اعطني حقي وخلك مستحي

يالطيور اللي على الشاطي تحوم	اطلعي فوق السحايب وانتحي
ماهنيا الا المشاكل والهموم	سيئةٍ تكسب وحسنه تنمحي
آآه ليت القلب لاعذب يعوم	كان يسبح مثل منتي تسبحي
لو تقطعه الهبايب والسموم	كسرة الخاطر ولا نتف اللحي
يوم طاش الوقت بعيال الرخوم	صار فيه الذيب يبطي ماصحي
بس انا عندي بها الدنيا لزوم	لازمٍ لو ماحصلي مت حي
انت ياشبه القمر بين النجوم	ليه لاقالوا لك اسمي تستحي؟
كيف لو تصبح بقربي يامعدوم	لانشوف احدٍ ولا نسمع وحي
مانبي ياكود توزيع القسوم	اعطني حقي وخلك مستحي
لاتحاتي هرج خطاف العلوم	والله انه فاحيٍ كبدي فحي

الشاعر نواف هليل الحربي
تحياتي لكم

يعطيك العافيه قصيده رائعه سلمت يمينك على النقل وصح لسان شاعرها

قصيده رائعه ابوشهد .. لاعدمناك
وصح لسان الشاعر والناقل ..

صحت ابدانكم شاكر ومقدر مروركم
تحياتي

صح لسان قايلها وسلمت يمين ناقلها

سلم غاليك ابو معوض
شاكر ومقدر مرورك

سلمت يآ ناقلهآآ وصح لسان شاعرهآ

واشتقنآ يآأبوشهد لنقلك الرائع


لاتبطي علينآآ

صح لسانه وتسلم ابو شهد على النقل

صح لسان الشاعر قصيده رائعه جدآ وسلمت يداك ياأبوشهد على النقل الاروع

اخواني . ابو عواد . ابو عساف . ابو ساره
سلم غاليكم ويعطيكم العافيه جميعا على المرور
الله لايحرمنا من هالطله
تحياتي لكم