لأمي تحية صدق من وسط الاعماق

بسم الله الرحمن الرحيم

أسعد الله مساكم جميع هذي قصيدة قديمه من قصايدي في والدتي التي أسأل الله ان يمن عليها بالشفاء العاجل اتمنى ان تنال اعجابكم واعذرونا على النقص والكمال لله وحده

لأمي تحية صدق من وسط الاعماق
	تحية اللي ذاق سكر لبنها
ياكثر ماتتعب وتصبر وتشتاق
	حتى ايش لو انك قريب وطنها
قلب(ن) حنون وتجتمع فيه الاشواق
	روح الامومه فيه ما احدن وزنها
شفت الرهيفه ثم انا خاطري ضاق
	تبي ولدها راح راح وغبنها
الام قلب وقلبها صار حراق
	من حر ما جاها ولا هو بمنها
يارب يامعبود يالله يارزاق
	تجعل جزا أمي بصحة بدنها
وبالاخره يارب يالله ياخلاق
	تجعل لها الجنة ولا احدن ضمنها
ويقول لي قايل معلق بمعلاق
	امك حليله بس لاتمتحنها
يالله بعفوك يوم تنشيف الارياق
	من معصية واخاف ندفع ثمنها
وصلاة ربي عد مالاح براق
	على نبي الامه اللي حضنها

الله يشفها ياكريم وصح الله لسانك وبيض الله وجهك والله كسبك رضاها

الله يحفظها بالدنيا والآخره ويعافيها ويكسبك برّها يابوشهد

صح لسانك والله ان اللي والديه عايشين ان الله رايد له الخير ببرهم ورضاهم

صح بدنك يابو طاهر وجهك ابيض وشاكر لمرورك

صح بدنك ابوريان وجعل والديك بالجنه وشاكر مرورك

صح بدنك بعيد الهقاوي واذا كان للابداع اهل فانتم اهله وشاكر لك مرورك

صح السانك
انت مبدع وهذا ليس بغريب عليك الابداع

صح السانك
دايمن مبدع اخوي ابو شهد قصيده جزله

صح بدنك اخوي سداح لاخلا ولاعدم شاكر لك مرورك