ياأبو فلاح القلب وسطه لواهيب

بسم الله الرحمن الرحيم

هذه الابيات من باب الغزل والطرافه مهداه الى الشاعر معزي فلاح السحيمي

ما للغزل ياسامعيني مجانيب	قلبي خظر لو مابغاني بغيته
قلبي غذيته بالمروات والطيب	وعن سكة العشاق ياما نهيته
ان جيت أبسلى مع هل القاف وأغيب	جاني بلاء وسط الحشا ماقويته
إاليا طرالي رمش محشومة العيب	يفز قلبي واتجه يم بيته
ياأبو فلاح القلب وسطه لواهيب	تجهش بجاشي والغلا مانسيته
وأنته طبيب وحكمتك تقطع الريب	ورايك سديد بكل علم(ن) بديته
سديد راي وماضيتلك تجاريب	قلبك ومابك في سطورك قريته
هاك الزمان اللي مضى قبل هالشيب	ياكم بيت(ن) بالحبيب شِديته
وأنا بلايه بالضلوع المحاديب	يفز قلبي لاذكرت وطريته
مصيونة(ن) من دونها يقنب الذيب	ومن دونها الموت الحمر وأشتريته
الله على خوة سنافي على جيب	جيب(ن) جديد وماأنتثر منه زيته
فكسار لاند كروز ماساقه كليب	وجساس ماشافه ولاسمع صيته
يوم إن رب الكون هو عالم الغيب	صخر صهاينته لحجاج بيته
مصنعينه صنع مابه عذاريب	حتى أزرق الضيان في وسط ليته
ويسج بي مع سكة غراب والبيب	وينصى العبل وإليا نصاني نصيته
أبتسلى والليالي مكاتيب	لو إن قلبي في يدينه رميته

هالدره الشعرية جميلة فاقت الخيال وأبيات مسطرة بإبداع
من شاعر رائع ومتمكن ك عبداللطيف

اخوي بعيد الهقاوي يسعدني اطلاعك ويهمني تقييمك ومانستغني

الله يرضى عليك ياعبدالطيف ويطول في عمرك حنا في افضل ايام السنه ذكر وتهليل وتكبير وصيام على كل حال
صح لسانك على هذه القصيده الجزله وارجو ان تعذرني عن الرد في الوقت الحاضر دمت بخير وعافيه ومن العايدين
وكل عام انشالله والجميع بخير

الله اكبر الله اكبر الله اكبر لااله الا الله
الله اكبر الله اكبر ولله الحمد
كلامك صحيح ياعم وجزاك الله خير وانت كبيرنا وانتعلم منك وبنسبه للرد على ماتحب متى مافضيت والقريحه هايضه حنا نشاهد ونطلع وكل عام وانت بخير وبصحه وسلامه وجميع اعضاء الملتقى والزائرين

صخر صهاينته لحجاج بيته

نحمد الله سبحانه على هالنعمه
الله كرمنا بالبترول وصناعتهم
منفعه لنا بس المفروض حتى
حنا نصنع يابو عوض هههههههه
وصح لسانك والله بيض الله وجهك
على القصيده الجزله انته وعمك كلكم
شعار وبيض الله وجيهكم بس تعذرنا
حنا ياشيابك الى بعد العيد نشاء الله

صح بدنك يابو طاهر ومعذور
والله يعز الاسلام والمسلمين ونصنع افضل مما يصنعون
ومانسغني عن تقييمك واطلاعك وكل عام وانت بخير

عليك فيهم أبوعوض ترى الغزل نشاط وصحه ويفيدنا جميع

صح لسانك وتقبل مروري