الهروج العوج من دور لها يلقاها !!

أقدم لكم محاوره من المحاورات الجميله بين الشاعر صياف الحربي رحمه الله والشاعر مستور العصيمي واللتي كانت في إحدى المناسبات الخاصه لقبيلة حرب ...
وكان صياف رحمه الله يلمح في البيت الثاني إلى بعض من يسيئون للطرف الآخر وخاصه من شعراء النظم من القبيلتين وفي المحاوره أيضا يطمئنه مستور إلى أن علاقتهم أكبر من محاولات أولئك وأنه يجب تجاهل أهل الكلام السئ وترك أشعارهم لهم وذلك في قوله :
الهروج العوج من دور لها يلقاها ؟؟

صيــــــــــاف

مرحبا ببيوت حرب أهل الشرف والشيمه
	الرجال اللي تعز الضيف في مبناها
الديار أشوف طالع في سماها غيمه
	والعيون الأوله قام يتغير ماها

مستـــــــــــور

البقا بك من ضميرن مايخص القيمه
	ردتن لأصحابنا مثل العسل مبداها
العرب مع بعضها وسط البلاد امقيمه
	وأول الأيام ياصياف مثل أتلاها

صيــــــــــاف

انزل الواد الخضر واركز عمود الخيمه
	والجبال اللي تضر الرجل لاترقاها
قول للطرقي اليا سافر ومر الزيمه
	يبرح ادروب العرب حتى يشوف اقصاها

مستــــــــــور

السوالف مانبيها ركعه وتسليمه
	المجيب يجيب هذا وقتها واخراها
لاتطب من الشداد إن كان راعي ريمه
	خلها مع دربها الليله تمد اخطاها

صيــــــــــاف

القلوب أصفى من الما واليدين اسليمه
	والبنادق ماتثور ألا على مرماها
أنت قاضي تعرف التحليل والتحريمه
	وش يكف ايسارها والسمن في يمناها

مستــــــــــور

الموارد ماتقفل والورود امحيمه
	والهروج العوج من دور لها يلقاها
ياشبابه مع بعضنا مانبي التقسيمه
	كل واحد في يده دلون طويل ارشاها

صيــــــــــاف

العزاوي والهقاوي عقبت توهيمه
	يسلم اللي يوم فاضت بالغطا غطاها

وسلامتـــــــــــــــــــــــــــــــــــــكم

الله الله
يعطيك الف عافيه ابو ريان على هذا الطرح الرائع

ويعافيك الله بعد أبوفهد على مرورك هنا

محاوره جميله فعلا تظهر ان الرجال يرفعون أنفسهم عن القيل والقال وأن العلاقات بين الناس لايجب أن يضيعها ويخرب صفوها فئه جاهله أو حاسده أو من هؤلاء الناس اللذي يهذي بما لايعلم ..

دمت بخير