في ملتقانا طيب العلم تلقاه

بسم الله الرحمن الرحيم

السلام عليكم ورحمة الله وبركاته
يسعدني ويشرفني تواجدي وانظمامي بين ربعي وهذه من اول مشاركاتي عسى ان تنال اعجابكم واعذروني على النقص والكمال لله سبحانه

ياهاجسي سطر قوافي منقاه
	والحمل لامني زهمتك تشيله
ياهاجسي والكل يعرف بمبداه
	اليا نظمت القاف مافي حيله
أبيات من فكري على ما اتوراه
	قدحتها قدح الزناد بفتيله
الطيب والنوماس والجود تلقاه
	عند النشاما كاسبين الجميله
رغم انشغال الناس كلن بدنياه
	الا ان ربعي حايزين الفضيله
في ملتقاهم طيب العلم شفناه
	مثل البروق اللي تسوق المخيله
في ملتقاهم شعر نادر بمعناه
	كن النوادر قاصدتهم محيله
في ملتقاهم كل شي تمناه
	من ورث جداني علوم(ن)جزيله
كلن يعود لاصل جده ومرباه
	كد قالهااللي مايخلي دخيله
أبياتي اللي قلت يالربع مهداه
	مهداه لاعظا الملتقى والقبيله

ياسلام ياسلام صح لسانك يابوشهد على هذه الابيات الجزله هذه الابيات لا ينظمها بهاذي الطريقه المرتبه المنقاه الا شاعر متمكن مثلك مدام هذه الابيات من بداياتك بالشعر فانت شاعر تجيد نظم القصيده تعرف كيف تتنقاها وترتبها على ما تريد تقبل اطيب تحياتي وكامل احترامي دمت بخير وعافيه

صح لساااااانك اخوي عبدالمجيد عوض السحيمي
بيض الله وجهك قصيده اقل ما يقال عنها رائعه لله درك
تقبل مروري وسجل اعجابي

بيض الله وجهك يابوفلاح وشهادتك وسام على صدري وانت قدوة لي بالشعر او بغيره

وجهك ابيض بعيد الهقاوي وشاكرلك على مرورك

الطيب والنوماس والجود تلقاه
عند النشاما كاسبين الجميله
مشاءالله تبارك الله بدايه تطلق الوجه لك يابوشهد انته ابوكادي
مايخذ الحكمه الا رجل حكيم
بيض الله وجهك على هالقصيده الجزله يابو شهد

تسلم يابو طاهر ومنكم نستفيد وشاكر لك مرورك

صح لسانك ياأبو شهد على هذه الابيات الرائعة

صح السانك يابو شهد ولولا بعض الامور لما اختصرت تعليقي

صح بدنك يابومعزي وشاكر لك مرورك