من قصص الشاعر الفلكي راشد الخلاوي

من قصص الشاعر الفلكي راشد الخلاوي

______________________________ __________
قصص الكرم لاتنتهي واليوم مع الشاعر الشهير الفلكي راشد الخلاوي ، وراشد من قبيلة بني هاجر وقد يخطى البعض بأنه من الصلبه لتشابه الاسم ، ودليل ذلك قوله يوم اوصاه صديقه منيع بن سالم بعدم ذبح شبيهة معشوقته من الضباء فأنشد راشد ويقول :

واذكر وصاة من منيع بن سالم= وغيري الى من جاع ينسى الودايع

شبيهة ميثاء يالصليبي خلها= ولو كان بأيام الصفاري وجايع

وخليتها لعيون ميثا عتيقـه= عتيقه صليبي طويل المذارع


ومن الدلائل على انه غير صلبي ، وانه تسمى بهذا الاسم عن قضية دم صارت عليه اخفى بسببها اسمه الحقيقي حيث قال :

صبرنا وعدنا في صليب وحالهم=وما عابهم واهفا هفاهم جلايبه

الصلب اجواد نما الجود جدهم=نزار الذي صلب العرب من صلايبه

اجاويد قوم قلب الله قلوبهم=بحيلات سوء عابت القوم خايبه

قوم طفوا والناس في الجاهلية=وازرى بهم شرك تطاما غبايبه


وقد قيل ان الخلاوي وفد عليه صدفه صديقه منيع بن سالم ومعه مجموعة من اصحابه ولم يكن عنده حينئذ الا عنز واحده يحلبونها لطفلهم الصغير ، فقام راشد يريد ان يذبحها للضيوف فمنعته زوجته وقالت ماعندنا غير هذه العنز التي نحلبها لهذه المسكين ، يكفي ان نحط لهم عيش وسمن ، فقال راشد لزوجته : روحي جيبي لنا حطب من البر ، وعندما راحت ذبح الخلاوي العنز فلما رجعت زوجته وجدت انه قد ذبحها ، وقال ابياتا يصف بها حاله ، ويتميز راشد بالقصائد الهلاليه والتي ان شاء الله سوف نذكرها بالتالي :

يلومونني اهلي وهذي طبايعي=ولوم الفتى عقب المشيب قبيح

يلومونني في طارش قد لفت به=من البعد فجا المنكبين امشيح

ياليت عين من منيع بن سالم=حضرتها يوم ان الجنين يصيح

بليل من العوا تلالا نجومه=يلقى الشحم فوق الصحون طفيح

واليا هبت انسام السعود مع الفتى=فمليح وما حاشت يديه مليــح
واليا سكنت انسام السعود عن الفتى=فلو كان قصره من حديد يطيــح




وهذه قصيدة اخرى بعنوان حقران الجيران:

الشاعر الكبير راشد الخلاوي اتي يوم ونزل عند عرب ، لكن هولاء الجيران الجدد تحاقروه او تركوه فلم يدعوه لعزيمه او يضيفوه توجيبا له ، ويوم اصبح الصبح جاهم وقال لهم : ترا عشاكم ياجيراني عندي الليله واعذروني امس تعرفون توني منزل بيت الشعر وبانينه ومشتغلين ، وكان من المفروض كعادة العرب العكس تماما أي يقوم المقيم بدعوة الضيف وتكريمه لانه قد اتى من مشقه وسفر ..الخ ، وحاولوا الامتناع لكن حلف عليهم وقال لا لازم تقدروني والله لتعشون عندي الليله ، وبعد رجوعه من عندهم صاد 8 من الغزلان ، وفي المساء اتوه جيرانه وقهواهم ثم دخل البيت ووضع الغزلان كلها وقلطها عليهم وقال سموا ، فدهشوا منه ، وعندما صكوا على الصحون انشد قصيدته امامهم :





يقول الخلاوي والخلاوي راشد=للناس ميلان وانا لي لسانيه

شبيت نار يجذب الضيف نورها=عليها من لحم الجوازي ثمانيه


ودعيت جيراني على طيب القرا=يومن داعيه منسى ما دعانيه

ليا نزلوا الناس الطمان انزل العلا= في منزلن كل الخلايق ترانيه

والله ما خلي الطيب وانكس على الردا=والأموال عاريه والاعمار فانيه



وهي اطول من ذلك…

وهذه ايضا
وقد تكون هذه الداليـــــة هياشهر قصائد الشاعر الكبير راشد الخلاوي:
حيث يعتبر راشد الخلاوي من كبار الشعراء وشعره يتناقله الجيل الاول حتى يومنا هذا لجودته والحكم التي فيه.

يقول الخلاوي والخلاوي راشد=جديد البنا من غاليات القصايد

قصايد لابد الملا تستجيدها=لا امسى غريم الروح للروح صايد

لعل اللي يسمعونها يذكرونني =بترحيمة تودع عظامي جدايد

اوصيك ياولدي وصاتن تضمها=ليا عاد مالي من بقا العمر زايد

وصاة عود ثالثة رجله العصا=قصرت اخطاه اللي من اول بعايد

يبديك بالغالي على شف روحه=شفيق من ايام الرخا عنك ناشد

لا تاخذ الهزلا علشان مالها=لا تقتبس من نارها بالوقايد

ولاتاخذ الا بنت قوم حميده=عسى ولدن منها يجيب الفوايد

ولاتسفه المنيوب ليا جاك عاني=لاجاك ياولدي مطلى الوعايد

ابيك اتسوي بي سواتي والدي=وابغيك على مثلي ابغيري وزايد

فلي من قديم الروح نفسي عزيزه=واعض على عصيانها بالنواجد

ياكثر ماوسدت راسي كتادة=اخوف لاتعتاد روم الوسايد

ومن عود العين الرقاد تعودت=ومن عود العين المساري تعاود

ومن عود الصبيان ضربن بالقنا=نخوه يوم الكون يا ابا العوايد

ومن عود الصبيان اكلن بيته=عادوه في عسر الليال الشدايد

الايام ما باقي بلها كثر مامضى=والايام ما اللي فات منها بعايد

نعد الليالي والليالي تعدنا =والعمر يفنى والليالي بزايد

و وادي جرى لابد يجرى للحيا=اما جرى عامن جرى عام عايد

قولوا لبيت الفقر لا يأمن الغنى=وبيت الغنى لايأمن الفقر عايد

ولايأمن المضهود جمعن يعزه=ولايأمن الجمع العزيز الضهايد

لكم الشكر ياسفير الهيلا واسمى على مسمى قصص نتعلم منها بيض الله وجهك ماتجيب الا الجزل

يعطك الف عافيه وبيض الله وجهك على هذا النقل الرائع

اجزل الشكر لك ياسفير الهيلا على اختيارك للمواضيع المفيده دائما

مروركم فخر وعتزاز رحم الله والدي الجميع

اخوي سفير الهيلا بيض لله وجهك على هالقصص الرااااااااااااااااااائعه اشكرك

تقبل اطلاعي

مرورك الاجمل منها اخوي ذاير