ديوان الشاعر ذاير رشيد السحيمي

بسم الله الرحمن الرحيم



السلام عليكم ورحمه الله وبركاته


ملتقى السحمان يشرفني ويسعدني تواجدي مع افراد قبيلتي ( السحمان ) واود ان اطرح بعض قصائدي لكم

واتمنى من الله العزيز القدير ان تنال اعجابكم

محبكم // ذاير رشيد السحيمي

سلام يالضيغم بعيد الهقاوي
	وسلام يامنهو مشاهد وموجود
وسلام يامنهو على الطيب حاوي
	من ساس ابوه وساس جده هل الجود
الجد راشد يوم وقت العزاوي
	والخال ابن كلاب لا وخذت الذود
وابوه قرمن في جميع الدعاوي
	شجيع بالحكمه تجي لشوره فهود
وياصل سلامي للقريب ونحاوي
	ويضفي ذخر نجوان مليار و يزود
عزوه لنا وحزامنا يالنداوي
	اهل الحميه نعم من عصر الجدود
ربعي هل الجيره وخوه اداوي
	سحمان بالفزعه لهم فعل مشهود
من روس حرب اهل القناء والحداوي
	اهل الثلاث المعجزه حق وعهود
ريف اليتامى مزبنين الجلاوي
	يوم ان دورات الدهر قل و زهود
وقتن مضى يوم اشهب الذيب عاوي
	ماحسبو حرب الحرابه عن الرود
خبرت من يعطي من الفيد ناوي
	يعطي لو انه ماحصل شي مقصود
غير ابن ناحل يطعم اللي رجاوي
	راع السخى متوكل برب معبود
واليوم يشهد كل قاري و راوي
	في فعل حرب اللي لهم فعل محمود
بيضاء كما شمسن مداها سماوي
	بيضاء لكم يامزبنت كل مظهود
أعتاق خالد مع عوض بالتساوي
	والشكر للي كلبونا له سجود
وكل القبايل ياصلون الحراوي
	ولا ذم من ساهم يبا الخير ماكود

هذه القصيده مرثيه بنمر السحيمي وبادي السحيمي رحمهم الله كما قام بمجارات هذه المرثيه نياف العمري

أسهر يالين يسوق فجر المصلين
	وراع الصبر لو ضاق ربي يعينه
شايلني الخافوق والناس سالين
	بين الضلوع الحدب تسمع حنينه
دنيا تفرقنا وبا ألاقدار راضين
	وحكم القدر غصبن على معارضينه
صكاتها مابين ساعه ويومين
	وياما صبرنا وجورها شايلينه
غرتني الدنيا بناساً عزيزين
	واليوم حتى ذكرهم فاقدينه
والموت حق ومع طريقه مولين
	وياما يفرق في قرين وقرينه
وياما غدا في ناس ليه مودين
	وترا الغلا بقلوبنا مالكينه
ياليتهم عندي مع الوقت باقين
	كان الفواد بشوفهم عامرينه
مير المنايا سافرت بالحشيمين
	وقتن تعشى بالرجال الذهينه
أنا أشهد انه حد سيفه بنمرين
	أثنين فرقاهم علينا غبينه
أثنين من شهب الظهور وصلاطين
	نمر وبادي فعلهم خابرينه
أهل السخاء والطيب والله على الزين
	وأهل الفعول الطيبه و الحسينه
ريف الرفيق أهل الكرم والقوانين
	والطيب مابين الملا كاسبينه
يالله عسى قبرأ حضنهم بساتين
	وفي جنة الفردوس عفو وسكينه
وعفوك ورضوانك بوقت الموازين
	يالله يا ناصر نبيه ودينه
ترحم هل المعروف ريف القريبين
	والطيب كل أصحابهم ذاكرينه
أخلاق ومروه وصدق ورضيين
	وحبل الوفاء بين أصدقاء محتمينه
والهم يانياف فرق الشجيعيين
	يوم أتذكر فعلهم مع سنينه
لا تلومني دنيا بليا براهين
	حكم القدر يالضيغمي شايفينه
تهلك وتاكل بالخلايق ملايين
	ويلطف بنا اللي كلنا متقينه
محصي عدد خلقه بكل الميادين
	اللي لطف في نوح وسط السفينه
وعساك ماتفقد ربوعن محبين
	ياللي قبالك للخوي مجربينه
حيثك فهيم ومن رجال فهيمين
	وخوتك ياذياب أبن غانم ثمينه
نبا نتسلى يالخوي دام حيين
	وترا الفرح ريف القلوب الحزينه

هات القلم وأكتب على الظرف ياحسين
	قافاً من بحور الشعر ناظمينه
عسى أرد الصاع بالطيب صاعين
	ورده على اللي قافهم كاتبينه
وجتكم من اللي مايبيله عناوين
	من حرب ذاير والعرب خابرينه
من روس قوماً توفي الحق والدين
	وعدوهم تقضي عليه الغبينه
من شيمته مرسل من أخواني أثنين
	واحد على اليسرى والاخر يمينه
واليا تواجهتم ردو لي سلامين
	ثم سلموه الخط يا حاملينه
وقولوا وصل خطك لنا قبل يومين
	حزين وأثر في نفوسن حزينه
وأنا مالومك لو بكيت الفقيدين
	فقيدكم كل الملا فاقدينه
راع الوفاء والطيب طلق الحجاجين
	يا قو عزمه في سناء قاصدينه
مايلام مثلك يارفيق الكريمين
	للو هاض فكره ثم جفى النوم عينه
ماينفقد غير الرجال الميامين
	والا الردي خايب تعب والدينه
والموت تقل انه يعرف الرديين
	وعنهم يجنب للحصون المتينه
ودربن مشوابه يابن الاجواد ماشين
	ماشين به واللي سبق لا حقينه
و شهادتك لي راجحه بالموازين
	وأنا أعتبرها لي شهاده ثمينه
ولو نبني التقدير من نجد للصين
	ماوفيت مقدارً لكم شايفينه
سبقتيني بالطيب وأخذت ثنتين
	والطيب للي مثلكم صافطينه

أنا ربعي السحمان أهل السخاء وقروم
	ورجالهم معروف جزل العطا والمي
راعي شهامه عن دروب الردى محشوم
	ولايقبل العيله ولايقبل الضيمي
وربعي هل الفزعه بضرب المشوك قوم
	وريف الخوي والضيف والجار له شهمي
ألى يبست الارياق والهوش جاله عوم
	اسودن ورأس الزان بالعالقه سهمي
وكد قالوا العريف قبلي مثل ملزوم
	ثلاثه تراهم يلزمون الولد لزمي
أنا حالفن في واجبي يا عرب لأقوم
	وراع البخل دائم مع الناس مذمومي
أروف اليتامى وأطعم الجائع المقسوم
	ورزقي على اللي كاسي العظم بالحمي
ولاناصر المكروب وناصر المظلوم
	وحقا علي امواصل الخال والعمي
ولا ارخص رفيقي لو حصل مع رداه عدوم
	أعطيه السنع واقول شوف السنع قدمي
لونه تردى يوم لابد ماله يوم
	يعرف السنع والحر يرجع وخذ علمي
أنا رجل رأس حصان اعرف الخطا مذموم
	ولاذم خلق الله وبه ناس ما تذمي
وراع النقيلي لو هرج ما علينا لوم
	خشاش السرح معروف بالسرح يلتمي

طرح رائع وجميل
دمتِ بهذا الأبداع
لا خلا ولا عدم

عد ماهلت حقاق ومزن ساقي
	وعد مارودم ونو البرق لاح
ياسلام الله عليكم نور شاقي
	ياعيال العم ياوجيه الفلاح
ياعيال العم نبغا شي راقي
	والتعاون بيننا ونبغا النجاح
التعاون عز والجمعا وثاقي
	والمحبه والوفا فيه الصلاح
والجهل يذهب ومجد العلم باقي
	وجيل ماله بصمتا ولى وراح
التكاتف صرح مبني بالرواقي
	والتفكك صرح تذراه الرياح
الرجل في عزوته لا مايعاقي
	ودون عزوه طير مكسور الجناح
والجبر راس القبيله درع واقي
	والقبيله للجبر مثل السلاح
نحمد الله مايفرقنا نفاقي
	وهرج ماهو واقعي يصبح ضحاح
والعلوم الطيبه حلو المذاقي
	مثل صب الكيف فيه الهيل فاح
ياذخر نجوان ياريف الطراقي
	السخاء بصدوركم ماانتم شحاح
والصطر فيكم لاجاء وقت التلاقي
	وان تلاقوبالوغاء بضرب الرماح

قال البكى عيبن ولافيه مصلوح
	قلت البكى للي تعزه ماهو عيب
قدامي ادم احرق الخد بالفوح
	تذرف دموعه والرموش المهاديب
على عياله يصعق بصوت مبحوح
	عشرين مع عشرين عامن تعاذيب
وانا من الغالين بالصدر مجروح
	وونس بصدري مثل دق المناسيب
وليا تذكرت الغلا تزهق الروح
	وترى الفراق يشيب الراس تشييب
وحكم القدر جاري ولاهو منطوح
	قفو وخلوني هل العز والطيب
وخافوقي اصبر وان جرا شي ساموح
	هذي مقاسم ربنا عالم الغيب
حنا عباده ماكتب كتب باللوح
	مالك عن المقسوم واللي لك يصيب
قال الفراق يلوعني صرت مطروح
	كني طريح السم مالي تطابيب
وتقول فرقى صرت بالجسم مذبوح
	الموت حق ولانرد المكاتيب
لاتلوح يالخافوق بالصدر لاتلوح
	كما تلوح الدلو بيد المجاذيب
يسقون ذودا ماتضوت في مشفوح
	ولاشبكوهن عند بيض الرعابيب
مرباعها باايسر سكاكا على الدوح
	وعلى طبرجل والقليبه محازيب
اتلاد مع مرياعها وين مايروح
	طياحها يطرب له القلب ويطيب
ومحشمات وعندهن رجل طحطوح
	لاصاح جن مقوطراتن مهاذيب
والزين فيهن زادت نحورهن شوح
	شعلن غشاهن لون مثل المشاهيب
لاشفتهن يرتاح بالي عن النوح
	واسج وانسى لو حصلي لواهيب
وانا سحيمي ناصفي راس مسروح
	حربي تنومسني رجال المواجيب
يازين جلستهم بها الطيب ومزوح
	جلست نشامى كلبوها مكاسيب
يالعبد لك فرصه ولك باب مفتوح
	قم واغتنم دنياك فيها التعاجيب
وصلو على اللي بين الحق بوضوح
	نبي طاهر عن جميع العذاريب

بديت باسم الولي منشي المخاييلي
	رب السماوات دون اوتاد ثبتها
اللي خلق للبشر شكل وتفاصيلي
	اجيال راحت وفي اجيال ساقتها
يامدبر الكون ياخالق مكاييلي
	وياخالق الروح تعلم ويش غايتها
ياحامي البيت من شر اهل الفيلي
	وخلقت دنيا لها موعد نهايتها
واغفر ذنوبي لاجيت بموقع مهيلي
	وثبت لي الروح لاجاء وقت نشدتها
ياخافقي لاتذكرني تعاليلي
	مع الرجال الذي تنعش بشوفتها
اهل العطاء والسخاء ذباحت الحيلي
	كلن يبا الطيبه يمناه حاشتها
من عقب شرب المهيل بالفناجيلي
	والكيف بعد الفجر تطرب لصبتها
اليوم ماهم هنا ركابت الخيلي
	ولافيه نفسن تبا تبقى سلامتها
ويالله بنون اخياله جاء محاميلي
	غربيتا مزنها رودم بجيتها
حقاقها جاء على الدير هماليلي
	وابو بريقا على الابرق وهضبتها
اديار ربعي لجداني مداهيلي
	ويسقيك ياغربي الظله وحرتها
ماكفه الراس الابيض شرق ويميلي
	تبقى ودادين لين تزين شربتها
والغيث ضفوه وتطرب له جواويلي
	في نجد وارض الحجاز ارزاق عمتها
والجيب جاهز جديد و يطوي الويلي
	عبارته توقد النيران دبتها
ان جاء مع الرمل قصه تقل يحكيلي
	توايره تسهج الرمله ماهمتها
ياصانع الجيب ياخبث الدواليلي
	صنعتك للجيب زادت فوق سمعتها
اقفايته لامشى فيها تخاييلي
	مثل الجمل يشبه عضوده وقامتها
نبي لناخايعا عشبه مضاليلي
	فيه النفل والخزامى بعز طلعتها
يازين بعد الظهر فيها المقاييلي
	مافيه غير ام سالم وقت حزتها
تريح القلب عن الحط والشيلي
	والعشب ريحه ليا هبت بحايتها
ادله النفس عن هم وبهاذيلي
	والرجل في ديرتي يازين سجتها

يابجاد أبوك مساهر الليل مابات
	سرابه الخافوق وحرك أشجانه
هات القلم وأكتب بيوتٍ عفيفات
	والصقر وقت اليوم هانه زمانه
مني لأبو بدر سلام و تحيات
	اعداد من صلى ومتقن إيمانه
معزته بخافوق صدري ترا جات
	ورمز المعزه وسط قلبي إعلانه
وصداقته زادت ولا به مروات
	ومكانته ماحدا يحل بمكانه
وأنا تراني شايفن فيه أنا صفات
	إصفات من حض الفتى في زمانه
الطيب والرفقه ومع حسن نيات
	والصدق في أبو بدر وحفظ الأمانه
وهذي تراها مكسب الرجل بالذات
	لاصار كل اللي ذكرنا بشانه
أعد مأواجهت ماهي دعايات
	الحق أعده ماعليه مهانه
والرجل له مبداه ونظره وميزات
	والنمر كاسبها بطيب ورزانه
بشته ترا بشتي ولا فيه شكات
	وعصاه عصايه ثبات وضمانه
وأنا أفتخر بكل فعله ومافات
	ياللي رفيقه واحدا من إخوانه
والرجل لازم له مبادي قويات
	أقل مبدا هرجته في لسانه
ياأبو بدر مالي على الناس شرهات
	مادام راع السيف ملجم حصانه
أسلم وسلملي على الحر بثبات
	عساك تسلم ياقوي الذهانه