعر بدر شرفني اطلاعك الله يحفظك ولاعليك زود يالغالي

صح بدنك يالغالي ولاتعز لامن يعزك يابوفيصل وشرفني اطلاعك الله يحفظك

صح السانك ابو طاهر على القصيده الجزله والموضوع الجزل وربعك يبادلونك نفس الشعور انت رجال امحبوب بعلومك الغانمه وفعلك الطيب